rama

Me një fjalim empatik të ngjashëm me atë armëve kimike, kryeministri Rama u shfaq në televizionin ERTV në një konferencë për ngjarjet e paradites në Kalimash, duke iu drejtuar popullit me nje monolog, pasi gazetarët nuk ishin të pranishëm. Dukshëm i tronditur nga protesta dhe djegia e stacionit të pagesave në Rrugën e Kombit, Rama nuk i fshehu emocionet që i shkaktoi përplasja e protestuesve me policinë. Kryeministri tregoi me gisht nga opozita si orkestruese e gjithë skenarit, duke folur sa me tone të ashpra ndaj protestuesve dhe me zë të butë dhe shpjegues ndaj banorëve. 

Në krye të betejës politike për të mbrojtur versionin se droga e Maminasit ishte vetëm operacion i policisë shqiptare, kryeministri Rama tani konfirmon të kundërtën. Në skenë kanë dalë italianët, jo nga raportimet në media, por nga  goja e vetë kryeministrit.

Me dashje apo pa dashje, në një intervistë për Die Welt, kreu i qeverisë shqiptare tha se operacioni ishte në bashkëpunim me policinë italiane, e cila mësa duket i ka bërë një konçesion palës shqiptare, duke mos raportuar asgjë lidhur me këtë operacion. 

Akuzat ndaj Deputeti socialist, Alket Hyseni për tjetërsimin e 11 mijë m2 toke në Dhërmi duket se kanë prishur nerva në grupin socialist. Burime raportuan se në mbledhjen e radhës, kryetari i Partisë i ka kërkuar deputeti Hyseni, të dalë të ta sqarojë këtë cështje publikisht, ndërsa nuk dihet nëse vetë Partia Socialiste dhe kryetari i saj janë të sqaruar për këtë çështje.

Qeveria refuzon të shpallë gjendjen  e emergjencës në Shkodër, ndonëse përmbytjet kanë izoluar disa fshatra dhe shumë familje janë evakuuar nga banesat e tyre. Emergjencat Civile vlerësuan se të paktën duhej të shpallej  gjendja e emergjencës së pjesshme, por përmes zv/kryeministres Senia Messi qeveria deklaroi se kjo nuk është e nevojshme. Qeveria nuk ka dhënë një shpjegim bindës pse heziton të shpallë gjendjen e emergjencës civile, ndonëse situata ka precipituar dhe në terren kanë zbritur forcat e ushtrisë.

E enjtja e kësaj jave ishte një nga ditët që kryeministri nuk u shfaq në media, përveç urimit për ditën e Sulltan Novruzit dhe fotografi nga përmbytjet në Shkodër që sipas tij tregojnë se shteti është në krye të detyrës.

Lodhja e rrugës së kthimit nga Brukseli ku kryeministri deklaroi se Shqipëria e meriton hapjen e negociatave mund të ishte një nga arsyet e mungesës, duke marrë parasysh faktin që zoti Rama nuk e ka praktikë bashkëbisedimin me gazetarët për të dhënë shpjegime mbi takimet në selinë e Bashkimit Europian.

Tani që presidenti shqiptar, Ilir Meta lëshoi autorizimin për nisjen e negociatave për kufirin detar me Greqinë, nënshkrimi i marrveshjes duket të jetë një formalitet. Ka një vetëpërmbajtje si në Athinë ashtu edhe në Tiranë për finalizimin e një pakti, nga i cili duket se dalin të kënaqura të dyja palët.

Siç u bë e njohur, pak ditë më parë, kryeministri i Shqipërisë, Edi Rama zhvilloi një takim në presidencë me kreun e Shtetit, Ilir Meta. Mediat raportuan se të zyrtarët biseduan për çështjen e negociatave me Greqinë dhe marrëveshjen e detit, për të cilën Meta ende nuk po jep autorizimin.

Redaksia e “Të Kripura” ka arritur të shtjerë në dorë pjesë nga transkripti i bisedës që ka qenë shumë e rezervuar.

Rama: Ka ndonjë çikë punë këtu?

Meta: Pse, ke ndërmend ta provosh?

(Qeshin të dy)

Kryeministri prezantoi një ditë më parë projektin për Teatrin e Ri Kombëtar. Nuk pati konkurs, por një monitor dhe dy persona që morën fjalën, kryeministri dhe projektuesi i studios belge. Thjesht zoti Rama njohu edhe zyrtarisht publikun me atë që është paravendosur në zyrën e tij, në bashkëpunim me ndërtuesit privatë.

Dyshimeve se kokaina e kapur në Durrës ishte rezultat i bashkëpunimit me agjencitë e huaja dhe jo një operacion i pavarur i policisë shqiptare i shtohet një provë e fortë. Ministri i Mbrojtjes i Kolumbise, Luis Carlos Villegas teksa ka qene duke folur gjate vizites ne bazën e Forcave Speciale të Policisë Kombëtare, ka permendur mes te tjerash operacionin e madh te finalizuar ne Shqiperi, ku sipas tij 613 kg kokaine e ardhur nga Kolumbia u kapën sajë një operacioni të mirëkordinuar ndërkombëtar.

Nuk duket të ketë qenë koinçidencë kapja e ngarkesës me 613 kilogramë kokainë pak ditë vizitës në Britani të ministrit të Brendshëm Fatmir Xhafaj.  Burime zyrtare thanë për Respublica se temë e diskutimeve të zotit Xafaj në Londër ka qenë edhe krimi i organizuar dhe në veçanti trafiku ndërkombëtar i drogës, ku janë dhënë informacione konfidenciale.