bota

Vladimir Putin është i bindur se ai që e quan operacion special në Ukiainë do t’i arrijë objektivat e veta. Duke folur në një ceremoni çmimesh në kozmodromin “Vostochny” në lindje të vendit, Putin tha se Moska nuk kishte zgjidhje tjetër veçse të niste një operacion ushtarak për të mbrojtur Rusinë dhe se një përplasje me forcat anti-ruse të Ukrainës ishte e pashmangshme.

Putin tha se nuk ka dyshime se Rusia do t'i arrinte të gjitha objektivat e saj në Ukrainë - një konflikt që ai e konsideroi si të pashmangshëm dhe thelbësor për të mbrojtur Rusinë në afat të gjatë.

Për shkak të thatësirës që vijon prej 13 vitesh, Kili është detyruar të marrë një masë të paprecedent. Kryeqyteti Santiago, me një popullsi prej rreth 6 milionë banorë, do të racionojë ujin.

Ministrja Federale për Çështjet Familjare, Qytetarët e moshuar, Gratë dhe Rininë në qeverinë gjermane u dorëhoq pasi mediat zbuluan se ajo shkoi me pushime të gjata menjëherë pas përmbytjeve shkatërruese të vitit të kaluar.

Anne Spiegel dha dorëheqjen, duke u bërë  e para që largohet nga qeveria e koalicionit të kancelarit Olaf Scholz.

Spiegel ka shërbyer më parë si ministre e Mjedisit dhe zëvendësguvernatore e Rheinland-Pfalz, rajoni gjerman më i goditur nga përmbytjet në korrik.

Në të gjithë vendin, më shumë se 180 mbetën viktimë e përmbytjeve vitin e kaluar.

Algjeria do të kalojë Rusinë si furnizuesi më i madh i gazit në Itali, falë një marrëveshjeje të arritur të hënën nga kryeministri italian Mario Draghi. Në këtë mënyrë, Roma bë hapin e parë konkret për t’u shkëputur nga gazi rus. Rusia furnizon rreth 40 për qind të gazit natyror të Italisë.

Megjithëse Draghi është shumë i përkushtuar ndaj rolit të Italisë si aleat i ngushtë i SHBA-së në NATO, mbështetja e gjatë e Romës tek Rusia për hidrokarburet ia ka lidhur duart e Italisë kur bëhet fjalë për kundërmasat ekonomike kundër Presidentit Vladimir Putin. 

Presidenti ukrainas, Volodymr Zelensky, thotë se nuk ka më interes për diplomacinë e NARO-s. Në një intervistë për “60 Minutes”, në CBS, Zelensky, i cili i ka kërkuar NATO-s të ndërmarrë veprime më të forta që prej ndërhyrjes ushtarake ruse në vendin e tij, thotë se mosveprimi i NATO-s po paguhet me jetë.

Suedia dhe Finlanda presin anëtarësimin në NATO këtë verë. Gazeta britanike “Times”, duke iu referuar disa zyrtarëve amerikanë, shkruan se anëtarësimi i dy vendeve në aleancë është bërë "temë diskutimesh dhe takimesh të shumta" në bisedimet midis ministrave të Jashtëm të NATO-s. Finlanda pritet ta paraqesë kërkesën zyrtarisht në qershor, e ndjekur nga Suedia.

Asgjë nuk është vendosur ende, ajo që do të ndodhë në pesëmbëdhjetë ditët e ardhshme është vendimtare për Francën dhe për Evropën.

Emmanuel Macron doli i pari në raundin e parë të zgjedhjeve presidenciale. Ai do të shkojë në raundin e dytë me kandidaten e ekstremit të djathtë, Marine Le Pen.

Një sistem i sofistikuar kundërajror kinez i është dorëzuar Serbisë këtë fundjavë. Gjashtë avionë transporti Y-20 të Forcave Ajrore Kineze u ulën në aeroportin "Nikola Tesla" të Beogradit të shtunën, ndërsa në bord raportohet se mbanin sisteme raketore tokë-ajër HQ-22 për ushtrinë serbe.

Një vaksinë që do të mbulojë të gjitha variantet e njohura të virusit SARS-CoV-2 pritet të marrë miratimin shumë shpejt. CEO i kompanisë farmaceutike amerikane Pfizer, Albert Bourla, thotë se pas kësaj hapi tjetër do të jetë zhvillimi i një vaksine vjetore kundër Covid-19. Në një intervistë për greken Kathimerini, Bourla thotë se puna për një vaksine gripi me mRNA kishte nisur të paktën një vit para se vatra e parë e Covid-it të shfaqej në Kinë.

Në Rusi po përgatiten për shkëputjen nga Yutube. Zhvilluesit e softuerit Juice Development kanë nisur shërbimin për transferimin e kanaleve nga YouTube në rrjetin social rus VKontakte.

"Ne kemi zhvilluar një shërbim ku blogerët mund të kopjojnë me lehtësi kanalet e tyre në YouTube në platformën VKontakte. Mjaftojnë disa hapa të thjeshtë dhe shërbimi do të vendosë të gjitha videot e nevojshme në komunitetin VKontakte ose në faqen personale", citon TASS zhvilluesit e programeve.