Në Vëmendje

Eurokomisioneri Johannes Hahn ka nisur sot një e-mail propozim që duket se realizon një zgjidhje të pranueshme mbi propozimin hibrid të Nuland. Sipas këtij propozimi Operacioni Ndërkombëtar i Monitorimit do të jetë subjekt i Kushtetutës, por me të drejta rekomanduese dhe jo ligjërisht të detyrueshme. Është një hap që reflekton shqetësimet e PD-së. Edhe për rrëzimin e kandidaturave ONM-ja duhet të japë arsyetim. 

Vëmendja e gjithë opinionit publik duket se është e fokusuar në maratonën e negociatave për reformën në drejtësi dhe dilemat se çfarë vendimi do të marrë parlamenti ditën e enjte. Komunitetet e Krishtera Shqipërisë (Kisha Orthodhokse Autoqefale e Shqipërisë, Kisha Katolike në Shqipëri dhe Vëllazëria Ungjillore e Shqipërisë) kanë dalë me një deklaratë, ku i bëjnë thirrje sensit të përgjegjësisë të faktorëve dhe liderëve politikë, që të gjejnë me patjetër një konsensus për këtë reformë ashtu siç edhe faktori ndërkombëtar është duke theksuar.

Faqja online “tesheshi.com” raporton sot për një letër që ka mbërritur në adresë të Ministrisë së Brendshme nga Turqia. “Një letër zyrtare nga Ankaraja për depërtimin e gylenistëve në struktura të fshehta financiare shoqërore dhe politike në Shqipëri, ka mbërritur edhe në Tiranë, një ditë pas grushtit-shtetit ushtarak në Turqi.

Presioni për miratimin e reformës në drejtësi, apo më saktë, të variantit amerikan të saj, ka arritur kulmin sot, kur ambasadori Donald Lu ka marrë pjesë në një protestë para selisë së Kuvendit të Shqipërisë. Një protestë që i mvishet shoqërisë civile, përbërë nga grupime që siç e dimë të gjithë mblidhen si me bilbil. Lu ka qenë i qartë dhe i hapur dhe për këtë meriton respekt, pasi rëndom ambasadorët flasin me një gjuhë që duhet deshifruar: “Koha për të vendosur është tani, miratojeni reformën në drejtësi, qytetarët po kërkojnë ndryshim.

Gjykatësja Majlinda Andrea është kthyer nga Italia, por pa bashkëshortin e vet, Odhisea. Kështu u raportua sot për gjykatësen e Gjykatës së Lartë, e cila akuzohet për korrupsion në vlerën e 50 mijë dollarëve. Ajo është pezulluar nga detyra nga Kolegji Penal i Gjykatës së lartë, pas kërkesës së Prokurorisë, e cila siç raporton sot “Abc News”, disponon pamje filmike dhe video, ku paraqitet bashkëshorti i saj, Odhisea, që mbush një qese me para.

Prokuroria kërkoi sot 3 vjet burg për ish-ministrin e Mirëqenies Sociale, Spiro Ksera. Ai akuzohet nga prokuroria për vjedhjen e 300 milionë lekëve të vjetra në aktivitete të zhvilluara për romët dhe shtresat në nevojë. Nëse gjykata do të pranojë kërkesën e Prokurorisë, ish-ministri do të vuajë vetëm 2 vite burg për shkak të gjykimit të shkurtuar dhe uljes së 1/3-es së dënimit. Për tre vartësit e tij Elda Kozaj, Artevis Nene dhe Elisabeta Dodbida u kërkua 1 vit e gjashtë muaj burg, dënim i cili ulet në 1 vit për shkak të gjykimit të shkurtuar.

Italia po përmbytet dhe pushtohet nga myslimanët. Një pohim i ngritur mbi paragjykime nëse i referohemi shifrave të fundit, të cilat citohen në një shkrim të posaçëm nga gazeta e Kishës, “Avvenire”.  Faktet e evidentuara nga Fondacioni Iniciativa dhe Studime mbi Multietnicitetin, provojnë se shumica e 5 milionë emigrantëve që jetojnë në Italia janë kristianë. Në 1 janar të këtij viti, emigrantët e besimit kristian ortodoks përbënin diçka më shumë sesa 1.6 milionë, ndërkohë që ata të besimit mysliman janë 1. 4 milionë dhe 1 milionë katolikë.

Ai që quhet koalicion mes Partisë Socialiste dhe Lëvizjes Socialiste për Integrim duket se ka përfunduar dhe është inekzistent, të paktën sa i përket reformës në drejtësi. Në një dalje të nervozuar para mediave, kreu i LSI-së, njëkohësisht kryetar i Kuvendit të Shqipërisë, Ilir Meta, ka deklaruar hapiur se çdo reformë e miratuar pa konsensus me opozitën, pa integritetin e nevojshëm, do të çonte Shqipërinë në një situatë të ngjashme me Maqedoninë.

Prokuroria e Përgjithshme ka njoftuar sot përmes një konference për shtyp se në përfundim të një hetimi, gjyqtarja e Gjykatës së Lartë, Majlinda Andrea, dyshohet për përfshirje në një skemë korruptive. Prokuroria sqaroi se ka lëshuar një urdhër pezullimi për gjyqtaren dhe urdhër arresti bashkëshortin e saj, Odisea Andrea, për shkak se dyshohet se kanë marrë 50 mijë euro për një vendim gjyqësor.

Supriza e kësaj çështjeje: Gjyqtarja është larguar nga Shqipëria bashkë me bashkëshortin.

Reagimeve për ngjarjet në Turqi u është shtuar edhe ai i kryetarit të Komunitetit Mysliman Shqiptar, Skënder Bruçaj.  Indodhur në SHBA me ftesë të Departamentit të Shtetit Amerikan në Washington D.C. me rastin e festës së Fitër Bajramit, Bruçaj ka reaguar me një postim në facebook, duke mos u pozicionuar politikisht, por duke uruar për normalizimin sa më shpejt të situatës.