Në Vëmendje

“Lufta jonë frontale ndaj kriminalitetit shënon sot një zhvillim të ri”. Kështu e nisi deklaratën për shtyp nga selia e qeverisë ministrja e Drejtësisë Etilda Gjonaj, bazuar mbi një paketë ndryshimesh ligjore që sipas saj qeveria ka marrë për të ndaluar “kriminelët” të përfitojnë para publike. Ministrja e quajti paketë ligjore në fakt, por nga teksti i deklaratës kuptohet se bëhet fjalë vetëm për një ndryshim formulimi në ligjin ekzistues të Prokurimeve Publike.

Me 74 vota pro deputetët socialistë rrëzuan dekretin e Presidentit Meta për Ligjin e Teatrit Kombëtar.  Kreu i shtetit e kishte kthyer për të dytën herë për shqyrtim ligjin edhe pas arrnimit që shumica i bëri draftit, duke marrë në konsideratë vetëm vërejtjen e BE-së se ligji cënon konkurrencën.

Me këtë votim i hapet rrugë shembjes së godinës ekzistuese të Teatrit dhe ndërtimit të një godine të re sipas projektit të paraqitur nga kompania “Fusha” ku përfshihen edhe 6 kulla.

Zgjerimi i sovranitetit të Greqisë në 12 milje det territorial në hapësirën e Jonit do të bëhet me ligj të posaçëm dhe jo me dekret presidencial siç theksoi në konferencën e largimit nga detyra ish-ministri i Jashtëm grek, Nikos Kotzias.

Gazeta greke "Kathimerini" shkruan se "kryeministri grek ka vendosur të thërrasë Këshillin Shkencor të Ministrisë së Jashtme për të diskutuar aspektet e çështjes". Po ashtu ai dha udhëzime për t'iu përgjigjur deklaratave dhe qëndrimeve të bëra nga qeveria turke pasi u informua për zhvillimet e fundit.

Turqia ka reaguar pas deklaratave të ish-ministrit të Jashtëm grek Nikos Kotzias se Greqia do të zgjerojë sovranitetin e detit territorial në 12 milje. Ministri i jashtëm turk, Mevlut Çavusoglu, deklaroi se Turqia nuk do ta lejojë një gjë të tillë në Egje.

Duke folur për Agjencinë Anadolu, Çavusoglu tha se si Athina ka bërë shumë herë "deklarata të ngjashme për 12 milje", duke thënë se në Greqi shumë herë "populizimi i paraprin realitetit”.

Takimi i kësaj të hënë i kryeministrit me studentët e ekslelencës u shënua nga një incident, pasi aktivitët e Lëvizjes Për Universitetin reaguan ndaj premtimeve të kryeministrit për arsimin. Por truprojat e kreut të qeverisë ndërhynë duke mos lejuar studentët të përfundonin argumemntat e tyre.

Lëvizja për Universitetin

Familja socialiste ekspozohet sërish për lidhje të zyrtarëve të saj me krimin. Ish-deputeti socialist Arben Isari ka dhënë dorëheqjen nga Drejtor i Patentave pas arrestimit të të vëllait për armebajtje pa leje dhe prodhim e mbajtje te lendeve narkotike.  Në letrën drejtuar ministrit Damian Gjiknuri dhe kryeminsitrit Edi Rama, ai shprehet se arsyeja është që të mos ndikojë direkt apo indirekt në punën e sistemit të drejtësisë.

Arrestimi i dy ish-depuetëve socialistë, Arben Ndoka e Arben Çuko si dhe disa personave të tjerë në kuadër të një operacioni të gjerë policor, ku u përfshinë dhe Forcat Renea u servirën si lajme interesante pa ndodhur ende. 
Goditja e emrave të lidhur me pushtetin, por të një rëndësie të dorës së tretë apo të katërt nuk prish ndonjë ekuilibër brenda mazhorancës. E sigurtë është se shërben për të kuruar imazhin e djerrur të Policisë dhe Kreut të saj i akuzuar si vegël e qeverisë. 

Vizion Plus raporton sot për abuzimet me konçesionin e shumëpërfolur të check up. Sipas këtij televizioni, po paguhen 6.3 milionë euro për 420 mijë kontrolle të parkruera ndërkohë që skandali shkon më tej: 

Për të realizuar planin e kontrolleve mjekësore, stafet mjekësore dhurojnë vetë gjak dhe më pas u vënë emrin e pacientëve që refuzojnë apo nuk e kanë kryer check up-in.

Me 80 vota pro Parlamenti i Maqedonisë miratoi mbreme nismën për ndryshimet kushtetuese që do t’i hapin rrugë marrëveshjes për emrin me Greqinë. Deputetët e VMRO-DPMNE-së kërkuan në fillim të seancës që të votohet në mënyrë individuale, pra që deputetët të votonin një për një. Por edhe në këtë mënyrë u plotësuan 80 vota apo 2/3 e parlamentit.

Ndryshimet kushtetuese i mbështetën edhe 7 deputetë nga opozita të cilët votuan “pro”. Kreu i VMRO-DPMNE, Kristian Mickovski deklaroi përjashtimin e tyre nga grupi parlamentar.

Një media elektronike greke publikoi një lajm mbi një buxhet sekret prej 1 milionë eurosh të qeverisë greke që ka shkuar për financimin e mediave dhe Kishës Ortodokse në rajonin e Ballkanit, ku përmendej edhe Shqipëria. 

Lajmi u amplifikua nga Top Channel që iu referua këtij publikimi, por pa dhënë ndonjë detaj më tepër apo dokument që të vërtetojë këtë pretendim. Mediat greke po ashtu shkruajnë se qeveria e Cipras mohon të ketë lëvruar fond për financimin e mediave në Ballkan dhe në Shqipëri.