Në Vëmendje

Ish-deputeti socialist, Armando Prenga humbet licencën e shfrytëzimit të Lagunës së Patokut. Ky është vendimi i Gjykatës së Apelit Administrativ i marrë gjatë kësaj të enjte, duke lënë në fuqi vendimin e Shkallës së Parë.  Me këtë vendim të Apelit, i cili është i formës së prerë, kjo lagunë rikthehet në përdorim të shtetit deri në momentin që do të shpallet një procedurë e re dhenie me qira për peshkatarët të cilët plotësojnë kushtet.

Prokuroria e Krimeve të rënda ka vijuar me hetimin pas rastit të publikuar në media një natë më parë në emisionin investigativ “Stop”, ku një oficer gjyqësor ka marrë rryshfet 18 mijë euro për prokurorin Ardian Braho.
Sot është sekuestruar dosja e 120 mije eurove në zyren e prokurorit Braho, mëson “Panorama”.
Nga verifikimet rezulton se personi qe ka dhene parate eshte shtetasi me iniciale A.M, person i perdorur ne disa operacione policore me infiltrime dhe simulime aktesh korruptive.

Gradianët grekë, të akuzuar për torturimin e të burgosurit shqiptar, Ilia Kareli, duhet të shpallen fajtorë. Ky është vendim i i prokurores, shqiptuar gjatë procesit gjyqësor që po zhvillohet në gjykatën e Selanikut. Sipas saj, duhet shpallur fajtor edhe ish drejtori i burgut, që akuzohet për marrje në mbrojtje të kriminelëve.
Prokurorja ka argumentuar se gardianët e kanë torturuar në mënyrë barbare Ilia Karelin, por ka theksuar se nuk ishin torturat që shkaktuan vdekjen e të burgosurit shqiptar.

Emisioni investigativ “Stop” në “Tv Klan”ka publikuar sot një video ku shfaqet një prokuror i Prokurorisë Tiranë duke marrë 18 mijë euro nga një qytetar. Emri i prokurorit është Ardian Braho dhe çështja lidhet me një transfertë parash nga jashtë. E bllokuar me kërkesë të Krimit Ekonomik, shuma në fjalë nuk i është lejuar të tërhiqet qytetarit i cili sipas “Stop” ka dorovitur 18 mijë euro për të zgjidhur punë. Më poshtë video, e cila është akuzuese për Brahon, i cili mbetet i pafajshëm deri sa ta çmojë gjykata:

“Të legalizohet prostitucioni’. Ka qënë kjo deklarata e aktivistes Sevim Arbana. E ftuar në studion e "TemA TV" ajo tha se legalizimi nuk e stimulon këtë fenomen, madje u vjen në ndihmë vajzave dhe grave që prostituojnë duke i mbrojtur ato nga kriminaliteti dhe keqtrajtimi.

“Kjo është e vërteta që nuk na kanë thënë deri tani”. Kështu e titullon kryeministri Edi Rama një video që poston në Facebook, e ku jepet një hartë e kultivimit të kanabisit në Shqipëri në vitet 2007-2013. Harta na thotë se është përpiluar mbi të dhënat sekrete të policisë të cilat nuk janë bërë publike për të lënë vetëm Lazaratin si pikë të njohur të kultivimit. Konkluzioni propagandistik: Drogën nuk e solla unë, atë e gjeta mes jush.

Tre javë pasi këshilltarë të opozitës kallzuan kryetarin e Bashkisë së Tiranës, Erion Veliaj për atë çfarë ka ndodhur në landfillin e Sharrës, Prokuroria ka regjistruar kallzimin penal për këtë çështje. Aktualisht procedimi nuk është regjistruar me emër konkret dhe hetimet po kryhen nga i njëjti prokuror që ka në dorë dosjen e vdekjes së 17 –vjecarit Ardit Gjoklaj.

Nga bashkia është kërkuar e gjithë procedura e ndjekur për mënyrën se si menaxhohet landfilli i Sharrës nga firma që ka fituar tenderin per ndarjen e mbetjeve te riciklueshme.

Në mes të një fushate absurde që qeveria vijon në mbrojtje të importit të mbetjeve edhe pas miratimit të ligjit në parlament, kanë dalë në skenë edhe ricikluesit, të cilët një ditë më parë u përdorën si audiencë në takimin e kryeministrit.

Të nxitur ndoshta edhe nga qeveria, e cila po mban të gjitha kostot e një vendimi të pamoralshëm dhe jo transparent, Shoqata e Ricikluesve ka reaguar me një letër të hapur, ku mbron idenë se importi i mbetjeve është e drejtë kushtetuese duke hapur portat për qytetarët që duan të japin kontribut dhe të fitojnë para nga ky aktivitet.

Policia nuk zhgënjeu edhe në rastin e Fadi Mitrit. “Çunat” e ministrit të Brendshëm raportojnë çdo ditë arrestime spektakolare të personave që nuk u ndalojnë patrullave të policisë, por për ngjarjen që tronditi botën e biznesit dhe shkaktoi largimin e një komanie të huaj nga Shqipëria nuk ka ende asnjë të arrestuar, përveç Skëndër Krajës që mbahet në arrest me burg për posedim kanabisi, i dyshuar për ngjarjen. Mediat kanë publikuar një foto të personit që dhunoi biznesmenin libanez si dhe makinën e autorit, të cilën e ka bërë bashkëshortja e biznesmenit dhe ia ka dorëzuar policisë.