bota

Pjesa më e madhe e parave që i akordohen Ukrainës si ndihmë nga SHBA, shpenzohet brenda kufijve të kësaj të fundit.  

Në një intervistë me CNN, Victoria Nuland, e cila aktualisht ushtron detyrën e zv.sekretarit të Shtetit për Çështjet Politike, thotë se pret nga Kongresi miratimin e paketës së ndihmave.

Mexico City, një metropol me afro 22 milionë banorë dhe një nga qytetet më të mëdha në botë, po përballet me një krizë të rëndë uji. Shkaqet për këtë nisin që nga pozita gjeografike, te zhvillimi kaotik urban e deri të infrastruktura problematike, elementë të cilëve u shtohet ndryshimi klimatik.

Vitet e fundit, sasia e reshjeve është reduktuar, periudhat e thatësirës janë zgjatur dhe temperaturat janë ngritur. Kjo ka shtuar stresin mbi një sistem uji që po që e ka gjithnjë e më të vështirë të përballojë kërkesën në rritje. Kufizimet janë bërë normale.

Ish-kancelari austriak, Sebastian Kurz, u shpall fajtor për deklarata të rreme para një komisioni hetimor parlamentar, një vendim që e zbeh akoma më tej figurën e atij që dikur shihej si e ardhmja e konservatorizmit evropian.

Zvicra ka hapur një debat global lidhur me mundësinë e studimit të zbehjes së diellit. Propozimi lidhet me ngritjen e një grupi ekspertësh të Kombeve të Bashkuara, të cilët duhet të mbledhin informacion për kërkimet e vazhdueshme në gjeoinxhinierinë diellore dhe të krijojnë një panel këshillues që mund të sugjerojë opsionet e patestuara ende të reduktimit të ngrohjes globale.

Ish-këshilltari i sigurisë kombëtare gjatë administratës Trump, John Bolton, është mes atyre që besojnë në seriozitetin e deklaratës së ish-kreu të Shtëpisë së Bardhë për tërheqjen e SHBA-ve nga NATO. Në një intervistë me greken “Kathimerini”, Bolton kujton se Trump ka ende të njëjtën qëndrim që ka pasur në vitin 2018.

Vendet perëndimore kanë ndikuar historikisht në diskursin mbi pushtetin dhe kontrollin global. Perëndimi e ka ruajtur dominimin dhe autoritetin për shekuj me radhë, nga periudha e ekspansionit kolonial deri në epokën e globalizimit. Duke pasur parasysh rritjen e konsiderueshme të Kinës si fuqi globale, lind një çështje thelbësore: A do të sinjalizojë ngjitja e Kinës përfundimin e aspiratave perandorake të Perëndimit?

Një billbord i ngritur së fundmi në Ivangorod, pikërisht përtej kufirit të Estonisë me Rusinë, shkruan: "Granitsy Rossii nigde ne zakanchivayetsya" - Kufijtë e Rusisë janë të pafund.

Kjo nxjerr në pah në mënyrë të përkryer se sa shumë ndryshojnë Evropa dhe Rusia në mentalitetin dhe vlerat e tyre.

Një nga historianët më të njohur të Europës, David Van Reybrouck, thotë se më shumë sesa te kolonizimi në të shkuarën, Perëndimi duhet të adresojë kolonizimin e së tashmes.  

Sipas tij, qytetet në hemisferën veriore që frenojnë emetimet e karbonit po bëjnë më shumë për të trajtuar padrejtësitë koloniale sesa ata që i përqendrojnë përpjekjet në rrëzimin e statujave dhe ndryshimin e emrave të rrugëve.

Van Reybrouck është autor i një libri historik mbi Republikën Demokratike të Kongos dhe një tjetri mbi pavarësinë e Indonezisë nga sundimi holandez.

Sulmet e kryera ndaj dy tubacioneve kryesore të gazit natyror në Iran mund të jenë vepër e Izraelit. Lajmin e bën të ditur New York Times.

“Izraeli i ka pasur prej kohësh në shënjestër objektet ushtarake dhe bërthamore brenda Iranit”, por sulmet e kësaj jave në infrastrukturën energjetike “shënuan një përshkallëzim në luftën e fshehtë”, shkruan NYT, duke cituar zyrtarë perëndimorë.

Në Bangkok, ndotja ka krijuar një situatë të ngjashme me atë të Covid-it katër vite më parë. Qyteti ku lëvizin 10 milionë automjete është mbuluar nga një re e dendur smogu, duke i detyruar autoritetet të urdhërojnë punonjësit e administratës të punojnë nga shtëpia.

Ndotja e ajrit shkaktohet nga një përzierje "vdekjeprurëse", në të cilën kontribuojnë praktika e djegies së të korrave, trafiku i rënduar dhe prodhimi industrial.