Në Vëmendje

Sot kryeministri zhvilloi një takim me shoqatën e ricikluesve për të sqaruar se nuk është ashtu si mendon populli për plehrat. Por megjithatë shou duket se nuk pati shumë efekt mbi qytetarët, pasi reagimet në faqen on line të kryeministrit ishin dekurajuese për qeverinë. Edhe filmi i Arben Ahmetajt në një fabrikë riciklimi nuk e përmirësoi situatën.

Një aksident me pasojë vdekjen e një polici dje në Kamëz, ka përforcuar zërat për ndryshimin e sanksioneve penale. Ministri i Brendshëm Sajmir Tahiri doli sot me vrap për t’i rënë shkurt muhabetit:

Në një përpjkeje për të bindur opinionin publik se Ligji për Importin e mbetjeve ka mbrapa një vullnet pozitiv të qeverisë për të ndihmuar biznesin e riciklimit qeveria ka nisur një fushatë mediatike për të sqaruar predispozitën e saj dhe përfitimet qe vendi do të ketë nga ky ligj.

Prokuroria e Tiranës do të bëjë sekuestrimin e llogarisë bankare të kompanisë “Marsi-&AL”, e cila ishte fituese e tenderit të uniformave të Policisë së Shtetit. Kjo gjë do të bëhet pasi dyshohet se kompania në fjalë, përveç veprës penale të mashtrimit, mund të ketë kryer edhe atë të falsifikimit të dokumenteve.
Mësohet se nga hetimet paraprake ka rezultuar se kjo kompani ka përfituar një shumë të konsiderueshme parash si detyrim për prodhimin e uniformave, dhe pikërisht për këtë gjë është vendosur edhe bllokimi i llogarisë bankare.

Kreu i Dhomës së Tregëtisë, Nikolin Jaka, ka sqaruar dje në emisionin “Zonë e Lirë” të Arjan Çanit sesi mendon ai mund të realizohet legalizimi i prostitucionit dhe kanabisit. Jaka thotë se qeveria aktuale ka miratuar një ligj që lejon kazijnotë dhe lojërat e fatit në hotelet me pesë yje. Këtij ligji mund t’i shtohet edhe e drejta për të mbajtur prostitua legale dhe të shesin kanabis farmaceutik. Modeli gjerman është i ngjashëm me këtë që sugjerohet këtu, tha Jaka, i cili ka kërkuar që të futet kjo dukuri në hulli ligjore.

Është shkarkuar sot nga detyra drejtoresha e Tatimeve, Briseida Shehaj. Në vend të saj është emëruar Vasilika Vjero, njeri i Aeprben Ahmetajt. Bëhet e ditur se është larguar nga detyra edhe drejtoresha e Doganave, Pranvera Fagu. Dy lëvizje që priteshin, por që janë bërë në një ditë kur ka shumë debate për ligjin e mbetjeve.

Top Channel informon sot se Prokurori i Përgjithshëm, Adriatik Llalla është kërcënuar çka e ka detyruar të largojë familjen jashtë vendit.

Tjetër gjë të shohësh sesi në Shqipëri vijnë avionë të vegjël për t’u ngarkuar me drogë dhe ndryshe ta shohësh realitetin me dylbitë e policisë shqiptare, e cila po shënon rekorde sa i përket përkushtimit për të mbrojtur politikisht ministrin apo qeverinë me komunikata shtypi. Policia e Shtetit ka raportuar sot se në terren nuk ka më asnjë parcelë të mbjellë me kanabis sativa. A mund të besohet kjo kur vetëm pak ditë më parë u zbulua aksidentalisht pista e avionëve Piper në Durrës apo kur 700 kg kanabis të nisura nga Vlora u kapën në Bari.

Operatori i Shpërndarjes së Energjisë Elektrike është një nga arkat “shtetërore” ku kanalizohen një pjesë e madhe e parave të shqiptarëve, 3 vitet e fundit edhe me metoda represive të burgosjes për ata që nuk paguanin detyrime. Pati edhe raste të ndaluarish që ndërruan jetë në qeli për shkak të problemeve kardiake apo edhe vetëvrasjeve. Megjithatë qeveria dhe shkëlqesia e tij kryeministër nuk ka nguruar ta prazantojë OSHEE-në dhe Ardian Çelën në krye të këtij institucioni si historisë suksesi.

Bizsnesmenë të ndryshëm shqiptarë po ndërtojnë lloj - lloj gjërash në toka të grabitura , por një projekt serioz që u paraqit nga Omnix Albania, duket se u "zu me dru", si për ta bindur libanezin Fadi Matri për mikpritjen shqiptare. Nëse i hedh një sy projektit të propozuar prej tij, ai duket shumë serioz dhe me gjasë ky është edhe shkaku pse qeveria luajti Pilatin.