Politikë

Kreu i qeverisë e cilësoi sot koncesionin e sterilizimit një nga punët më të bukura të qeverisë së tij. Rama tha se përgjegjësia për shkeljen e kontratës është individuale dhe ata që kanë abuzuar do të paguajnë. Në lidhje me hetimin që ka vënë nën akuzë tetë persona deri tani, Rama tha se korrupsionin nuk mund ta parashikosh.

Në disa media afër pushtetit të Edi Ramës kanë nisur të mbijnë shkrime nga më të ndryshme të autorëve grekë, që vënë në dukje se Fredi Beleri është një dikush i njëmijë e një të zezave. Se ka qenë në grupime ekstremiste e kështu me radhë. Mirëpo sjellja e këtyre shkrimeve nuk ka ndonjë vlerë ndriçuese: ato thjesht riqarkullojnë opozitarë të kryeministrit grek Kyriakos Mitsotakis  në funksion të një diskreditimi të kauzës greke në përballjen e tanishme të Himarës.

Alberto Alemanno, një profesor në Shkollën e Lartë të Studimeve Tregtare në Paris, shkruan në “Politico” një opinion mbi atë që e quan: Europa e post-Sorosit. Çështja lidhet sa me vendimin e Fondacionit për Shoqërinë e Hapur për të mbyllur një pjesë të madhe të operacioneve të veta në kontinent, aq edhe me moshën e financierit George Soros, njeriu që qëndron pas rrjetit më të madh të financimit të enteve të shoqërisë civile. Llogaritet se çdo vit fondacioni akordon 1.5 miliardë euro dhe largimi i tij kërcënon m

Mitrovica e Veriut është anëtarësuar në Asociacionin e Komunave të Kosovës (AKK). Vendimi është marrë sot në mbledhjen e jashtëzakonshme të Kuvendit të AKK-së.

Kërkesa për anëtarësim në Asociacionin e Komunave të Kosovës është bërë nga Kuvendi i Komunës së Mitrovicës së Veriut dhe është miratuar me shumicë votash.

Nga 38 komuna që ka në total Kosova, 34 prej tyre janë anëtare në Asociacionin e Komunave të Kosovës.

Asociacioni i Komunave të Kosovës është themeluar me 30 qershor 2001, pas zgjedhjeve të para lokale pas luftës.

Kryeministri Edi Rama ka reaguar sot për takimin e Athinës. Një qëndrim që nuk thotë asgjë, thjesht zë vend si njoftim në mediat shqip. Zoti Rama flet për ndasi të brendshme që përcaktuan mungesën e ftesës ndaj tij, duke nënkuptuar se ai është Shqipëria. Në fakt u ftua Bajram Begaj, personi që punon si President i Republikës.

Takimi i Athinës nuk është pritur mirë në Tiranë dhe kjo është e dukshme. Që nga urdhërimi i Presidentit për të mos shkuar, te cinizmi bosh i mediave pranë qeverisë, e deri te improvizimi i kryeministrit me një reagim pa kuptim dhe joproporcional ndaj një deklarate në një televizion të ministrit të Mbrojtjes të Serbisë. E kuptueshme. Poshtërimi është atribut natyral i Shqipërisë politike, e mban atë gjallë. 

Gazeta greke “Kathimerini” shkruan se për çështjen “Beleri” ka në tryezë aktualisht një diskutim ndërkombëtar sipas saj, për të gjetur një zgjidhje të pëlqyeshme.

Sipas gazetës në fjalë, kryeministri shqiptar, Edi Rama, po merr rreziqe në këtë rast për shkak se Beleri është një person që duket se është gati non grata në SHBA – nuk ka vizë amerikane – dhe se ai mbështetet nga një politikan non grata si Sali Berisha.

Nga janari i vitit të ardhshëm, shtetasit e Kosovës do të mund të udhëtojnë pa viza në të gjithë zonën Shengen. Përveç kohës së gjatë të procedurave, heqja e vizave u kursen atyre plot 35 milionë euro.

Përgjatë këtyre viteve, shtetasit e Kosovës kanë shpenzuar mesatarisht 150-200 euro për një aplikim për vizë, një tarifë e shtrenjtë nëse merr parasysh se paga mesatare është 250 euro.

Intervista e fundit e ambasadores së BE-së në Tiranë, Christiane Hohmann, ishte si të thuash edhe mesazhi përmbledhës i misionit të saj në Shqipëri: KORRUPSIONI ËSHTË I PËRHAPUR NGADO. Një kancer e ka quajtur ajo duke shprehur kështu një qëndrim jo vetëm personal, por edhe institucional të delegacionit të BE-së, formësuar mbi informacione zyrtare. Është e qartë se mesazhet kanë kaluar në Bruksel dhe në kancelaritë kryesore të Europës dhe se ato përfaqësojnë padys

Me rastin e 20-vjetorit të Deklaratës së Selanikut, kryeministri grek, Kyriakos Mitsotakis, do të mbajë një darkë informale të hënën, 21 gusht. Në darkën e njoftuar janë ftuar liderët e Ballkanit Perëndimor, preisdentja e KE-së, Ursula von der Leyen dhe presidenti I Këshillit Europian, Charles Michel, si deh drejtues të Bullgarisë, Kroacisë dhe Rumanisë.