Shtëpia e Bardhë njofton se ka arritur marrëveshje të pavarura me Ukrainën dhe Rusinë për sigurinë e lundrimit në Detin e Zi. Administrata amerikane ka folur për negociata teknike me të dyja vendet në Riad të Arabisë Saudite përmes të cilave është arritur edhe shmangia e përdorimit të anijeve lundurese tregtare për qëllime ushtarake.

Afrimi i zgjedhjeve të 11 majit shtron vetiu një pyetje që është megjthatë kalimtare në realitetin tonë, por mbetet parësore: cila është oferta elektorale dhe programore? 

Për të parën përgjigja nis nga Partia Socialiste, një forcë që teorikisht por edhe praktikisht mund të mbështetet te 750 -800 000 votat e veta standard që e bën atë forcën kryesore për t’u llogaritur. Përballë saj ka një gamë partish opozitare nisur nga PD-ja dhe aleanca e saj dhe disa subjekte të tjera që kanë identitet kryetarësh apo edhe deri diku forme në predikim zgjedhor.

Plani i Izraelit për lehtësimin e emigrimit vullnetar të palestinezëve nga Rripi i Gazas ka provokuar që nga fillimi i muajit mars, 1 600 të largua. 1000 kanë lënë tashmë vendin dhe 600 të tjerë pritet të nisen këtë javë. Plani i njoftuar dy muaj më herët ofron lehtësi doganore dhe transporti për ata që zgjedhin të ikin ndërkohë që Gaza është rrafshuara thuajse tërësisht nga forcat izraelite.

Ne po përdorim të gjitha mjetet në dispozicion për të zbatuar këtë vision dhe do të lehtësojmë largimin e çdo rezidenti të Gazas që kërkon të zhvendoset gjetkë

Në një intervistë për gazetën “Kathimerini” studiuesi i njohur Olivier Roy shprehet se qeveria e re siriane mund të arrijë të imponohet nëse marrëveshja në fuqi me kurdët respektohet.

Nëse ajo funksionon regjimi mund të imponohet mbi alavitët dhe druzhet, dy forcat kryesore ushtarake. Për më tepër që alavitët nuk janë të bashkuar

shprehet ai.

Në një opinion në revistën “Spiegel”, Claus Kreß, profesor i ligjit penal dhe ndërkombëtar në universitetin e Këlnit në Gjermani, shkruan për cenimin e rendit ndërkombëtar nga dy fuqitë: Rusia dhe SHBA.

Ishte e mërkura e 19 marsit, kur mosmarrëveshja u përshkallëzua plotësisht: "Nëse një president nuk ka të drejtë të dëbojë vrasës dhe kriminelë të tjerë nga vendi ynë, sepse një gjykatës i çmendur radikal i majtë dëshiron të marrë presidencën, atëherë vendi ynë është në telashe të mëdha, atëherë është i dënuar të dështojë" shkroi me zemërim Donald Trump tek rrjeti i tij Truth Social në lidhje me një vendim të gjykatësit federal amerikan, James Boasberg. Trump dhe disa kongresmenë republikanë madje bënë thirrje për shkarkimin e tij

Një takim i kryeministrit në detyrë, Edi Rama, me kandidatë të Partisë Socialiste në Qarkun Vlorë, ofron një shembull të mirë për të kuptuar distancën përherë e më të madhe mes pushtetit dhe një pjese të qytetarëve. Në raportimin e bërë me këtë rast, Agjencia Telegrafike Shqiptare veçon p.sh këto komente të z. Rama:

Presidenti turk, Recep Tayyip Erdogan, është ankuar së fundmi për korrupsionin e opozitës në bashkinë e Stambollit dhe madje i ka bërë thirrje kreut të partisë opozitare, Partisë Republikane Popullore, Ozgur Ozel, që të mos bëjë presion mbi gjyqësorin.

Turqia është një shtet i drejtuar nga sundimi i ligjit. Nëse keni kurajo lejoni demokracinë dhe ligjin të veprojë lirisht. Lejoni gjykatat të marrin vendimet pa presion

Në një komunikim “syrash” një ditë më parë, kryeministri Edi Rama u shpreh se qeveria paguan aktualisht rimbursim ilaçesh për 600 mijë të pasiguruar. Është një shifër që është dhënë nga z. Rama që në vitinn 2017 dhe mbetet thelbësore për barrën që krijon mbi fondin e sigurimeve. Por shifra është shumë e madhe nëse mban parasysh faktin se në Shqipëri janë 820 mijë të punësuar dhe 710 mijë përfitues. A është pra kjo Shifra e vërtetë? Eksperti i sigurimeve shoqërore, Kujtim Hoxha, shprehej sot se shifra nuk qëndron.

Zëvendëskryeministri serb Aleksander Vulin, ka deklaruar në një intervistë për median ruse, “Ria Novosti” se autoritetet ruse po ndihmojnë Beogradin zyrtar në kontrollin dhe shtypjen e protestive aktuale në Serbi.

U jam shumë mirënjohës shërbimeve ruse të sigurisë që na kanë mbështetur përherë në luftën tonë kundër revolucioneve me ngjyra, kryesisht me informacion

është shprehur Vulin.