Reagon Leka Zogu II: Dosjet e CIA-s në DITA për mbretin Zog, trillime të neveritshme

Dokumentet e arkivave amerikane të CIA-s të botuara së fundmi në gazetën “DITA” kanë sjellë dhe reagimin e pasardhesve të Ahmet Zogut. Në një komunikatë për mediat të shpërndarë nga Leka Zogu thuhet se informacionet e publikuara janë trillime nga njerëz që kërkojnë  “uljen e figurës së mbretit”.

“Oborri Mbretëror Shqiptar ka ndjekur disa akuza të kohëve të fundit ndaj figurës së Mbretit Zog, të publikuara me zell nga qarqe përjetësisht të interesuara për denigrimin e figurës së Mbretit, duke përdorur materiale të deklasifikuara nga informatorë, që nën petkun e shërbimeve ndaj interesave amerikane hamëndësojnë dhe trillojnë me qëllime të caktuara uljen e figurës së Mbretit, duke i shërbyer drejtpersëdrejti padronëve të vërtetë të tyre, ashtu si edhe Kim Philby i shërbeu deri në fund të jetës KGB dhe UDB si dhe Sigurimit te Shtetit Shqiptar dhe diktaturës enveriste, të lidhura ngushtë me to.  Sigurisht për përhapjen e këtyre trillimeve janë të interesuar pasardhësit e kësaj ideologjie, e cila fatkeqesisht është e zellshme për të vazhduar kauzën e sistemit që i polli. Neverisim këto mashtrime ordinere dhe “tellallët” që janë të interesuar për to e që ndjekin me konseguencë rrugen e mashtrimeve“, ka thënë Leka Zogu në prononcimin e tij.

Zh.