Erdogan: Gati t’i lëshoj Europës 3 milionë sirianë
Presidenti turk Rexhep Taiip Erdogan ka paralajmëruar se tre milionë refugjatë sirianë të cilët ndodhen tashmë në Turqi, janë gati për të kapur Europën dhe akuzoi Bashkimin Europian se nuk po mbështet financiarisht Turqinë, teksa kjo e fundit ka shpenzuar miliarda për refugjatët.
"Tani për tani në Turqi janë tre milionë refugjatë sirianë që mund të kalonjnë në Evropë, madje duke udhëtuar në këmbë. Ndërsa ne kujdesemi për tre milionë njerëz, BE-ja është e detyruar të na ndihmojë. Në qoftë se këta refugjatë do të shkojnë në BE, atëherë çfarë do të bëjë Evropa? Atëherë situata do të jetë edhe më e ngatërruar , sepse tani ajo nuk dëshiron të pranojë as 100 apo 150 njerëz"-tha Erdogan në një intervistë për Al Jazeera.
Ai shtoi se BE-ja nuk e ka përmbushur marrëveshjen e saj financiare me vlerë tre miliardë euro për të ndihmuar refugjatët, duke shtuar se se shuma që deri më tani ka dhënë Europa është jo më shumë se 250-300 milionë euro.. Erdogan kritikoi gjithashtu SHBA për mosdorëzimin ende të Fethullah Gulen, të cilin ai akuzon si nxitës të grushtit të shtetit më 15 korrik.
Add new comment