Në Vëmendje

Gjykata e Krimeve të Rënda vendosi të mos pranojë kërkesën e ish-ministrit të Brendshëm, Sajmir Tahiri për të pushuar çështjen ndaj tij.

Pas një seance maratonë, Tahiri, i cilësuar si “kampioni” i qevrisë “Rama 1” do të duhet të bëhet gati për t’u përballur në gjyq me akuzat e Prokurorisë për trafik ndërkombëtar droge.

Vetë Tahiri e komentoi me sportivitet vendimin, duke thënë se Prokuroria nuk ishte e aftë t’i provonte shkeljen e ligjit.

Ai tha se gjithsesi, ata që e çuan në bankën e të akuzuarve nuk do ia dalin dot ta bëjnë kurban të drejtësisë.

Federata Shqiptare e Futbollit kundër çdo logjike të thjeshtë, del jashtë kornizave ligjore dhe në mënyrë të paprecedentë u mohon shqiptarëve të ndjekin falas në një televizion kombëtar, ndeshjen e kombëtares Shpresa. Pas ankesës publike të RTSH për përjashtim nga gara për transmetimin e sfidës kundër Turqisë, Federata del me një qëndrim publik ku pa asnjë bazë ligjore, justifikon vendimin për t’ia shitur ndeshjen vetëm një transmetuesi me pagesë. Si pjesë e kushteve të konkurrimit ka qenë edhe që transmetuesi të garantojë transmetimin në një televizion kombëtar.

Shqipëria, Rajoni i 21-të italian

Kështu e tiullon Rai2, materialin dokumentar kushtuar vendit tonë në të cilin bëhet një kalim shumëplanësh dhe I shpejtë mbi historinë e afërt dhe situatën social-politike. Emigrimi i viteve ’90, rikthimi në Shqipëri, italianët në vendin tonë, biznesi, jeta e natës në Tiranë, varfëria ekstreme në periferi dhe në fund gjakmarrja në veri.

Gjykata e Apelit të Hagës rriti dënimin për ish-kreun serb të Bosnjës, Radovan Karaxhiç nga 49 vjet burg në burgim të përjetshëm. 
Radovan Karaxhiç ka qenë psikiatër, poet, president, mjek popullor, por do të mbetet në histori si një nga urdhëruesit e krimeve më të tmerrshme që kanë ndodhur në Evropë pas Luftës së Dytë Botërore.

Femerët kanë bllokuar sot autostradën Lushnjë-Fier. Sipas tyre në mungesë të një zgjidhjeje nga Ministrisa e Financave dhe Ekonomisë,  grumbulluesit dhe agropërpunuesit e Lushnjës, Beratit, Divjakës, Kuçovës, Gjirokastrës,  Shkodrës e rretheve të tjera të vendit kanë ndërprerë grumbullimin e qumështit ne 19 -20 Mars. Gjithashtu, gjatë dy ditëve në vijim kompanitë agropërpunuese më të mëdha në vend do të përshkallzojnë më tej veprimet duke mos furnizuar tregun me produkte të freskëta bulmeti.

Ambasadori i OSBE-së ka dalë me deklaratën e radhës për situatën në Shqipëri, duke luajtur me enigmën e madhe, nëse OSBE do t’i njohë zgjedhjet lokale të qershorit pa opozitën.

Borchardt ka shkuar edhe më tej në analizën e tij, duke menduar për efektet që veprimet e opozitës shqiptare do kenë për gjithë rajonin.

Nga monitorues i zgjedhjeve, Borchardt po bën rojtarin e demokracisë për gjithë Ballkanin, me alibinë se rajoni  mund të rrëshqasë kollaj në destablitet tani që Shqipëria po del nga binarët

Nuk është vetëm Shqipëria që po tërheq vëmendjen e mediave europiane për situatën e krijuar nga protestat e opozitës. Ditët e fundit edhe në Serbi dhe Mal të Zi ka patur lëvizje të qytetarëve kundër pushtetit. Megjithë ngjashmëritë vihet re se çdo situatë ka specifikat e veta që lidhet sa me qeveritë e tri vendeve, opozitat respektivë dhe ndërkombëtarët.

Situatë e tensionuar politike edhe në Serbi, ku mbështetës të opozitës tentuan të hyjnë në Televizionin Publik. Reagimi erdhi pasi protesta e opozitës nuk gjeti asnjë pasqyrim në Televizionin Publik, që akuzohet se është i kontrolluar plotësisht nga qeveria dhe presidentit Vuçiç.

Kujtojmë që opozita serbe proteston prej javësh kundër Vuçiç dhe politikave të tij. Ajo kërkon dorëheqjen e presidentit dhe zgjedhje të lira. Opozita thotë se në Serbia nuk ka liri, mediat janë nën censurë dhe ka totalitarizëm e partitokraci.

Qeveria e kaloi në heshtje Raportin e Departamentit Amerikan të Shtetit për të Drejtat e Njeriut, ku përveç korrupsionit sistemik dhe  presionit të politikës për t'iu shmangur hetimeve, notën më negative e mori policia ose më saktë shteti i së drejtës.

Raportoi flet për torturua çnjerëzore dhe trajtim aspak dinjitoz të të arrestuarve apo të dënuarve në burgje, duke faktuar një situatë tërësisht ndryshe nga ajo që propagandon kryeministri dhe vartësi i tij, Lleshaj. 

Departamenti Amerikan i Shtetit ka publikuar Raportin për të Drejtat e Njeriut për vitin 2018, ku vihet theksi tek korrupsioni i përhapur në të gjitha degët e qeverisë, mungesa e transparencës dhe sjellja çnjerëzore në stacionet policore dhe burgje.

Pjesë nga Raporti