be

Kryesimi i Bashkimit Evropian është një sfidë e madhe e Bullgarisë. Negociatat për Brexitin, daljen e Britanisë së Madhe nga BE, kriza me refugjatët, përgatitja e kornizës financiare për periudhën deri në vitin 2020 - janë vetëm tri obligime të mëdha që e presin. Por Bullgaria përpiqet të gjejë edhe temën e "saj", në të cilën do të insistojë gjashtë gjashtë muajve të ardhshëm. Bëhet fjalë për të ardhmen e Ballkanit Perëndimor, ku Bullgaria mund të luajë një rol të rëndësishëm ndërmjetësimi.

Presidenti i Kosovës, Hashim Thaçi ka deklaruar se në dialogun Serbi-Kosovë nuk ka vend për rolin e Rusisë. 

“Kosova është një çështje europiane”, citohet presidenti kosovar i cili ka folur gjatë një konference ditën e enjte.

Ideja e një përfshirjeje ruse në dialgun mes dy vendeve erdhi pas deklaratave të Thaçit për një rol të SHBA në dialogun që tani administrohet dhe ecën përpara me rolin e BE-së. Në këtë kuadër, presidenti serb, Aleksandër Vuçiç,  shfrytëzoi vizitën në Rusi për të kërkuar një rol të Moskës dhe për të balancuar peshoren.

Bashkimi Europian ka formosur dje një marrëveshje për të investuar 101.4 milionë € në ndërtimin e terminalit të gazit të lëngshëm në Krk të Kroacisë. Sipas Euobserver, terminali synon diversifikimin e burimeve të energjisë për Europën Qendrore dhe atë Juglindore që shpresohet se do të rrisë ekonominë e rajonit. 

Por ky investim nuk është i vetmi. Edhe Gazpromi rus ka njoftuar se do të ndërtojë një impiant të gazit të lëngshëm në Zvornik, në pjesën serbe të Bosnjës, i cili do të kushtojë 70 milionë euro.  një marrëveshje

Kuotat e detyrueshme për marrjen e një numri të azilkërkuesve, për të cilat ka pasur grindje në samitin e BE, janë harruar. Marrëveshja për kuota nga shtatori i vitit 2015, si një masë për shpërndarjen e ngarkesës me refugjatët, ka qenë e afatizuar për dy vite. Por koha ka kaluar dhe kuotat nuk janë respektuar. Ndërkohë që vazhdimi i këtij afati nuk është parashikuar. Gjykata Evropiane i ka hedhur poshtë ankesat e Hungarisë dhe Sllovakisë, kundër kuotave. Edhe ato kanë qenë të detyruara të marrin azilkërkues nga Greqia dhe Italia.

Liderët e 25 vendeve anëtare të Bashkimit Europian kanë nënshkruar dje Bashkëpunimin e Strukturuar Permanent(PESCO), një pakt që do të institucionalizojë projekte të përbashkëta dhe rrisë buxhetet e mbrojtjes me objektivin final krijimin e një ushtrie europiane. Vendimi u mor gjatë një samiti të vendeve anëtare të cilin Përfaqësuesja e Lartë e BE-së, Federica Mogherini e cilësoi si historik e që sipas saj rrit kredibilitetin e BE-së duke e kthyer atë në një aktor global që sofron siguri.

Qysh nё fillim tё samitit kryetari i Kёshillit Europian, Donald Tusk, shkaktoi tollovi. Tusk nё shkresёn e tij tё ftesёs bёnte fjalё pёr njё pёrҁarje evidentё nё BE lidhur me ҁёshtjen e refugjatёve. Shtete europiano-lindore nga „Grupi i Vishegradit", pra Hungaria, Polonia, Çekia dhe Sllovakia e miratuan atё, sepse Tusk e pati pranuar, qё sistemi i deritanishёm i shpёrndarjes sё refugjatёve sipas kuotave nё vendet e BE-sё nuk ka funksionuar.

Kryeministri Rama mori në Bruksel lavdërimet e Zhan Klod Junker për reformat që ka kryer, por nuk është aspak i sigurtë se Komisioni Europian në fund të 6 muajve do të rekomandojë çeljen e negociatave të Bashkimit Europian me Shqipërinë. Këtë la të kuptohet lutja e tij ndaj ambasadorëve të huaj për të bërë avokatin e Shqipërisë pranë qeverive të tyre, të cilat mesa duket nuk kanë të njëjtën pikëpamje me Presidentin e Komisionit. Rama është munduar të bindë diplomatët perëndimorë se “vezën” e Shqipërisë nuk do ta bënte asnjë prej vendeve të Bashkimit Europian.

Kryeministri izraelit Benjamin Netanjahu nisi turin në Evropë për t'u kërkuar aleatëve të njohin Jerusalemin si kryeqytet të Izraelit, siç bënë SHBA, por u përball me një mohim të vendosur nga ministrat e jashtëm europianë, të cilët besojnë se ky veprim minon procesin e paqes. 

Gjatë vizitës së tij të parë në selinë e BE-së në Bruksel, Netanjahu tha se shpallja e Presidentit Donald Trump i shërbeu paqes në Lindjen e Mesme "duke theksuar se realiteti aktual është themeli i paqes".

Mbështetje për përshpejtimin e procedurave të hyrjes se Serbisë në BE kërkoi Presidenti serb Aleksandar Vuçiç gjatë takimit me kryeministrat e Greqisë, Bullgarisë dhe Rumanisë në Beograd. Bashkëpunimi i katër vendeve dhe presidenca bullgare do të na japë një mundësi të nxjerrim në pah  idetë e përbashkëta për të ardhmen e Ballkanit, bazuar në "Agjendën e Selanikut" të vitit 2003”-tha kryeministri grek, Aleksis Tsipras pas takimit katërpalësh.

Partia Demokratike që përfaqëson partinë më të madhe të opozitës nuk ka mbajtur asnjë qëndrim lidhur me deklaratat e përfaqësuesve të lartë të BE-së se Edi Rama ka bërë një punë të lavdërueshme kundër korrupsionit dhe drogës. Këtu nuk bëhet fjalë për të kundërshtuar çeljen e negociatave të Shqipërisë me Bashkimin Europian, sepse në fund të fundit “qylit” nuk i thuhet jo aq më tepër që çdo afrim me BE-në është në interes dhe favor të vendit, por për të kuptuar mbi cilat premisa zyrtarët e Brukselit janë të lumturuar me Shqipërinë dhe udhëheqjen e saj.