bota

"Për 15 vjet me radhë, Forumi Botëror ka paralajmëruar botën për rreziqet e pandemisë. Në vitin 2020, ne pamë se çfarë do të thotë të jesh kapesh i papërgatitur pasi ke injoruar rreziqet afatgjata. Pandemia Covid-19 jo vetëm që ka marrë miliona jetë, por njëkohësisht i ka zgjeruar pabarazitë që ekzistojnë tashmë prej një kohe të gjatë, për sa i përket aksesit në kujdesin shëndetësor, ekonomik dhe dixhital".

Qeveria italiane është sërish në krizë. Kryeministri italian, Giuseppe Conte, po përballet me votëbesimin në Senat.

Kabineti i Contes u vu në diskutim pasi prej tij u larguan dy ministrat e aleatit, Matteo Renzi.

Pasi mori mbështetjen e Dhomës së Ulët të hënën, Conte do të përpiqet të fitojë edhe atë të Senatit ditën e sotme.

Variante të reja të Covid-19 vijojnë të zbulohen në vende të ndryshme. Dy ditë pasi Departamenti i Shëndetit Publik të Los Anxhelosit njoftoi se varianti britanik, i njohur si B.1.1.7, ishte identifikuar në rajon, Departamenti i Shëndetit Publik të Kalifornisë zbuloi se edhe një tjetër variant më pak i njohur kishte qarkulluar në vend. I njohur si L452R, ky variant është shfaqur fillimisht në Danimarkë në mars.

Pak javë pasi Turqia paralajmëroi sanksione në rast se Facebook nuk do të respektonte ligjin e ri në vend, rrjeti social është dorëzuar. Facebook  ka njoftuar emërimin e një përfaqësuesi ligjor në Turqi. Rrjeti social amerikan, së bashku me kompanitë e tjera të mëdha dixhitale, si Twitter dhe YouTube, ishin ndëshkuar me gjoba në vlerë miliona dollarë për mosrespektim të ligjit, në fuqi që nga tetori. OJQ-të dhe opozita turke e kanë kundërshtuar këtë ligj.

Platforma e mesazheve, Signal, u ka dhënë fund problemeve teknike, të cilat u bënë pengesë për shërbimin, pasi shumë përdorues të rinj u bënë pjesë e saj.

Të premten, shumë përdorues raportuan se mesazhet që nuk dërgonin si nga versioni mobile edhe ai desktop i aplikacionit nuk shkonin te marrësi.

Ka pasur rritje të interesit nga ana e përdoruesve të rinj që kur rivali i saj, WhatsApp, zbuloi kushtet e reja të privatësisë javën e kaluar.

Qindra migrantë në veriperëndim të Bosnjës janë në kushte të vështira jetese, një situatë që është përkeqësuar nga temperaturat e ulëta. Parashikimet janë që ato do të bien deri në -15C. Individë dhe familje, disa me fëmijë të vegjël, janë bllokuar afër kufirit me Kroacinë, një zonë që shërben shpesh si porta hyrëse në Europë.

"Situata është shumë e keqe", thotë për Euronews Muhamed Khan, emigrant afgan.

"Moti është shumë i ftohtë. Nuk kemi ujë. Hasim vështirësi në çdo gjë".

Sistemi i demokracisë së drejtpërdrejtë të Zvicrës do të vihet në provë sërish këtë vit. Referendumi i radhës ka të bëjë me kompetencat e qeverisë për të vendosur për karantinën dhe masat e tjera që kanë synim frenimin e pandemisë Covid-19.

Vendi alpin me 8.5 milionë banorë e ndjek shpesh praktikën e referendumeve. Me anë të tyre, qytetarëve u jepet mundësia për të vendosur në lidhje me një sërë çështjesh që i prekin ata në mënyrë të drejtpërdrejtë. Mjafton që peticioni të marrë numrin e mjaftueshëm të firmave për t’i hapur dritën jeshile një referendumi.

Zhvillimet e javëve të fundit i kanë bindur amerikanët se vendi po përçahet. Dhe këtë bindje e kanë si demokratët, edhe republikanët. Një sondazh i kryer së fundmi nga Axios-Ipsos gjeti se 4/5 e tyre mendojnë se Amerika po shkon drejt ndarjes. 22% e demokratëve dhe 19% e të pavarurve thonë se nuk janë krenarë që janë amerikanë.

Presidenti francez, Emmanuel Macron, i ka dërguar një letër homologut turk, Rexhep Tajip Erdogan.

Sipas kreut të diplomacisë turke, letra është një përpjekje për të përmirësuar lidhjet e prishura së fundmi. Sipas ministrit të Jashtëm turk, Mevlut Çavushoglu, është e pritshme një marrëveshje Ankara-Paris, me fokus në katër çështje kryesore, që përfshijnë divergjencat që dy vendet kanë mbi konfliktet rajonale, përkatësisht ato në Siri dhe Libi.

Një variant i ri i koronavirusit është zbuluar në Brazil. Ky variant mund të infektojë ata që e kanë kaluar njëherë Covid-19.

Britania po përgatitet të ndalojë udhëtimet drejt Brazilit për shqetësimet në lidhje me importimin e variantit të ri.

Kjo masë pason një rritje të madhe të rasteve në Manaus, një qytet që besohej se ishte pranë arritjes së imunitetit të tufës nga vala e parë. Hulumtimi i botuar vitin e kaluar sugjeroi që 76 për qind e njerëzve në Manaus ishin prekur deri në tetor.