Politikë

Janë mbledhur dje në rrugën “Mustafa Matohiti” anëtarë të Partisë Demokratike që si çdo natë kanë dëgjuar fjalimet e Sali Berishës nga dritarja e shtëpisë së vet. 
Është një tubim që mbivendos absurden mbi teatralen pasi tashmë arsyet e protestës te “rruga e shpresës” nuk qëndrojnë. 

'Rithemelimi' ka arritur marrëveshje me Edi Ramën, jeta parlamentare është normalizuar dhe me gjasë edhe për projektin e Sazanit kanë dakordësi të dyja grupimet. 
Mbetet vetëm Sali Berisha në dritare me hallin e tij të arrestit shtëpiak. Pse protestojnë pra qëndrestarët? 

Maxhoranca dhe opozita në Komisionin e Integrimit u shprehën skeptikë për zbatimin e projektligjit për sigurinë kibernetike dhe shprehën shqetësimin se ai nuk është në përputhje me Kushtetutën. Kryetarja e Komisionit, Jorida Tabaku, ka akuzuar AKCESK (Autoriteti Kombëtar për Certifikimin Elektronik dhe Sigurinë kibernetike) se nuk është konsultuar me institucionet e pavarura të drejtësisë, për përfshirjen e tyre në sistemin e ri modern që do të mbrojë strukturat nga sulmet virtuale.

Kryeministri Rama e sheh Marrëveshjen për Normalizimin e Marrëdhënieve mes Kosovës e Serbisë si kushtin themelor për hyrjen e dy vendeve në BE. Në një postim në rrjetet sociale, Rama thotë se marrëveshja dhe aneksi i saj zbatues duhet të përfshihen në proceset e anëtarësimit.

Në një takim të Asamblesë Kombëtare të Partisë Socialiste, kryeministri Edi Rama u shpreh se reformën në drejtësi e bëri kjo parti.

Amerikanët këtu ishin edhe më përpara

citohet ai. 

Para pak ditësh, drejtuesi i SPAK, Altin Dumani, deklaronte se institucionet e qeverisë nuk kanë referuar asnjë rast korrupsioni në prokurori. Dhe se këtë e bën vetëm Kontrolli i Lartë i Shtetit. 

Prodhimi i përbashkët i armëve mes Shqipërisë dhe Ukrainës, një nga çështjet kryesore të diskutuara në Samitin për Ukrainën, mbajtur disa ditë më parë në Tiranë, është sipas këshilltarit diplomatik të presidentit Zelenskiy një rrugë përmes së cilës do të garantohet siguria e vendeve europiane.

Çështja “Beleri” mund të quhet padyshim si kazusi par excellence i zhbërjes së politikës ‘Zero probleme me fqinjët” që formuloi në nisje të qeverisjes së vet Kryeministri Edi Rama. Kjo sepse pavarësisht rolit të provueshëm të tij nëkëtë çështje, në Athinë perceptimi është se ka qenë pikërisht zoti Rama që ka ezauruar një shkelje të një niveli të cilin Greqia po sheh ta shndërrojë në problem europian.

SPAK ka nisur me iniciativën e vet disa hetime për korrupsion në institucionet shtetërore, të cilat, sipas tij, pavarësisht se i kanë mekanizmat, nuk kanë bërë asnjë kallëzim në organin e akuzës.

Kreu i SPAK, Altin Dumani, shprehet se në institucione si Tatimet dhe Doganat është e sigurt që ka korrupsion, por të vetmet kallëzime që shkojnë në prokurori janë ato të Kontrollit të Lartë të Shtetit.

Marrëveshja Shqipëri-Itali për emigrantët nuk pritet të marrë dritën jeshile të Gjykatës Europiane të Drejtësisë. Kjo e fundit i ka thënë jo procedurave të përshpejtuara, të parashikuara në protokollin e marrëveshjes së firmosur nga kryeministri Edi Rama dhe homologia italiane, Giorgia Meloni.

Efekti i parë i vendimit të Strasburgut mund të jetë një shtyrje e përkohshme e papërcaktuar e projektit që qeveria italiane ka në Shqipëri.

Vangjel Tavo është emëruar prefekti i ri i qarkut të Vlorës.

Vendimi është marrë në mbledhjen e fundit të qeverisë, e cila ka shkarkuar Flamur Mamajn, duke i dhënë detyrën e tij ish-deputetit Tavo.

Mamaj e ka mbajtur detyrën e prefektit prej nëntorit të vitit 2017.

Ndërsa Tavo ka përfaqësuar Gjirokastrën në Parlament për disa mandate, fillimisht nën siglën e Partisë Socialiste e më pas nën atë të Lëvizjes Socialiste për Integrim.

Ai ka mbajtur postin e ministrit të Shëndetësisë në periudhën 2012-2013.

Lëvizjet e fundit të Presidentit Vuçiç për të spostuar Ana Brnabiç si kryeministre duke i dhënë postin e kryetares së Parlamentit, po lexohen si ndryshime që lidhen me krizën politike në Serbi.

Kryetari i Forumit për Marrëdhënie Etnike në Serbi, Dushan Janjiç, flet për lëvizje që synojnë të ruajnë ekuilibrat brenda partisë në pushtet.