“Edge of Tomorrow” mund të rikthehet
“Edge of Tomorrow” mund të ketë një seri të re. Në një intervistë me Josh Horowitz në podkastin Happy Sad Confused, Emili Blunt tha se për rikthimin e suksesit të vitit 2014 në ekranet e kinemasë ka më shumë sesa thjesht dëshira e mirë.
"Unë jam shumë gati. Do të doja të kishte një rikthim”, tha ajo duke shtuar se për filmin e ri ka një skenar.
“Do të doja ta bëja realitet, por thjesht nuk e di kur dhe si – sa Mission Impossible i duhen Tom Cruise?”, tha ajo.
Në “Edge of Tomorrow”, Tom Cruise luan rolin e Major Bill Cage, një oficer i marrëdhënieve me publikun pa përvojë luftarake, i cili përballet me Mimikët, alienë që kanë zbritur në Gjermani dhe kanë pushtuar më shumë se gjysmën e kontinentit të vjetër.
Cage merr përsipër një mision vetëvrasës dhe sheh vdekjen vetëm pak pasi e kishte marrë këtë vendim. Ai e gjen veten brenda një qarku të kohës, ku rijeton të njëjtën luftë brutale dhe vdekjen e tij - pa pushim. Por kjo bën që aftësitë luftarake të Cage të përmirësohen çdo herë e më shumë, ndërsa i bashkëngjitet edhe Rita Vrataski, rolin e të cilës luan Emily Blunt.
Që prej vitit 2014, kur filmi u shfaq në kinema, fansat kanë kërkuar një seri pasuese. Megjithatë, kjo është hera e parë që flitet konkretisht për një të tillë. Blunt konfirmoi se është takuar me regjisorin Doug Liman për të diskutuar mbi këtë projekt.
Add new comment