Qeveria serbe ka njoftuar se brenda gjashtëmujorit të parë të këtij viti do të prezantojë një studim fizibiliteti mbi energjinë bërthamore në Serbi, studim i cili po realizohet nga firma franceze, “Egis”, që ka qenë e angazhuar më herët në rindërtimin e stacionit të trenit në Novi Sad, ku ndodhi aksidenti i famshëm me 15 viktima.

Lajmin e ka dhënë ministrja e Energjisë, Dubravka Djedovic Handanovic, ndërkohë që mbi përzgjedhjen e kompanisë franceze ka patur reagime.

Britania e Madhe dhe Bashkimi Europian kanë nënshkruar një marrëveshje të re mbi mbrojtjen dhe sigurinë, si pjesë e asaj që mediat e cilësojnë “rivendosje të gjerë të marrëdhënieve mes Londrës dhe Brukselit vite pas BREXIT”.

Qani Muça i cili ndodhej pas hekurave pas tentativës për të vrarë Inspektorin e Mbrojtjes së Territorit pas shembjes së shtëpisë, i ka dhënë fund jetës në burg. Mëngjesin e sotëm rreth orës 03:34, në Institucionin e Ekzekutimit të Vendimeve Penale Fushë-Krujë, i paraburgosuri Qani Muça është gjetur i vetëvarur në tualetin e dhomës ku qëndronte, në pjesën e grilës së ajrimit.

Po deshe të mbarohet puna, merr një grua”, kryetema e fushatës elektorale të kryeministrit Edi Rama në zgjedhjet e 11 Majit, përpos pasaportës europiane, ishin gratë, jo vetëm si pjesëmarrëse në votim, por edhe shtylla kryesore për të ardhmen politike të vendit.

Socialistët i hapën aktivitetet e tyre që në ditën e parë, duke zhvilluar 12 mitingje njëkohësisht me gratë e çdo qarku, duke dhënë sinjalin se në këto zgjedhje, vota e tyre do të ishte vendimtare.

Glen Rogers, i njohur si Casanova Killer, u ekzekutua me tri doza injeksioni në SHBA në datën 15 maj. Ai erdhi në vëmendje të mediave, pasi fjalët e fundit që tha ishin:

Presidenti Trump, vijo ta bësh Amerikën të madhe sërish!

Çfarë d.m.th kjo?

citohet të ketë komentuar më pas bashkëshotja e tij, Amy Roberson.

Zëdhënësi i Kremlinit, Dmitry Peskov, ka deklaruar se presidenti rus, Vladimir Putin, mund të takohet me homologun e tij ukrainas, Volodymyr Zelenskiy, vetëm nëse disa kushte plotësohen paraprakisht.

Mediat citojnë si kushte shkëmbimin e dakordësuar të robërve dhe caktimi paraprak i kushteve të armëpushimit.

Franca është përpjekur të përmbysë demokracinë në Rumani, tha kandidati euroskeptik për President George Simion përpara votimit të balotazhit të së dielës. Simion, një kritik i BE-së, të cilit i është ndaluar hyrja në Ukrainë, fitoi raundin e parë të zgjedhjeve të përsëritura presidenciale më 4 maj me më shumë se 40% të votave.

Përsëritja e votimit u mbajt pasi Gjykata Kushtetuese e Rumanisë anuloi rezultatet e një votimi të mbajtur në nëntor, në të cilin kandidati i pavarur i krahut të djathtë Calin Georgescu doli i pari me 23%.

Siria planifikon të printojë një monedhë të sapokrijuar në Emiratet e Bashkuara Arabe dhe Gjermani në vend të Rusisë, thanë tre burime, duke reflektuar përmirësimin e shpejtë të lidhjeve me shtetet arabe dhe perëndim

Kryeprokurori i Gjykatës Ndërkombëtare Penale, Karim Khan është vetëpezulluar nga detyra për shkak të një hetimi që e akuzon për ngacmim seksual. Largimi do të zgjasë deri në përfundim  të hetimit që do të kryhet nga një grup i jashtëm.

Khan, një avokat britanik në origjjnë e mori mandatin 9 vjeçar më 2021-n ndërkohë që hetimi nisi në nëntor 2024.

Rusia dhe Ukraina kanë rënë dakord për shkëmbimin e 1000 rrobërve prej secilit vend. Lajmin e ka bërë të ditur, ministri ukrainas i Mbrojtjes, Rustem Umerov pas bisedimeve të zhvilluara në Turqi.

Kemi rënë dakord të shkmëbejmë 1000 për 1000. Së shpejti, nuk do ta themi datën

citohet ai.

Marrëveshja cilësohet e rëndësishme pasi është e para që ul në tryezë dy vendet që nga marsi 2022.