vkm

Qeveria ka vendosur sot që të shpallë 199.7 ha tokë në Spitallë të Durrësit, si “Zonë e teknologjisë dhe zhvillimit ekonomik”. Ndërkohë po sot qeveria ka revokuar një vendim të vitit 2008 që shpallte një Zonë Ekonomike në Shkodër. Sipërfaqja që jepet në Durrës ka tarifën simbolike prej 1 euro dhe ajo do të jetë në dispozicion për 99 vjet. Në vendim është bërë një shpjegim se çfarë nënkupton statusi i ri që i jepet Zonës: “Llojet e veprimtarive që do të zhvillohen në këtë zonë janë:

a) prodhuese, industriale dhe agropërpunim;

b) tregtare dhe magazinim mallrash;

Qeveria shqiptare ka zyrtarizuar shitjen e kompanisë “INSIG” duke njohur si fituese ofertën e kompanisë “Eurosig”. Përmes një vendim, marrë në mbledhjen e sotme të Këshillit të Ministrave është miratuar “procedura e tenderimit për shitjen e paketës së aksioneve prej 100 për qind, të zotëruara nga shteti në shoqërinë “INSIG”, sh.a., Tiranë, dhe shpalljen fitues të tenderit shoqërinë “EUROSIG”, sh.a”. Po kështu vendimi rregullon edhe kryerjen e pagesës e cila duhet kryer “brenda 30 (tridhjetë) ditëve nga data e lëshimit të autorizimit nga Ministria e Financave”.

Rreth 7 mijë efektivë të policisë nuk trajtohen me ushqim (drekë) gjatë kryerjes së detyrës. Edhe pse ka një Vendim të Këshillit të Ministrave të vitit 2007, i cili detyron Ministrinë e Brendshme të paguajë të paktën një vaktë ushqim (drekë) për të gjithë punonjësit që janë në shërbim, përsëri ky vendim nuk është vënë asnjëherë në zbatim. Për kreun e sindikatës të punonjësve të policisë, Sadedin Fishta, kjo situatë nuk është normale, ku një efektiv të mos marrë trajtimin e duhur ushqimor të parashikuar në ligj.

U bë publike para disa kohësh një Vendim i Këshillit të Ministrave i cili sanksiononte pajisjen me dekodera dixhital të familjeve në nevojë. VKM-ja lidhet me dixhitalizimin e TVSh-së, realizuar me një tender 23 milionë euro, plus 8.8 milionë euro për mirëmbajtjen e një rrjeti ende të pandërtuar.

3.4 milionë dollarë ka akorduar qeveria shqiptare si pjesë e fondit për familjet në nevojë. Fond që do të shkojë për pajisjen e këtyre familjeve me dekodera dixhitalë. Për çfarë jepet ndihma për familjet në nevojë? Jepet për nevojat jetike që kanë këto familje, për të cilat kemi rënë dakord të paguajmë të gjithë. Por qeveria mendon se “moshën e internetit” familjet shqiptare në nevojë kanë nevojë edhe për të parë Digitalbin, Tring apo ndonjë operator tjetër që ofron shërbime të tilla.

Qeveria shqiptare ka ndër mend të blejë 44 makina me qira financiare përmes një procedure prokurimi sekrete të organizuar nga Garda e Republikës. Një vendim i qeverisë i 19 marsit 2015, i cili nuk u publikua në faqen e qeverisë kryeministria.al në atë kohë, urdhëron të gjitha institucionet shtetërore të dorëzojnë te Garda e Republikës fondet që kanë në dispozicion për makinat e titullarëve si dhe ngarkon gardën të kryejë procedurat e prokurimit të mjeteve të reja. (kliko këtu për të lexuar vendimin e qeverisë).

Edhe një koncesion tjetër. Kësaj radhe bëhet fjalë për lejet e qarkullimit, të cilat që këtej e tutje parashikohen që t’i jepen me koncesion një kompanie private. Dhe ky konçesion rregullohet me një ndryshim të miratuar dje në mbledhje qeverie, në “Vendimin nr.153, datë 7.4.2000, të këshillit të ministrave, “Për miratimin e rregullores për zbatimin e kodit rrugor të republikës së shqipërisë”, të ndryshuar”.