ukraina

Gjermania do t'i japë Ukrainës ndihma të reja ushtarake me vlerë 650 milionë euro. Shifra u bë e ditur nga kancelari gjerman Olaf Scholz, i cili ndodhet në Kiev për një vizitë të paparalajmëruar.

Scholz deklaroi se Gjermania do të mbetet mbështetja më e fortë e Ukrainës në Evropë, ndërsa shtoi se ndihma do të dorëzohet gjatë dhjetorit.

Kjo është vetëm vizita e tij e dytë që nga shpërthimi i luftës, pas vizitës së parë në qershor 2022.

Ndonëse ShBA aprovoi përdorimin nga Ukraina të raketave me rreze të gjatë brenda Rusisë, vendet kryesore europiane nuk duket se do të solidarizohen.

Të paktën për momentin. Kancelari gjerman, Olaf Scholz, ka deklaruar nga Samiti i G20 në Brazil, se opsioni i furnizimit të Ukrainës me sistemin "Taurus" nuk është ende në agjendë. 

Rreth 8 000 ushtarë të Koresë së Veriut janë në Rusi pranë kufirit të Ukrainës dhe po përgatiten të ndihmojnë Kremlinin të luftojë kundër trupave ukrainase në ditët në vijim. Lajmin e bëri të ditur administrata Biden.

Revista “The Economist” boton një artikull me titull “Lufta po shkon keq. Ukraina dhe aleatët e saj duhet të ndryshojnë kursin”.

Uashingtoni nuk e përjashton mundësinë që Ukraina të lëshojë territore në këmbim të një marrëveshjeje paqeje me Rusinë, tha të enjten zëdhënësi i Këshillit të Sigurisë Kombëtare të SHBA-së, John Kirby.

Pas një takimi në Shtëpinë e Bardhë midis Presidentit të SHBA Joe Biden dhe udhëheqësit ukrainas Vladimir Zelensky, Kirby u pyet nëse ai ka ndonjë mënyrë për t'i dhënë fund konfliktit pa lëshuar territore Ukraina ndaj Rusisë.

Ndihma për Ukrainën nga Bashkimi Evropian që nga fillimi i konfliktit ka arritur në një total prej 118 miliardë eurosh, duke përfshirë 43.5 miliardë euro mbështetje ushtarake.

Shifra u bë publike nga nënpresidenti ekzekutiv i Komisionit Evropian (KE) Valdis Dombrovskis.

NATO nuk do të bëhet palë në konfliktin ukrainas nëse shtetet e saj anëtare autorizojnë Kievin të godasë territorin rus me armë të prodhimit perëndimor, thotë Sekretari i Përgjithshëm i NATO-s, Jens Stoltenberg, në një intervistë për Foreign Policy.

“Nuk është e saktë ajo që thotë presidenti Putin për përfshirjen tonë në konflikt”, pohoi Stoltenberg.

Ai shtoi gjithashtu se NATO nuk e konsideron Iranin dhe Korenë e Veriut palë në konflikt mbi ndihmën e supozuar ushtarake për Moskën.

Kancelari gjerman Olaf Scholz ka përjashtuar mundësinë që Gjermania të furnizojë me armë rreze të gjatë Ukrainën për t’i përdorur ato për goditje në territorin rus. Ai e ka përsëritur qëndrimin e vet në një takim në Prenzlau duke afirmuar se:

Nuk do të furnizojmë me këto armë sepse unë e quaj një problem. Edhe nëse vende të tjera e bëjnë këtë

Presidenti Putin i dërgoi një paralajmërim të qartë Perëndimit lidhur me përdorimin e raketave me rreze të gjatë veprimi. Përdorimi i këtyre të fundit nga Ukraina, e cila nuk e ka një teknologji të tillë ushtarake, do të konsiderohet nga Rusia si "pjesëmarrje e drejtpërdrejtë" e vendeve të NATO-s në luftën në Ukrainë.

Andriy Sybiha është zgjedhur ministër i Jashtëm i Ukrainës. Propozimi iu bë Parlamentit nga presidenti Volodymyr Zelenskiy, që ka ndërmarrë një riformatim masiv të qeverisë.

Sybiha pason në detyrë Dmitry Kuleban. Ai ka lindur në vitin 1975, është diplomuar për anglisht dhe jurisprudencë nga universiteti i Lviv dhe ka mbajtur disa detyra në administratën e Ministrisë së Jashtme, sikurse ka qenë edhe ambasador në Turqi. Deri para zgjedhjes në krye të Ministrisë së Jashtme, ai mbante detyrën e zv.ministrit të Parë të Jashtëm.