I penduari i bandës së tritolit në Gazetën Shqiptare: Ju lutem, policia s’më beson, më merr për të çmendur, të paktën bëni ju diçka...

Dhe vërtet mund të ishte bërë diçka, të paktën do të kishte shpëtuar biznesmeni Xhemal Çela, pasi ka qenë data 13 janar kur ai është paraqitur për të denoncuar në policinë e Durrësit, dhe 17 janar kur ka trokitur në Gazetën Shqiptare për të denoncuar vrasësin me pagesë Julian Sinani, ndërsa Çela u hodh në erë më datën 23 janar.

Gazetarja Aurora Koromani tregon për bisedën që ka bërë me të penduarin:

“Kam frikë. Ai do më vrasë. Dua të tregoj krimet, por policia më merr për të çmendur". Tejet i shqetësuar, me një veshje që linte për të dëshiruar, një djalë rreth 30 vjeç, trokiti në dyert e "Gazetës Shqiptare", për të rrëfyer për veprimtarinë kriminale, të një bande, pjesë e së cilës ishte edhe vetë. Atë ditë nuk e dija se njeriu që ishte penduar, është i njëjti me "të penduarin" e drejtësisë shqiptare N.Gj., i cili pak ditë më parë u vu në prangat e policisë dhe rrëfeu të gjitha krimet që kishte bërë banda e tij, me në krye të dyshuarin si vrasës serial Julian Sinanaj, shkruan gazetarja Aurora Koromani.

Por ndërsa policia e mori më vonë seriozisht atë, çudia është se ish- kryeministri Sali Berisha e dinte këtë.

Sipas GSH, Berisha ka deklaruar dje në Kuvend: “Nga informacionet që kam dhe ju e dini që unë i kam informacionet e sakta, ky person shkoi të depononte në polici. Ka qenë në takim edhe një nga zv/drejtorët e përgjithshëm të Policisë së Shtetit. Por dëshminë e tij nuk e kanë marrë seriozisht dhe i thanë çfarë i ke këto. Ai u ka thënë se do shkoj të jap intervistë në media. Dhe në momentin që ai do fliste në media e kthyen nga rruga”, shkruan gazeta e mësipërme.

Më tepër detaje në linkun:  http://www.balkanweb.com/kryesore/1/banda-e-tritolit-i-penduari-n-gj--trokiti-ne-gsh-nuk-po-me-marrin-seriozisht-170451.html

Zh.