berisha

Andrea Stefani shkruan sot në gazetën “Dita” për reformën në Drejtësi. Pai përgënzon dhe vlerëson rolin e ambasadorit Donald Lu në shtyrjen e procesit drejt miratimit të draftit, Stefani shprehet shumë dyshues për faktin sesi mund të quhet reformë një akt që ka daokrdësinë dhe kushtëzimin e Sali Berishës. Një argument ky që në politikë injorohet sa kohë aty veprojnë parimet forcës. Thotë Stefani: “Rama dhe “Rilindja” duhet të lëpijnë të gjitha ato që kanë thënë kundër autokratit të korruptuar të tranzicionit shqiptar.

Mbështetja që ndërkombëtarët po tregojnë ndaj nismavetë qeverisë për dekomunistizimin dhe reformën në drejtësi sipas Fatos Lubonjës nuk janë garanci se shoqëria do të shpëtojë nga mentatliteti komunist i politikanëve të saj. Në një shkrim për gazetën Panorama Lubonja thotë se si Sali Berisha si Edi Rama e përdorin dekomunistizimin si kartë përpara ndërkombëtarëve, ndërkohë që kanë të njëjtat probleme në mënyrën e qeverisjes.

Në një nga dokumentet që autori Fred Abrahams ka përdorur për librin e tij “Shqipëria Moderne – Nga Diktatura në Demokraci në Europë”, jepet një identikit i Ramës si kryeministër i mundshëm nga ish-ambasadori Withers, në një kabllogram që ai dërgonte në Uashington pas zgjedhjeve të 2009-ës (http://www.modern-albania.com/documents/documents-wikileaks/ )

Më poshtë është përkthimi i kësaj pjese të kabllogramit.

Ndërkohë që e djathta parlamentare, më saktë Partia Demokratike, ka paralajmëruar protesta në muajin janar, madje të forta sipas saj, në Tiranë ka nisur të flitet për një parti të re. Në krye të saj presupozohet se do të jetë Shenasi Rama, që drejton prej vitesh një polemikë ndaj të gjithë sistemit politik të Tiranës. Fokusi i Shenasi Ramës së fundmi ka qenë përforcimi i tezës se PD-ja uzurpoi Lëvizjen e Dhjetorit ’90, akaparoi me ndihmën e Sigurimit të Shtetit drejtimin dhe mandej vijoi lojën e Katovicës.

​ Ndoqa punimet e parlamentit më 17 dhjetor, në ditën e protestës së dytë të PD-së. Pika kryesore e rendit të ditës ishte ligji për dekriminalizimin e parlamentit, sipas të cilit persona me të shkuar kriminale nuk do të hynë më në parlament. Ligji u miratua njëzëri. U tha se ishte me 4 nene, por vetëm kaq. Hollësira të tjera, të paktën, unë, nuk di. Në qoftë se ligji nuk fillon me përkufizimin e qartë dhe të drejtë të kriminelit, domethënë cili do të quhet kriminel, ai ligj nuk thotë asgjë dhe, ndoshta, edhe prandaj u miratua pa asnjë kundërshtim.

Vitet ikin dhe ata që bëjnë të majtin në Shqipëri nuk po i bëjnë dot derman Sali Berishës. Dy gjëra janë të sigurta në këtë vend: statuset në Facebook dhe denoncimet e ish-kryeministrit si dhe kundërsulmi i kundërshtarëve të tij, shumë prej të cilëve e urrejnë, që e cilësojë kriminel, të korruptuar etj.. Kjo nuk e ka skualifikuar Berishën nga debati politik, madje mund të thuhet se ky polarizim verbal i intereson.

Sot në Parlament ka patur një shkëmbim të gjatë replikash mes kryeministri Edi Rama dhe parardhësit të tij Sali Berisha. Akuza dhe kundërakuza mes të cilave edhe paralajmërimi i ish-kryeministri që nënvizoi se “flakët e bunkerit duhen lexuar mirë”. Edi Rama tha edhe këtë ndër të tjera në replikën e tij: “Sa për revoltën popullore, ti që më bën thirrje mua të lexoj flakët e bunkerit, duhet të gjesh aftësinë të lexosh rezultatet e zgjedhjeve. Të lexosh rezultatet e 2013-s, të 2015-s dhe bëhu gati të lexosh edhe 2017-n.

Sali Berisha ka dhënë versionin e tij për alpinët që paska zbritur në Jon sipas Edi Ramës. Duke folur në Parlament, Sali Berisha ka theksuar se programi i tij në vitet kur ka qenë president, ishte që të çonte në Sarandë vetëm lebër. “Kam punuar me program unë. Në Sarandë, kam zbritur lebër, lebër dhe vetëm lebër. Nuk kisha nevojë për të çuar alpinë, ishte bregu që nga Velipoja. Por t’i merr mendjen e Kokëdhimës dhe flet për alpinët. Por ta dish që kur alpinët luftonin për liri, Kokëdhimat ishin pikë mbështetje për Zografin në atë zonë.

Shqetësimet e ambasadorëve për dhunën në protestën e opozitës janë komentuar nga ish-kryeministri Sali Berisha që e sheh të pavend ndërhyrjen e tyre për çështjen e bunkerit të djegur pranë Ministrisë së Brendshme. “Kohë para se të prononcohen ambasadorët, unë personalisht dhe kreu i PD, kemi shpallur thirrje për protesta paqësore, për mosbindje civile paqësore. Ambasadorët të cilët i respektoj shumë, kam mirëkuptim të plotë me ta për të shmangur dhunën, por jo qëndrimin ndaj bunkerit.

Ndonëse u bënë përpjekje për ta konsideruar zhurmën për dekorimet si injorancë, apo si një bori që i bihet sa herë ka nevojë ndonjë parti, sot, kryeministri në vetë të parë është detyruar të kërkojë falje. Dhe e ka bërë këtë nga qyteti i Shkodrës, meqenëse sensibiliteti më i madh erdhi nga komuniteti katolik françeskan për dekorimin e Shyqyri Çokut, hetues i At Zef Pllumit. “U kërkoj ndjesë At Zef Pllumit dhe Sami Repishtit, profesorit të nderuar, për dekorimin e tortueruesit të tyre. Unë jam po aq i befasuar sa të gjithë shqiptarët nga ky lajm.