nato

Komanda e Bashkuar Aleate në Napoli të Italisë ka njoftuar shtimin e trupave të NATO-s në Kosovë. Përmes një deklarate të lëshuar më 30 maj, NATO njofton se është urdhëruar dislokimi i Forcave të Rezervës Operacionale, që kanë qenë në gatishmëri prej shtatë ditësh.

Po kështu, atyre do t’u shtohet një battalion shumëkombësh rezervë që do të mund të vijë në ndihmë të KFOR-it nëse do të jetë e nevojshme.

Sekretari i Përgjithshëm i NATO-s, Jens Stoltenberg i bën thirrje Gjermanisë që të rrisë shpejt shpenzimet e saj për mbrojtjen. Për gjermanen “Der Spiegel”, ai thotë se pret që së shpejti të ketë një debat nëse do të furnizohet Ukraina me avionë luftarakë.

Presidenti rus, Vladimir Putin, ka nisur procedurat parlamentare për t'u tërhequr zyrtarisht nga Traktati për Forcat Konvencionale në Evropë (CFE). Lajmin e bën të ditur RT. Moska e kishte pezulluar pjesëmarrjen e saj në këtë traktat që nga viti 2015.

Në fuqi që nga viti 1990, traktati CFE ishte një nga gurët e themelit të tentativës për de-përshkallëzimin e tensioneve midis bllokut të Paktit të Varshavës dhe NATO-s gjatë ditëve të fundit të Bashkimit Sovjetik.

Edhe Kina e sheh me shqetësim zgjerimin e NATO-s. Ministria e Jashtme kineze, në një deklaratë zyrtare, tha se zgjerimi i NATO-s në rajonin e Azi-Paqësorit do të dëmtojë stabilitetin.

"Zgjerimi i vazhdueshëm i NATO-s drejt lindjes në rajonin e Azi-Paqësorit dhe ndërhyrja e aleancës në çështjet rajonale do të dëmtojnë në mënyrë të pashmangshme paqen dhe stabilitetin", tha zëdhënësja e Ministrisë së Jashtme kineze, Mao Ning, e cituar nga TASS.

Sekretari i Përgjithshëm i NATO-s, Jens Stoltenberg ka vizituar për herë të parë Ukrainën që nga nisja e sulmit ushtarak rus dhe që nga Kievi ka folur për anëtarësimin e saj në Aleancë.

Vendi i drejtë i Ukrainës është në NATO dhe me kalimin e kohës mbështetja jonë do t’ju ndihmojë që kjo të bëhet e mundshme

i është shprehur ai presidentit ukrainas, Volodymyr Zelenskiy.

Konferenca e 18-të e Kontrollit të Armëve, Çarmatimit dhe Mospërhapjes së Armëve të Shkatërrimit në Masë ka vënë në dukje se për Perëndimin, NATO-n, Kina përfaqëson rrezikun kryesor. Me rrezik apo kërcënim nënkuptohet vlerësimi që bën ShBA, e që me fjalët e Zëvendës Sekretarit të Shtetit, Wendy Sherman, se Kina është i vetmi vend që ka kapacitetin për të ndryshuar rendin aktual ndërkombëtar dhe rregullat e tij. 

Dhe këtë synon Xi

ka shtuar ajo. 

Presidenti serb, Aleksandër Vuçiç, ka dalë me një “garanci” të re për Perëndimin dhe Rusinë se vendi i tij beson dhe ka bindje në neutralitetin ushtarak. Duke iu referuar një stërvitjeje ushtarake të 11 vendeve, mes të cilave edhe Serbisë dhe SHBA, Vuçiç ka nënvizuar se aktivitete të tilla janë të disatat.

Ministri i Jashtëm i Britanisë së Madhe, James Cleverly ka bërë thirrje që anëtarët e NATO-s të shmangin në këtë moment diskutimin apo konsiderimin e kërkesës së Ukrainës për t’u anëtarësuar në aleancë. Në një intervistë për “Politico”, Cleverly ka vënë në dukje se anëtarësimi është një derë e hapur në planin aftagjatë, por ky nuk është momenti për të konkretizuar gjërat.

Prioriteti tani është vetëmbrojtja. Mendoja se radha e gjërave ka rëndësi – dhe sot puna konsiston në ndihmën e Ukrainës për të mbrojtur veten

Parlamenti turk ka miratuar kërkesën e Finlandës për t’u anëtarësuar në NATO duke hapur rrugën për zgjerimin e Aleancës në gadishullin nordik.

Kërkesa u miratua me 276 vota pro ndërkohë që Partia demokratike Popullore nuk mori pjesë në votim. Vendimi është përshëndetur nga sekretari i Përgjithshëm i NATO-s, Jens Stoltenberg që ka deklaruar se pranimi i Finlandës do ta bëjë më të fortë Aleancën.

Është hapur drita jeshile për anëtarësimin e Finlandës në NATO. Mediat raportojnë se Hungaria dhe Turqia kanë rënë dakord të firmosin procedurën e anëtarësimit duke hequr kështu pengesën krysore. 

Kemi vendosur të nisim procesin e ratifikimit në parlamentin tonë

citohet të jetë shprehur presidenti turk, Erdogan në një konferencë për shtyp me homologun finlandez Sauli Niinistö.