greqia

Revista gjermane “Spiegel” i ka lënë hapësirë një profili të kreut të partisë më të madhe opozitare greke, Kyriakos Mitsotakis, të cilin e quan favorit potencial për të qenë lideri i ardhshëm i Greqisë. 

Shumë vëzhgues besojnë se Mitsotakis është serioz në qëllimet e tij, por ata ngrenë dyshime nëse ai do të bëjë diçka më shumë se Tsipras në planin e reformave

thuhet në shkrim.

Ish-diplomati dhe studiuesi Shaban Murati shkruan sot në gazetën “Dita” për situatën e krijuar sipas tij nga i ashtuquaturi “toptan-Pazar” në raportet mes Shqipërisë dhe Greqisë. Zoti Murati e konsideron tërheqjen e qeverisë së Tiranës për VKM-në e pronave në bregdet dorëzim, shenjë inferioriteti dhe pasojë të strategjisë së Nikos Kotzias për përfshirjen në diskutime të të gjithave çështjeve, “të qena e të paqena” në diksutimin me Shqipërinë. Kështu, sipas Muratit, është krijuar një lidhje kushtëzuese mes problemeve të ndryshme duke sjellë humbje vetëm për vendin tonë.

Qeveria shqiptare ka ndryshuar vendimin nr. 708 të datës 21 nëntor 2018 që përcaktonte transferimin e 1472 ha pronë e paluajtshme shtetërore nën përgjegjësi administrimi të Ministrisë së Turizmit dhe Mjedisit. Zona në fjalë ndodhet në vijën bregdetare Vlorë Sarandë, ku qeveria e z. Rama ka kohë që luan me lloj lloj vendimesh dhe anullimesh, duke krijuar gjendej pasigurie. Vendimi i ri, i marrë sot përbën në fakt një amendim thelbësor, pasi i jep prioritet regjistrimit fillestar të pronës private në këtë zonë, përpara se të procedohet me pronën shtetërore.

Pak ditë më parë në media qarkulloi një deklaratë e kryeministrit grek, Alexis Tsipras që kërcënonte Shqipërinë me veto në procesin e anëtarësimit në BE, nëse qeveria shqiptare vazhdon me problemet me pronat e zonës së Himarës. Në fakt Tsipras ka luajtur të njëjtën lojë që kanë bërë edhe kryeministra të tjerë dhe kjo ka vlerë tani që në Greqi pritet të nisë fushata elektorale.

Ajo që filloi "aksidentalisht" në një restorant në Moskë sot ka evoluar në një marrëdhënie strategjike. Bëhet fjalë për bashkëpunimin e Greqisë - Izraelit - Qipros. Kjo tregon se çfarë është i aftë të bëjë vendi ynë kur ka vazhdimësi në politikën e jashtme, pa marrë parasysh se cila qeveri është në pushtet.

Shqipëria nuk është i vetmi vend europian me probleme themelore në regjistrimin e pronës. Madje vendi ynë formalisht e ka një regjistër ndërkohë që Greqia ende nuk e disponon. Reuters shkruan se regjistri i pronës në Greqi kompletohet jo më parë se viti 2021 dhe ai ka nisur të përpilohet në vitin 1998 kur në pushtet ishte Kostas Simitis. 

Kryeministri grek, Alexis Tsipras, ka bërë së fundmi disa ndryshime në kabinetin qeverisë. Sipas mediave të vendit fqinj, Tsipras ka zëvendësuar pesë zv.ministra në qeverinë e tij dhe ka dhënë dorëheqje nga roli i tij si ministër i Jashtëm, që e mori pas dorëheqjes së Nikos Kotzias.

Ministri i Jashtëm i ri do të jetë Giorgos Katrougalos, aktualisht ministër në detyrë. Për çështjet europiane, ministre alternative do të jetë Sia Anagnostopoulou.

Elftheria Hatzigeoriou do të jetë zv. ministre për Maqedoninë dhe Thrakën dhe zëvendëson në këtë detyrë, Katerina Notopoulou.

Ish-ministri grek i Mbrojtjes, Panos Kammenos ka propozuar së fundmi krijimin e një qeverie të unitetit kombëtar në Greqi me kryeministër Costas Karamanlis. Sipas tij, kjo qeveri duhet të jetë alternativë nëse zgjedhjet e përgjithshme të këtij viti nuk prodhojnë një shumicë partiake të qartë.

Zyra kundër Mashtrimit në Bashkimin Europian, ka gjobitur Greqinë me 200milionë euro për shkak se kjo e fundit nuk ka arritur të ndalojë një skemë mashtrimi të madhe nga grupet kriminale kineze që importonin mallra me çmim shumë të lirë përmes portit të Pireut. Importuesit kinezë ja dolën të shmangin detyrimet e ndryshme përfshirë TVSh-në(tatimin mbi vlerën e shtuar), duke kryer veprimtari ekonomike jashtë kontrollit. 

Greqia dhe Serbia mund të shkojnë së shpejti drejt zgjedhjeve të parakohshme, duke krijuar pasiguri të reja në rajonin tonë.