Politikë

Zoti Rama duket se e ka kompleks të madh injorimin që i vjen nga Kosova. Si një person që u mësua të nënshtrojë këdo në PS, që pa që ata që dikur u lëpihej deri në neveri, i lëpihen tani, si person pra që pa në vetë të parë se çdokush ka çmim, dhe si një qenie që vuan deri në torturë begenisjen e tjetrit, z. Rama nuk po di se çfarë të bëjë tashmë për ta homogjenizuar turmën shqiptare rreth vetes, të cilën e sheh si obeliskun e kombit.

Në disa media afër qeverisë raportohet dukuria e bojkotit nëse mund të themi kështu e administratës publike. 
Puna në shtet nuk josh më -, shkruan gazeta “Tema”. E ka fjalën për punën në Ekzekutiv. 

Pak javë më parë edhe ministri Blendi Gonxhe deklaronte se mungesat vijnë për shkak të frikës për të firmosur. Frikë nga SPAK. Ndërkohë që në sistemin gjyqësor po mësyjnë fëmijë të ish-gjyqtarëve apo prokurorëve të larguar nga vettingu. 

Kryeredaktori i gazetës greke “Kathimerini”, gazetari i njohur Alexis Papchelas, ka publikuar dje një shënim mbi dy ngjarjet e fundit rajonale që prekin Greqinë. Takimi i kryeministrit Edi Rama në një stadium në Athinë dhe deklarata e presidentes së Maqedonisë së Veriut që refuzoi të përdorte emrin kushtetues të vendit në fjalimin inaugurues të saj. Papachelas cilëson se “Greqia është vendi serioz, i fuqishëm, pastërtisht Perëndimor, pastërtisht demokratik dhe europian në një fqinjësi famëkeqe, të vështirë dhe të paparashikueshme”.

Në një opinion të publikuar në “Politico”, Jan Jambon, ministri flamand për Punët e Jashtme dhe Kulturën, vë në dukje se paradigma kryesore mbi të cilën duhet të orientohet përpjekja identitare europiane është kultura. Sipas tij ky është një mësim i vjetër me shembuj të rinj si ajo anekdoda që i mvishet Churchill që refuzoi të largonte pasurinë e muzeumeve të Londrës duke u hakërryer: për çfarë po luftojmë atëherë? 

Media pranë qeverisë publikojnë, apo citojnë një sondazh të një instituti amerikan sipas të cilit Edi Rama rezulton politikani më popullor në Shqipëri. Pas tij vjen Erion Veliaj.

Takimi i Edi Ramës me shqiptarë në Athinë është injoruar përgjithësisht nga politika kryesore greke, ndonëse në mediat e vendit fqinj ka patur diskutime të shumta. Lidhur me mesazhin kryesor të takimit se Rama ka ndikim tek emigrantët shqiptarë, ka patur një prononcim të Dora Bakojanis, politikane e njohur në Greqi, por edhe motra e kryeministrit aktuale, Kyriakos Mitsotakis.

Ka nisur masturbimi mediatik për fjalën e mbajtur në stadiumin e Athinës. Po shkruajnë se "Z. Rama hapi çështjen shqiptare me Greqinë". Për Çamërinë, ligjin e luftës e kështu me radhë deri te pensionet që është teknike. 

E mbani mend kur Aleksander Vuçiç i dha leje Edi Ramës të thoshte nga Beogradi se Kosova është e pavarur? Dhe që të shëtiste në këmbë në Preshevë? Disa e mbajnë mend këtë gagarel të shijonte veten duke shitur se ka ndonjë lojë të vetën lumëmadhi. 
Ka kaluar shumë kohë. Tentoi ky edhe të bëhej pjesë e ndarjes së Kosovës, miqësimit serbo-shqiptar e nuk qullosi gjë. Sepse një hileqar e ka litarin të shkurtër. 

 Ministri i Drejtësisë Ulsi Manja ka dalë në Parlament dhe ka pranuar se me amnistinë e re penale kanë dalë nga burgu edhe njerëz që janë dënuar nga Gjykata e Posaçme kundër Krimit dhe Korrupsionit. Vetëm tetë kanë qenë të tillë tha z. Manja që shtoi se Amnistia ka marrë 116 vota në Parlament. Kaq dinte të thoshte ministri i Drejtësisë që është ai që shohim. Ky moment të sjellë në kujtesë një sërë ministrash Drejtësie që kanë qenë këto vite duke nisur nga Nishani, Xhafa e deri tek Eduard Halimi. Njerëz me njohuri juridike, por pa kallëpin politik të duhur.

Koalicioni “Maqedonia jote - VMRO-DPMNE” është fitues i zgjedhjeve të dyfishta në Maqedoninë e Veriut. Ndërsa procesi i numërimit është drejt fundit, Maqedonia jote - VMRO-DPMNE ka siguruar 42.07 për qind, ndërsa Koalicioni për të Ardhmen Evropiane - LSDM ka 14.36 për qind.

Maqedonia e Veriut mbajti sot zgjedhjet presidenciale dhe parlamentare, në të cilat të drejtë vote kishin 1.8 milion qytetarë.

Kandidatja e partisë opozitare, Gordana Silanovska-Davkova, shpalli fitoren në zgjedhjet presidenciale (65%), ndërsa rivali i tij, Stevo Pendarovski (30%), pranoi humbjen.