Politikë

Gramoz Ruçi mblodhi këto ditë grupin për organizimin dhe koordinimin e fushatës së anëtarësimeve si dhe të zgjedhjeve të reja në parti. Sipas “Gazeta Shqiptare”, mësohet se gjatë mbledhjes së zhvilluar pak ditë më parë, Kryetari i Asamblesë Kombëtare të PS­së, njëherësh edhe numri dy i PS­së, ka dhënë porositë që deri më 10 shtator të përmbyllet faza e parë e aksionit të anëtarësimeve të reja në PS.

Dritan Zagani, ish-shefi i Antirdrogës në Fier, i arrestuar në Maj të vitit 2014 për dekonspirim të aksioneve të policisë në luftën kundër trafikut të drogës ka munguar sot në seancën në ngarkim të tij që u zhvillua në Gjykatën e Fierit. Burime të policisë thanë se ai mund të larguar jashtë vendit, pasi hetohej në gjendje të lirë, pas ndryshimit të masës së sigurimit nga Gjykata e Krimeve të Rënda. Sipas të njëjtave burime Zagani mësohet se ka 1 muaj e gjysmë që nuk ndodhet në Shqipëri dhe për këte autoritetet shqiptare kanë qenë në dijeni.

Në një intervistë për Tema Tv, Spartak Ngjela shpreh pesimizmin e tij mbi të pritshmen reformë në drejtësi, për të cilën sipas tij “nuk ka vullnet nga ky formacion politik". "Të bësh reformën do të thotë të eleminosh gjysmën e gjyqtarëve nga sistemi”, thotë ai. Për Ngjelën, aksioni i shpallur nga qeveria për luftën kundër informalitetit ngjan me tufëzimin që Hoxha i bëri kapitalit.

Por edhe më interesant është shpjegimi i ciklit të mbyllur që Ngjela i bën mungesës së të ardhurave në vend dhe iluzionit të fondeve që do të vijnë nga BE.

Kryeministri e cilësoi si gjendje lufte situatën e informalitetit ekonomik e tregtar në Shqipëri.

Flitet për cilësi shërbimi dhe performancë të institucioneve, por rastet e anashkalimit të këtij kriteri nuk mungojnë. Partia Demokratike ka sjellë sot përmes deputetes Albana Vokshi raste emërimi në Ministrinë e Shëndetësisë, që nuk mund të konsiderohet i pranueshëm. “Edi Rama po ulëret për informalitetin, por shihni çfarë ndodh me ilaçet. Drejtoresha e Drejtorisë Farmaceutike në Ministrinë e Shëndetësisë, ajo që duhet të kontrollojë cilësinë e ilaçeve, ka ngelur në provimin e shtetit. Madje ka ngelur dy herë me radhë.

Një ftesë, që do hapë debat, bëri Kryetari i Bashkisë së Tiranës, Erion Veliaj, me rastin e shpërndarjes së shtëpive sociale në Shkozë të Tiranës. Veliaj u bëri apel ndërtuesve që të ulin çmimet e apartamenteve që nuk shiten. “Për aq kohë që apartamentet nuk shiten, atëherë nuk do të jepet as leje ndërtimi. I bëj apel Shoqatës së Ndërtuesve: ulni çmimet! Ne nuk ia caktojmë dot çmimet privatit sepse jemi në kapitalizëm, por ne do të propozojmë që taksën e pronës, këta ndërtues ta paguajnë edhe për ata apartamente që nuk i kanë shitur.

Të fokusuar vetëm intervista e kryeministrit Rama nga intervistimi i pëbashkët i Vjenës, del se homologu i tij serb Vuçiç nuk është dhe aq “i urtë”. Një deklaratë e Vuçiçit për Ramën bën interes të veçantë, hap debat ngjyrimi me të cilin mund të jetë thënë. Komentet u bënë gjatë debatit mes tij dhe Ramës, të transmetuar në disa televizione të rajonit.

Kryetari i Partisë Demokratike, Lulzim Basha, ka bërë sot një koment për aksionin ndaj informalitetit. Basha ka postuar në Facebook këtë status, që gjithsesi tërheq vëmendjen e qytetarëve te një hollësi e harruar: “Sa i besueshem mund te jete kur flet per informalitetin dikush qe ka fshehur pasurine e tij prej vitesh, duke deklaruar 3 mije euro pasuri e duke u shpallur i pastrehe. Kjo edhe pse pasuria e tij prej favoreve ndaj klienteles eshte e njohur nga i madh e i vogel. Kur predikon kunder informalitetit perfituesi me i madh prej tij, corba eshte e prishur.

Kryeministri Edi Rama, prej disa kohësh flet për mosndërhyrje në punët e brendshme. Tha edhe sot: "Ky është një moment, kur për fat të keq ka pasur një keqkuptim nga ana e tyre,- që s’kam asnjë problem ta them,- është keqpërdorur nga të tjerët. Por ka qenë një mundësi shumë e mirë, për të bërë të qartë, shkoqur, që hapësira e ushtrimit të besimit për besimtarët ortodoksë është një hapësirë sovrane dhe asnjë shtet fqinj nuk ka asnjë të drejtë mbi këtë hapësirë. Ortodoksët shqiptarë nuk janë grekë, janë shqiptarë.

Sot në një konferencë për shtyp, kryeministri i Shqipërisë, Edi Rama, foli edhe për çështjen e kishës së Dhërmiut. Duke iu përmbajtur cilësimeve personale dhe që nuk përkojnë me raportin ligjor që rregullon marrëdhëniet e komuniteteve fetare me shtetin. Kështu, ndonëse Kisha e Shën Thanasit, ishte aty qysh prej vitit 1992, Kryeministri vijon ta cilësojë si garazh, duke hyrë në diskrecionin e besimtarëve pa qenë i tillë. “Ajo nuk ishte një kishë, por një garazh. Ne nuk do të ndërtojmë një kishë katolike, por do të rindërtojmë atë kishë që ka qenë aty”, tha Edi Rama.