Bilanc tragjik nga fluksi i madh i pelegrinëve në Mekë; 310 vetë të vdekur e 450 të plagosur

Zyrtarë të Arabisë Saudite bëjnë të ditur se të paktën 310 persona kanë gjetur vdekjen gjatë pelegrinazhit të Haxhit në Mekë dhe po ashtu, 450 persona të tjerë janë plagosur nga shkelja mbi njëri-tjetrin. Një problem i tillë është i përvitshëm në Mekë, gjatë ceremonive të Kurban Bajramit, për shkak të dyndjes së peligrinëve në vendet e shenjta. Mbi 1 milion pelegrinë ndodhen aktualisht në Mekë dhe numri pritet të arrijë në 2.2 milionë deri fundjavën e ardhshme.