Hoti mban një derë hapur me BE-në: Nuk ka dallim mes SHBA dhe Europës
Kryeministri i Kosovës, Avdullah Hoti, ka dhënë sot një intervistë për agjencinë gjermane, Deutsche Welle përmes së cilës ka komentuar zhvillimet e fundit në vend dhe perspektivën e dialogut me Serbinë. Në dallim nga presidenti Hashim Thaçi, që u pozicionua thuajse hapur kundër Europës në procesin me Serbinë, Hoti ka një qasje më të ekuilibruar.
Unë nuk kam përshtypjen që ka ndarje të tillë(mes BE-së dhe SHBA). Siç e keni parë, takimi që ishte planifikuar të ndodhte në Uashington, ishte fokusuar në agjendën ekonomike, në bashkëpunimin ekonomik ndërmjet të dy vendeve, duke hyrë në projekte të mëdha infrastrukturore që kanë ndikim në ekonomitë jo vetëm të të dy vendeve, por të mbarë rajonit, duke e lidhur Kosovën me Evropën Qendrore dhe më tutje dhe më pas pjesa politike në Samitin e Parisit, për të cilin po presim për ftesën formale dhe aranzhimet e nevojshme, dhe të shkojmë më tutje. Unë e shoh rolin e BE-së dhe SHBA-së komplementar në këtë proces.
Nuk mund të them se ka ndarje sa u përket synimeve të procesit të dialogut dhe rezultatit përfundimtar që duhet të ketë ky dialog. Mekanizmat që i ka në dorë SHBA-ja dhe BE-ja, për t'i shtyrë të dy palët drejt zgjidhjes finale, mendoj që janë komplementare
thotë Hoti.
Comments
Shume mire ben, s'ka zgjidhje
Shume mire ben, s'ka zgjidhje tjeter. Nese vjen Biden dhe ndjek te njejten politike si Obama atehere, i gjithe procesi do udhehiqet kryesisht nga Evropa, qe do te jete nje gje shume e mire sepse, do lere jashte Rusine me Kinen dhe, ceshtja do trajtohet si problem Evropian.
Add new comment