Blloku Bota

Donald Trump ka nxjerrë sërish bllof mediat dhe bashkëpunëtorët e tij. Ndërkohë që prej javësh Shtëpia e Bardhë kërcënon me sanksione, sot njoftohet se presidenti amerikan ka bërë të kundërtën: përmes një letre ai i ka propozuar homologut turk, Recep Tayyip Erdogan një paketë 100 miliardë dollarë. 
Në këmbim Trump kërkon që Turqia të heqë dorë nga blerja e sistemit rus S-400, një hap që sipas gazetës “The Washington Post" mund të acarojë raportet mes presidentit dhe Kongresit që muajin e kaluar votoi me shumicë për vendosjen e sanksiomeve. 

Ministri i Jashtëm rus, Sergei Lavrov ka gjetur kohën të tallet me ata që akuzojnë Rusinë se qëndron pas çdo zhvillimi negative në botë. 

Jemi akuzuar për çdo gjë që nga Brexit, Katalonja, Kili. Ndaj po pyesja veten se përse nuk përmendemi për zhvillimet në Irak, Liban dhe tani në Bolivi. Kjo është e çudtishme. Për ndonjë arsye nuk na kanë akuzuar për grushtin e shtetit në Bolivi. Pra diçka po ndodh në mendjen e atyre që normalisht krijojnë axhendë gjeopolitike.

Pamjet video që vijnë nga Izraeli dëshmojnë për natyrën e kërcënimit që sjell lufta e sotme dhe sidomos për kostot eventuale të saj. Një raketë e lëshuar nga militantët palestinezë nga Gaza ka goditur në kryqëzimin e rrugës 4 pranë qytetit Gan Yanve, në jug të kryeqytetit Telaviv.

Pamjet janë kapur edhe nga kamerat e makinave që kanë qenë shënjestra e mundshme e sulmit që u krye një ditë pasi forcat izraelite eliminuan një drejtues të lartë islamik. 

Ministri i Jashtëm i Rusisë, Sergei Lavrov ka akuzuar Washingtonin zyrtar se po kërkon ndarjen territoriale të Sirisë me idenë e krijimit të një gjoja shteti në lindje të vendit. Lavrov ka lëshuar akuzat nga Forumi i Paqes në Paris dhe sipas tij, SHBA po përdor në këtë përpjekje edhe monarkitë e Gjirit Persik.

Ministrat e Jashtëm të Bashkimit Europian kanë miratuar së fundmi një mekanizëm që mundëson vendosjen e sanksioneve ndaj personave dhe bizneseve turke. Sanksionet që mund të vendosen me këtë mekanizëm përfshijnë kufizim udhëtimesh, ngrirje të llogarive bankare dhe përjashtim nga e drejta për transferim fondesh nga BE-ja.

Shkak për vendimin është bërë shkelja e Zonës Eksluzive Ekonomike të Qipros për të cilën Ankaraja zyrtare ka bërë të qartë se nuk e njeh në formën dhe sipërfaqen që e pretendon Nikozia.

SHBA i ka hapur luftë teknologjisë kineze. Huawei qëndron në krye të listës së armiqve të rinj për shkak se sipas amerikanëve pajisjet e kompanisë në fjalë parqesin rrezik spiunazhi dhe vjedhjeje të dhënash. Mirëpo një ndër intelektualët e njohur të mjediseve akademike amerikane, Jeffrey D.

Shtetet e Bashkuara të Amerikës paralajmërojnë Turqinë se do të nënshtrohet ndaj sanksioneve nëse nuk heq dorë nga blerja e sistemit rus S-400. Këshilltari për Sigurinë në Shtëpinë e Bardhë, Robert O’Brien than ë rrjetin CBS se së shpejti në Kongres do të kalojnë akti që e vendos Ankaranë zyrtare nën sanksione dhe sipas tij kjo do të ketë mbështetje bipartizane shumë të madhe.

Presidenti i Kosovës, Hashim Thaçi, mendon se edhe Franca mund të luajë rol kyç në procesin e ardhshëm të zgjidhjes përfundimtare të paqes dhe njohjes së ndërsjellë Kosovë-Serbi.
Thaçi ka shkruar në Tuiter nga Parisi ku ndodhet për të marrë pjesë në Forumin e Paqes, të organizuar nga presidenti Emmanuel Macron.

Duket se presidenti francez Emmanuel Macron po bën gjithçka që të prishë ekuilibrin gjerman të Ballkanit Perëndimor në një seri daljesh publike të cilat nuk mund të shpjegohen më vetëm me lirinë e shprehjes. Intervista e fundit e tij për “The Economist” ka zbuluar disa të vërteta që nuk po priten mirë. Deklarata e Macron se problemi në Ballkan nuk është as Shqipëria, as Maqedonia e Veriut, por Bosnja, të cilën e quajit bombë me sahat, ka provokuar reagime në Sarajave.

Kujtimet dhe idetë e Luftës së Ftohtë jetojnë në Europë, jo si fosile të një kohe, por edhe si kritere të gjalla për të vlerësuar të tashmen. Lufta e Ftohtë ishte paradoksalisht një periudhë paqeje afatgjatë e mbajtur si e tillë edhe përmes vendimeve që historiografia e fitmitarëve i ka stigmatizuar në kurriz të vetëm njërës palë. Një ndër këto akte ishte ndërtimi i Murit të Berlinit, gjykuar si një fatkeqësi për Europën. Për ish-kreun e fundit të Republikës Demokratike Gjermane, Hans Modrou, Muri në fakt ishte zgjidhja, jo problemi.