Shpipëri Hesapi

Sot zhvillohet në Bruksel Konferenca e Donatorëve për dëmet e tërmetit të 26 nëntorit 2019. Vetë organizimi i saj duhet konsideruar një sukses për qeverinë shqiptare dhe vendin që merr kështu sinjal serioz solidariteti. Në fjalën e tij, Kryeministri Edi Rama ka përmendur ndër të tjera edhe situatën emocionale që sipas tij u krijua kur BE-ja i tha jo Shqipërisë në muajin tetor.

Për vendin tonë tërmeti politik në tetor u ndje si mallkimi i shoqërisë që na godiste edhe një herë.

Kostandin Kacifas, shtetasi shqiptar me kombësi greke që më 28 tetor 2018 ditën e dëshmorëve të Greqisë, ka qëlluar me breshëri kallashnikovi kundër policisë shqiptare në fshatin Bularat të Gjirokastrës, sipas ekspertizës ka rezoltuar  të mos jetë vrarë nga forcat e RENEA-s, por të ketë kryer vetëvrasje. Një konstatim i tillë është kryer nga ekspertët mjeko-ligjorë të policisë shkencore por dhe gjatë hetimeve të kryera nga prokurori i Krimeve të Rënda, Njazi Seferi, dhe së fundi nga prokurorët e Gjirokastrës, ku dosja prej muajit janar 2020 është transferuar pikërisht në këtë prokurori.

Gazeta “Tema” raporton sot se Policia e Shtetit ka fshehur ngjarjen e aksidentimit të një qytetareje nga shtetasja Ilda Bejleri. Shkruan gazeta ndër të tjera:

Por më skandaloze se largimi i Ilda Bejlerit nga vendi i ngjarjes, është reagimi i policisë. Kjo e fundit e ka fshehur ngjarjen dhe nuk ka dhënë asnjë të dhënë për personin që ka aksidentuar gruan 63-vjeçare.

Shumëkush ka udhëtuar në aksin Çarshovë-Përmet. Ai që vjen nga jashtë admiron natyrën, ai që njeh zonën e ndjen së brendshmi rrënimin e saj, ai që njeh historinë mbetet vetëm të shprehë keqardhjen sesi një zonë që i dha kaq shumë krijimit të shtetit është katandisur në pikë të hallit. Një kronikë e RTSh-së na jep pamjet e rrugës së cilës i ka dalë edhe kalldrëmi siç raporton gazetari Anastas Naqe.

RTSh- Korça raporton sot se fermerët në Fushën e Korçës kanë krijuar ferma shembullore dhe pemtore moderne mollësh. Lajmi ofron pamje dhe merr prononcimin e një specialisti që thotë se pemtoret e reja po bëhen me standarde.

Policia godet një aktivitet të palejuara të lojërave të fati, në pranga pronari i lokalit

Ky është një titull i Agjencisë Telegrafike Shqiptare që të fton të lexosh një lajm supozohet se flet për ndonjë aktivitet serioz. Në foto disa makina lojërash fati me një kryq sipër. Por teksti të ul në tokë ndonëse gazetarët kanë bërë çmos që të krijojnë idesë se kemi të bëjmë me një diçka serioze. 

Kush e mendonte se Alketa Vejsiu na do kaq shumë! D.m.th të rastis ta shohësh në televizionet shqiptare që flet e moderon, por asnjëherë nuk dëgjon ndonjë deklaratë dashurie për kombësinë. E sheh si një person që ka një karrierë në një fushë të caktuar dhe asgjë më tej. 

Lulzim Basha ka qenë në një dhomë në një nga godinat e Qytetit “Studenti”. Kanë qenë njerëz të stafit të tij që kanë filmuar takimin me studentë. Në një moment në dhomë hyn një prej pjesëtarëve të administrimit të godinës dhe kërkon që z. Basha të dalë jashtë sepse ka hyrë pa leje. Zoti Basha e ka mediatizuar këtë përballje duke akuzuar qeverinë për mënyrën sesi vepron. Mediat e qeverisë kanë dy ditë që duan ta tallin kreun e PD-së për këtë që po bën dhe me një lloj fushate që ai ka nisur duke takuar njerëz të ndryshëm dhe duke dalë në rrugët e qytetit.

Në Itali, afrikanët që shesin rrugëve thirren “I vu cumpra”. Një mënyrë komike, ironike për italishet e afrikanëve, nisur nga artikulimi i fjalisë: “Vuoi comprare”? Të gjithë në të zezë, pra informalë më saktë, i sheh plazheve me mbulesa, kuverta, objekte tradicionale, të veshur sipas vendeve nga vijnë. Dhe askush nuk i ngacmon. Në Itali qarkullojnë fjalë se kjo është një ekonomi e kishës që i mbron ata. Ose versione të tjera.

Ministri i Brendshëm Sandër Lleshaj ka dhënë sot një teatër të vockël personal kur deklaroi se poligrafi do të përdoret edhe në rekrutimin e punonjësve të Policisë së Shtetit. Gjatë ceremonisë së certifikimit të pesë ekspertëve të poligrafit, ministri ndër të tjera tha: