serbia

Mediat serbe kanë qarkulluar një intervistë të ambasadorit të Greqisë në Serbi, Georgios Diakofotakis, dhënë për agjencinë “Tanjug” përmes së cilës janë vjelë një titulltë njohur: Greqia nuk do ta njohë Kosovën. 

Gjatë vizitës së tij në Beograd ministri i Punëve të Jashtme Nikos Dendias përsëriti se pozicioni i Greqisë mbetet i pandryshuar dhe se ajo nuk ka ndërmend të njohë pavarësinë e Kosovës

citohet ambasadori. 

Kryeministri i Kosovës, Albin Kurti ka thënë në një intervistë për italianen “La Repubblica” se mundësitë e një konflikti të ri në Europë janë të larta. Sipas tij, nëse do të ketë zhvillime ushtarake në Transnistri, atëherë edhe Kosova do të jetë shumë shpejt pjesë e një episodi ushtarak që lidhet me Serbinë. I pyetur për relacionet mes Serbisë dhe Rusisë, Kurti ka vënë në dukje faktin e një miqësie personale mes presidentit Vuçiç dhe Putin.

Mesazhet politike të presidenti serb dhe paralajmërimet e tij për tensionim situate në Kosovë më 1 tetor, hapin premisat e diskutimit për të paktën dy çështje: së pari se të ashtuquajturat kërkesa të reja të Perëndimit janë pasojë direkte e luftës në Ukrainë dhe në këtë rast, Serbinë e ka tradhëtuar fati për shkak se Presidenti rus po e përdor Kosovën si alibinë e tij kryesore. Dhe kjo e dëmton pozitën e Beogradit.

Sekretari i Shtetit në Ministrinë e Jashtme të Serbisë, Nemanja Staroviç, ka njoftuar arritjen e një marrëveshjeje me Turqinë për lëvizjen e shtetasve serbë në këtë vend vetëm me karta identiteti.

Ne presim që të diskutojmë një numër çështjesh në fushën e bashkëpunimit ekonomik dypalësh, finalizimin e marrëveshjes së lëvizjes së qytetarëve tanë me karta ID në Turqi

ka thënë ai.

Në Serbi po diskutohet me intensitet vizita e pritshme e kancelarit gjerman, Olaf Scholz, që pritet të ketë një fokus mbi marrëdhëniet e Beogradit me Prishtinën. Presidenti serb, Vuçiç, bëri të qartë dy ditë më parë se pavarësisht mesazheve jo të lehta që priten nga vizita e Scholz, Serbia duhet të jetë mirënjohëse ndaj Gjermanisë, por edhe të mbajë parasysh se investimet gjermane punësojnë 77 mijë njerëz në Serbi.

Për analistët serbë, mesazhet e Scholz janë realisht sfiduese, por në politikë nuk duhet patur frikë.

Presidenti i Serbisë Aleksander Vuçiçka mbrojtur së fundmi qëndrimin e vendit të tij në lidhje me Rusinë dhe vizitën e anulluar të ministrit të Jashtëm rus, Lavrov. E anulluar për shkak të bllokimit të hapësirës ajrore nga Bullgaria dhe Mali i Zi, vizita e Lavrov konfirmoi natyrën e tensionit aktual në Europë. Vuçiç ka ekspozuar një klimë të vërtetë shantazhi në Europën e zhytur në politikën autodestruktive të sanksioneve dhe presionit që nuk është as ky i njëjtrajtshëm.

Vizita e parashikuar e ministrit të Jashtëm rus në Serbi ka krijuar dhimbje të madhe koke në Beograd. Kryeministrja serbe, Ana Brnabiç ka folur për “vështirësi logjistike” gjatë një interviste në Tv Pink, elementë këto që lënë shumë vend për interpretim. 

Është vërtet e pabesueshme se situata në Europë dhe botë është e tillë saqë presidenti i një vendi duhet të merret me gjëra të tilla si logjistika e udhëtimit të një ministri të jashtëm, të cilat përcaktojnë nëse ai do të vijë ose jo

Presidenti rus Vladimir Putin dhe ai serb, Aleksandër Vuçiç, kanë zhvilluar një bisedë telefonike gjatë së cilës është konfirmuar partneriteti strategjik mes të dyja vendeve. 

Agjencia ruse e lajmeve “TASS” citon zyrën e shtypit të Kremlinit sipas së cilës, Vuçiç dhe Putin kanë rënë dakord për të vijuar furnizimin me gaz të Serbisë, pavarësisht situatës së tanishme. 

Serbia po shantazhohet hapur për të mbajtur një qëndrim të qartë ndaj Rusisë për Ukrainën. Sipas mediave serbe që referojnë një takim të presidentit Aleksander Vuçiç me ambasadorin amerikan në Serbi Christopher Hill, pala amerikane ka bërë të qartë se politika e balancimit nga Beogradi nuk do të tolerohet më.

Kosova ka aplikuar për anëtarësimin në Këshillin e Europës. Mediat serbe citojnë presidentin Aleksandër Vuçiç sipas të cilit kërkesa është dorëzuar nga ministrja e Jashtme, Donika Gërvalla.

Vuçiç tha se Prishtina shkeli një tjetër marrëveshje – Marrëveshjen e Uashingtonit

shkruan B92.