Në Vëmendje

Ky foto montazh është shpërndarë nga kryetari i PD-së, Lulzim Basha, në profilin e tij në Facebook. Përtej deklaratave të lodhshme nga të dy krahët, ky montazh, që vjen në dritën e deklarimeve të zyrtarëve të zgjedhur, është e vërteta më e madhe e gënjeshtrës së vitit 2013. 

19 faqe analizë psikologjike për Ardian Fullani. Arrestimi i tij dhe shkarkimi nga detyra e Guvernatorit të Bankës së Shqipërisë, kanë sjelle pasoja për shëndetin dhe qëndrueshmërinë psikoogjike, të gjitha të analizuar nga psikologia Jonida Haxhiu, përcjellë nga “Panorama”. “Dëmi psikologjik, moral e ekzistencial i shkaktuar tek ish-Guvernatori, pas shkarkimit nga puna, është në nivel maksimal”, shkruan psikologia në raportin e vet, administruar dje si provë nga Gjykata Administrative.

Dje u bë i njohur lajmi se Europol, agjencia policore europiane, kishte ndryshuar tekstin e njoftimit për shtyp për operacionin e kapjes së disa trafikantëve të drogës në Greqi. Në njoftimin e publikuar më 13 maj, Europol, njoftonte se operacioni ishte drejtuar nga Greqia me mbështetjen e Belgjikës dhe të Europol. Pra Shqipëria nuk figuronte në njoftim, ndërkohë që ministri i Brendshëm shqiptar, Sajmir Tahiri, deklaronte se polica shqiptare kishte qenë pjesë e operacionit.

Skandali në jetimoren e Shkodrës ka përftuar të tjera nota emocionale sot, përmes dëshmive të fëmijëve që janë publikuar në emisionin "Top-Story" në "Top-Channel". Rasti është denoncuar nga Avokati i Popullit pas një kontrolli në Sarandë. "Skandali i radhës u zbulua nga institucioni i Avokatit të Popullit. Grup i tij i kontrollit ndodhej në Sarandë për të zbuluar një rast ku vajzat që mbushnin moshën dhe dilnin nga jetimorja binin pre e një rrjeti trafiku prostitucioni, ndërsa djemtë në trafik droge.

Silva Negollari, nëna e fëmijëve që humbën jetën në aksidentin e Kavajës, ka folur në një intervistë për "AbcNews". "Thotë se çdo gjë ndodhi befasisht. Ajo thjesht hapi krahun e një tjetri mjeti, por hekurat e anësores, e përfshinë makinën mes për mes. Udhëtimi që i ndryshoi përgjithmonë jetën familjes Negollari, u bë pas insistimit të fëmijëve. Dy netë me radhë, dy më të rriturit, duke qarë kishin këmbëngulur që nëna e tyre t'i çonte në Rrogozhinë. Për ta ishte udhëtimi i fundit. Kaq mundi të fliste Silva Negollari e cila u ndërpre nga bashkëshorti Sokoli. Ai nuk pranon asnjë kamera.

Sot ka qenë ditë e mirë për qeverinë shqiptare. Sidomos për kufizat e inkriminuara mediatikisht të saj, ministrin e Brendshëm, Sajmir Tahiri dhe kryeministrin Edi Rama. Lajmi i parë i mirë erdhi nga televizoni Top-Channel, i cili ishte shërbyer me një letër të drejtorit të Policisë italiane, për pajisjen përgjuese. Nëse një ditë më parë, analisti Andrea Stefani bënte pretencën apo avokatin në “Dita” kur pyeste pse nuk flet Interforza, Top-Channel jep verdikitin kur shkruan se “debati u mbyll”.

Çfarë thotë letra e drejtorit të Policisë Italiane?

Dalin në dritë të tjera detaje nga skandali i abuzimit seksual të 3 vajzave të mitura në Rezidencën e Fëmijëve në Shkodër. Nga dëshmitë e dhëna në polici, fëmijët e pyetur një nga një, pas publikimit të rastit një ditë më parë nga prokuroria e Shkodrës, mësohet se ata ishin totalisht të lënë jashtë kontrollit. Ata kanë rrëfyer se në Rezidencën e Fëmijës detyroheshin të shihnin edhe filma erotikë, teksa punonjësit e qendrës largoheshin për orë të tëra. Të miturat e moshës 6, 8 dhe 11 vjeç janë pyetur në prani të një psikologie nga prokurorët që po hetojnë skandalin.

Një ditë pas raportimit të sikletshëm të ministrit të Brendshëm, Sajmir Tahiri në Komisionin e Sigurisë, policia raportoi për një operacion të suksesshëm në Vlorë si për të dhënë një dëshmi të rezultatit "mbreslënës" të bashkëpunimit trajnues me policinë italiane.

Dje policia bashkiake e Bashkisë së Tiranës ka dhunuar gazetarin Genci Pishtari të faqes "CityNews" për shkak se ai po i filmonte. Duke thyer ligjin, policët sillen si polici rendi, për një çështje ku shefi i tyre, Erjon Veliaj, dallohet mbi të gjitë. Pra daljen në kamera. Veliaj deklaroi në "Studio e Hapur" se "unë bëhem bishë po më preke te puna", e me sa duket fjala është ligj në atë institucion. Një akt i dënueshëm që provon nervozizmin e pushtetit ndërkohë që shoqatat e mediave, nuk kanë ende asnjë reagim. Madje nuk ka reagim as nga Bashkia.

Veç skandaleve me zyrtarë të përfshirë në trafik ndërkombëtar droge dhe bashkiakë të mpleksur në aventura seksuale, qeveria po konsumon edhe disa ngjarje që rëndojnë edhe ligjërisht pozitat e ministrave, të cilët direkt apo indirekt janë përgjegjës për vdekjen tragjike apo dhunimin e fëmijëve. Rasti më flagrant është ai i ministrit të Transporteve Edmond Haxhinasto, vartës të të cilit kanë injoruar për 2 vjet një vendim gjykate që urdhëronte mbylljen e barrierave anësore të autostradës Plepa-Golem.