INUK-u vijon me prishjet në bregdetin e Dhërmiut

Në bregdetin e jugut vijohet me prishjet e ndërtimeve pa leje. Sipas shqiptares.com, “shembja e 160 hoteleve pa leje në bregdetin e Dhërmiut do të bëhet brenda dy ditëve; më pas do të fillojë pastrimi i zonës së ndërtimit të hoteleve”. Në fakt, në lajmin e kësaj gazete thuhet se janë prishur tanimë 137 ndërtime, dhe kështu i bie që në dy ditët e ardhshme të prishen 23 të tjerat. Gjatë aksionit të ditës së sotme është bërë e mundur shembja e godinës tre katëshe të hotelit ‘Çarcani’, duke finalizuar operacionin e nisur nga INUK-u që prej së Premtes.

Pasi të mbarohet punë me Dhërmiun, inspektorët dhe punëtorët e INUK-ut do të kthehen në Himarë e Sarandë, e pastaj sërish në Vlorë, ku në fokus të operacionit do të jetë zona e Plazhit të Vjetër, duke rrafshuar kështu ndërtimet në të gjithë vijën bregdetare të qytetit të Vlorës. Në këtë mënyrë i hapet rrugë projektit të Lungomares, i pernguar deri tani nga uzurpimi e betonizimi pa leje i bregdetit.

Re.Pu.