berisha

Teksa pritet zbardhja e opinionit të Komisionit të Venecias për Ligjin e Vetting-ut, ambasada amerikane duket se është në dijeni të përmbajtjes së këtij opinioni, çka e ka lënë të nënkuptohet ambasadori i saj Donald Lu, por edhe kryeministri në një deklaratë të para dy ditëve. Shantazhi i kreut të qeverisë mbi Gjykatën Kushtetuese për të marrë një vendim në favor të zbatimit të Ligjit të Vetting-un sipas variantit të miratuar në kuvend vetëm me votat e shumicës nuk mjafton dhe për këtë arsye ambasadori Lu ka hyrë në replika politike me një deputet të Partisë Demokratike si Sali Berisha.

Shumëkush e ka parë këtë video:

të shkëputur nga punimet e seancës plenare të javës së shkuar në Kuvendin e Shqipërisë. Aty është nënkryetarja e Kuvendit, socialistja Valentina Leskaj, e cila debaton, apo më mirë merr një breshër të bërtiturash nga kryeministri Edi Rama. Nga sa shihet Rama ankohet për administrimin e seancës ku Sali Berisha lejohet të flasë pa ndalim e të thotë thuajse gjithçka.

Mbledhja e Komisionit Hetimor për privatizimin e Operatorit të Sistemit të Shpërndarjes, ku ishte thirrur për të dëshmuar ish-kryeministri Sali Berisha u shoqërua me tension që në fillim.  Arben Ristani si anëtar i Komisionit kërkoi që Taulant Balla të mos drejtojë komisonin, me argumentin se është në konflikt interesi për shkak se ka qenë i dënuar për shpifje në një proces gjyqesor me familjarët e ish –kryeministrit.

Sali Berisha njofton sot në profilin e vet në Facebook për një takim me ambasadorin e ri të Britanisë së Madhe në Shqipëri, Dankan Norman. Po të  ecim ca ditë më pas do të shohim po në profilin e Facebook një takim të Berishës me ambasadoren greke Sourani. Më tej do të gjejmë një takim me ambasadorë që ikin e përfundojnë mandatin, për të vijuar edhe me takimet me zyrtarë të tjerë organizatash ndërkombëtare.

Pse e takojnë Berishën këta diplomatë? Çfarë përfaqëson ai në sytë e tyre dhe në axehndën e detyrave që kanë sa kohë  në Shqipëri ka një kryetar të PD-së?

Opozita shqiptare, të paktën ajo e përfaqësuar dhe mishëruar te Partia Demokratike e kualifikoi rekomandimin pozitiv për hapjen e negociatave sot nga Parlamenti Europian, si fitore të shumicës qeverisëse. Si arsye e parë e dukshme ishte "vota kundër" e PD-së. Pamjet e mëposhtme të një sherri mes deputëteve të saj, Aldo Bumçi dhe Majlinda Bregu e shtojnë dozën e rënies në pikiatë të PD-së, në planin politik, organizativ dhe atë programor. PD-ja luftoi fort në nivel mediatik për të popullarizuar një të vërtetë: Shqipërinë narkotike.

Një ditë pasi ish-kryeministri Berisha i kërkoi Bashkimit Evropian të vendosë luftën kundër kanabisit si kusht për hapjen e negociatave me Shqipërinë në mediat greke publikohet një intervistë e njeriut më të kërkuar të momentit për trafik ndërkombëtar droge, Klement Balilit, ish-zyrtar i LSI-së dhe njeri i afërt me Ilir Metën. Përpos pikëpyetjeve që ngre dalja e tij në skenë përmes një interviste jo në shtypin shqiptar, por atë grek, ka shumë rëndësi përmbajtja e mesazhit që ai kërkon të përcjellë.

Ish-Kryeministri Sali Berisha ka deklaruar në një intervistë për "AbcNews" se Fondi Monetar Ndërkombëtar nuk duhet të largohet para zgjedhjeve. Ky është një qëndrim që bie disi ndesh me sjelljen e tij më parë, por Berisha thotë se ikja e FMN-së në kushtet e një borxhi 73% krijon pasiguri për investimet e huaja. Berisha ka shtuar se në kohën e tij FMN-ja u largua vetë për shkak të sigurisë që krijoi qeveria e tij. Një debat që pritet të jetë jo i vogël.

Ish-kryeministri poston një video që daton rreth katër vite më parë. Ka brenda humorin dhe dramën e politikës shqiptare. Shihet Edi Rama që e fton Pezën të ulet, ndoshta për të mos e lënë të vazhdojë më tej me listën që sot bën të qeshësh.

Pavarësisht se është në rolin e deputetit, Sali Berisha shihet ende si faktor me peshë në diplomacinë politike aq më tepër në kushtet kur një pjesë e qeverisë po tregon një qasje konfliktuale me një fqnij si Greqia.  Ish-kryeministri u takua sot me ambasadoren greke në Tiranë, Eleni Sourani, me të cilën diskutoi mbi marrëdhëniet shqiptaro-greke dhe të ardhmen e tyre.

Në vitin 2012 kur veriu u përfshi nga përmbytjet, një skuadër politike nga Partia Socialiste me në krye kryetarin Edi Rama, u nis me makina e me varka në zonën e Lezhës. Ishte një nga ato bujtjet “me dorë në zemër” që çdo opozitë aktron për të treguar se është me hallexhinjtë. Askush nuk mban mend se çfarë tha e çfarë premtoi, e si u soll aty kjo skuadër milionerësh. E vetmja gjë që mbeti ishin disa foto njerëzish të veshur shumë mirë që lundronin në varka në përrenj të sapokrijuar.