Shpipëri Hesapi

Ministri i Bujqësisë, Bledi Çuçi ka qenë këto ditë në Finiq të Sarandës ku ka improvizuar një takim me kryetarin e Bashkisë, Kristaq Kiço, 4-5 banorë dashamirës me problematikën që kanë prej 30 vitesh në shoqërinë e një tasi ullinjsh dhe një tasi arrash. Teksa banorët flasin për problemin e pronës, ministri Çuçci shfaqet i rehatuar në karrige, me një palë syze dielli që nuk i ndan, maskën ulur në mjekërr, duke u përtypur dhe pastruar dhëmbët nga arrat me thithje precizioni.

Prej disa ditësh, Partia Demokratike akuzon ministren e Mbrojtjes Olta Xhaçka se ka udhëtuar për fushatë elektorale në Dibër duke përdorur helikopterë të ushtrisë. PD-ja ka publikuar edhe foto me këtë rast ndërkohë që ministrja ka heshtur.

Për ata që nuk e dinë, zonjës Xhaçka i intereson imazhi publik vetëm aq sa lajmet që dalin për të, të mos mërzisin shefin e vet që ka zakonin apo stilin që ta prish humorin duke të nisur linke lajmesh “të këqija”.

Kreu i Partisë Demokratike, Lulzim Basha, mblodhi sot në një takim një grup mjekësh specialistë për të folur rreth situatës së krijuar nga pandemia.

Mjekët pranë PD analizuan disa aspekte të situatës së Covid-19, mes të cilave edhe diagnostikimi i rasteve me Covid-19. Për mjekun Lutfi Lisha, i cili duke iu drejtuar Bashës me “kryetar” e mori fjalën i pari, tamponët mbeten e vetmja metodë diagnostikimi.

Një ndër aspektet origjinale të pandemisë është zbulimi për të gjithë njerëzinë se këtu nga anët tona edhe mjekët janë të ndarë sipas partive politike. D.m.th që një mjek i cili ka një profesion shumë specifik dhe që shoqërohet me një betim, të angazhohet në detyra administrative nuk ka ndonjë gjë të keqe. Por që një mjek ta ndërtojë profilin e vet publik, të përcjellë mesazhe dhe të kundërshtojë vendimet, apo t’I mbrojë atom bi premise partiake, kjo është ndoshta prodhim bio i Shqipërisë.

Kjo është një foto e para disa ditëve e publikuar në faqen Facebook të Muzeut Historik Kombëtar, e cila shoqërohet me këtë shënim sqarues:

Pra disa fëmijë kopshti të veshur në uniformë ushtarake që pozojnë me gjestin tifozerik të shqiponjës.

Asgjë e keqe, - mund të thotë dikush.

Lulzim Basha ndodhet së fundmi në shënjestrën propagandistike të kryeministrit me akuzën e çuditshme se ka punuar për shërbimet e huaja në përpilimin e dosjes kundër Hashim Thaçit. Në bindjen e opinionit se Basha është agjenti që i bëri hatanë Thaçit janë angazhuar edhe gazetarë të ndryshëm. Mirëpo kjo puna e akuzave për agjentë është e vjetër.

Lexoni se çfarë ka thënë sot kryeministri Edi Rama në Vlorë për menaxhimin e situatës pandemike:

I çmendën njerëzit me teste, por ne kemi ndjekur një politikë të suksesshme. Komiteti Teknik nuk e ka kërkuar testin pozitiv. Një pjesë e madhe e njerëzve shkojnë bëjnë tamponë tek privati. Ne iu themi se nëse nuk je mirë, qëndro në shtëpi, bëj ato që thotë mjeku, s’ke nevojë të bësh tamponin.

Ish-kryeministri Sali Berisha publikon në faqen e vet në Facebook një tekst që e quan denoncim të këshilltarit dixhital sipas të cilit ministri i Jashtëm (i lënë) në Detyrë, Gent Cakaj po lobon që ta shpallin “Qytetar Nderi”.

raporton Berisha.

Nuk dihet sa e vërtetë është një gjë e tillë, por nëse sheh intensitetin e njoftimeve të z. Cakaj për Luginën e Preshevës mund të merret me mend se ka një investim personal në këtë drejtim.

Ministria e Shëndetësisë raporton në përditmëri se numri i tamponeve të kryer për gjurmimin epidemiologjik të të sëmurëve me CoVid-19 është rritur. Sot p.sh numri i tamponeve është 1744, ndërkohë që numri i rasteve të reja është 421. Në këto shifra përfshihen edhe tamponimet e klinikave private dhe raporti tamponim – infektim vazhdon të zhvendoset drejt uljes. P.sh më herë është thënë se gjurmimi quhet i mjaftueshëm kur shifra e tamponimeve është 10 herë më e lartë se ajo e infektimeve.

Artur Meçollari, një ish-ushtarak aktiv i Forcës Detare, me një rol të rëndësishëm edhe në një proces delikat si ai i negociatave për marrëveshjen detare me Greqinë, ka zbuluar në faqen e tij në Facebook atë që e quan Aferë të Tjetërsimit të Bazës Ushtarake Detare të Limionit në Sarandë. Siç dihet kjo bazë me sipërfaqe 3.5 ha u dha para disa kohësh me konçesion kompanive të poseduara nga Shefqet Kastrati për 1 euro.