Blloku Bota

Një herë është Macron, njëherë Europa, një herë marrëdhëniet e vështira kufitare. Pak ditë pasi Ballkani Perëndimor mori lajmin se zgjerimi i BE-së frenohet sepse Parisi zyrtar mendon reformimin, nga pala amerikane vjen një tjetër ultimatum. 

Zyrtari amerikan për Ballkanin, Mathew Palmer është shprehur në Prishtinë se Serbia nuk ka për t’u anëtarësuar në BE pa njohur më parë Kosovën. 

Vetë diskutimi mbarë europian pas votës kundër të Francës për Shqipërinë dhe Maqedoninë e Veriut ka amnistuar qeveritë e këtyre dy vendeve nga përgjegjësitë që mbajnë për procesin e integrimit. Çështja që po shtrohet tashmë është ajo se çfarë duhet të bëjë Europa me Ballkanin Perëndimor, një rajon paradoksal që ndodhet në buzë të Adriatiku dhe rrethohet nga toka dhe deti me vende anëtare të BE-së.

A ka kuptim të quhet zgjerim hyrja e tyre në BE, apo përfshirja në union është një proces i natyrshëm për të mos lejuar enklavizime të padobishme dhe me pasoja? 

Gjermanët dhe "satelitët" e tyre mund të kenë qenë fërkuar duart ... për ikjen e  Mario Draghi-t, por duket se llogaritë i bënë pa hanxhiun. Pasardhësi i tij, në krye të Bankës Qendrore Evropiane, elegantja franceze, Christine Lagarde, ui shpalli luftë gjermanëve pa marrë akoma mirë postin.

Pentagoni publikoi videon e  operacionit të vrasjes së liderit të ISIS, Abu Bakr al-Bagdadi.

Siç shihet nga pamjet e kamerave nga Forcat Speciale të SHBA, një grup ushtarësh po shkojnë drejt një ndërtese të madhe në Barisa, një fshat i vogël në veri-perëndim të Sirisë, afër kufirit me Turqinë, ku fshihej i ashtuquajturi Kalifi Islamik.

Me dy rezoluta, njëra që njeh genocidin turk ndaj armenëve dhe tjetra që kërkon sanksione ndaj Ankarasë për përvetësimin e sistemit raketor rus, S-400, Dhoma  e Përfaqësuesve të SH.B.A.-së ka radikalizuar qëndrimin e saj ndaj Turqisë duke duke kundërshtuar hapur politikën e presidentit, i cili sipas demokratëve u shërben qartë interesave dhe aspiratave të Ankarasë.

Bashkimi Europian do të ndryshojë rregullat e negociatave për anëtarësim duke nisur edhe me Serbinë, një vend që është një hap përpara vendeve të tjera të Ballkanit Perëndimor. Gazeta “Novosti” shkruan se në samitin e majit 2020, BE-ja do të prezantojë dokumentin ku parashikohen disa modele që sërish përqendrohen te partneriteti i privilegjuar në vend të zgjerimit të mëtejshëm të bllokut.

Regjistrimet e bisedave sekrete mes kryeministrit izraelit, Benjamin Netanyahu dhe botuesit të gazetës “Yediot Ahronot”, Arnon Mozes janë kryetemë e diskutimeve në Izrael që prej së shtunës kur ato u publikuan në Kanalin 13.

Në bisedën e regjistruar të ndodhur në vitin 2014, Netanyahu dhe Mozes diskutojnë për një marrëveshje, sipas së cilës kryeministri Netanyahu do të përfitonte mbulim të favorshëm në gazetën “Yediot Ahronot” në këmbim të avancimit të një ligji për të dëmtuar rivalin kryesor të Yediot‘-it, “Izrael Hayom”.

Federica Mogherini, drejtuesja në ikje e Politikës së Jashtme të Bashkimit Europian, do të organizojë këtë të martë, një darkë pune me liderët e vendeve të Ballkanit Perëndimor. Lajmi njoftohet nga agjencia serbe, Tanjug, që citon burime diplomatike në Bruksel.

Ky do të jetë takimi i fundit informal i Mogherinit që lë detyrën e vet me një bilanc jo shumë për t’u admiruar. Ballkani është një dështim për Politikën e Jashtme të BE-së.

Presidenti i SHBA-së Donald Trump ka njoftuar sot vdekjen e kreut të Kalifatit Islamik, Abu Bakr Al Baghdati, i konsideruar si njeriu kryesor i terrorizmit në botë.

Përmes një konfeence për shtyp, Trump ka uzurpuar shoun e këtij akti, duke dhënë hollësi të aksionit që solli vdekjen e Al Baghdadit.

SHBA bëri drejtësi

tha Trump, duke shtuar më poshtë se në fakt vetëm drejtësi nuk ka patur.

Një informacion i siguruar nga Observatori për të Drejtat e Njeriut në Siri flet për vrasjen në Siri të kreut të Shtetit Islamik, Abu Bakër Al Bagdati,

Sulmi dyshohet se u krye nga 8 helikopterë të ushtrisë amerikane, të cilët shoqëruan një avion luftarak të përfshirë në mënyrë aktive në operacion, në zonën Barisa, në veri të qytetit të Intlib në Siri. Helikopterët thuhet se kanë bombarduar pozicionet  e ISIS-it me artileri të rëndë për afro 120 minuta.