Në Vëmendje

Gjatë konferencës për shtyp me Presidentin e Francës, Emmanuel Macron, z. Rama bëri një analogji mes situatës në Kosovë dhe situatës në Palestinë. Dhe duke e vijuar analogjinë, ai krahasoi Kosovën me Palestinën, si dy vende që janë marrë peng nga klasa e vet politike.

Me një deklaratë të guximshme, sidomos për kryeministrin e një vendi që është në Këshillin e të Drejtave të Njeriut në OKB, z. Rama tha ndër të tjera se “Izraeli i përdor raketat për të mbrojtur popullin e vet, Hamasi përdor popullin për të mbrojtur raketat”.

Shqipëria ëshë bërë pjesë thelbësore e një plani europian kundër trafikut ilegal të qenieve njerëzore duke iu përgjigjur një politike të imponuar në samitin e Granadës nga Mbretëria e Bashkuar dhe Italia. Të paktën këtë raporton gazeta “The Guardian”, që flet për pesë pika, të cilit në fund i janë bashkuar edhe drejtuesit e Hollandës, Francës si dhe presidentja e Komisionit, Ursula von der Leyen. 

Bogdan Bogdanoviç, aktivist dhe politikan serb në Kosovë shkruan në rrjetin social X se sipas informacioneve që disponon, pritet që presidenti serb Aleksander Vuçiç do t’i nënshtrohet së shpejti sanksioneve nga komuniteti ndërkombëtar. Sipas tij, do të jetë presidenti francez Emmanuel Macron që do t’i komunikojë Vuçiçit informacionin se ai nuk është më partner i komunitetit ndërkombëtar për “shkak se mbështet terrorizmin”.

Qëndrimet e kryeministrit të Shqipërisë për situatën në Veri dhe sidomos deklarimet e tij në “Financial Times” se Veriu është toka e askujt, kanë provokuar reagime në Kosoë. 

Gazeta “Koha Ditore” përcjell disa prej tyre që duhe thënë se bashkohen në një pikë: z. Rama ka shkuar më larg nga sa pritej dhe se motivet e qëndrimeve të tilla nuk kuptohen dot si pjesë e një analize objektive. 

Ministri i Brendshëm i Kosovës, Xhelal Sveçla ka dalë sot në një konferencë për shtyp, krahas Drejtorit të Policisë, Gazmend Hoxha, gjatë së cilës ka zbuluar pamje video të stërvitjes në Serbi të grupit që organizoi sulmin në Banjskë më 24 shtator. Sveçla ka deklaruar se pamjet janë siguruar nga dronët e grupit, sekuestruar nga policia e Kosovës.

Sulmi terrorist me të cilin është ballafaquar Policia e Kosovës në fshatin Banjska të Zveçanit do të hetohet detajisht dhe deri në fund.

Policia e Kosovës në zbatim të urdhëresës së gjykatës, sot është kryer bastistje në banesën e Milan Radojçiq, në vilën tij në Liqenin e Ujmanit, në një aneks/ngrohtore të Spitalit të Mitrovicës si dhe në shtëpinë e Vladimir Radojevic i njohur me nofkën “Mami”.

Si shumë vende të BE-së, edhe Greqia po përballet me plakjen e popullsisë. Të dhënat e censusit të vitit 2021, të bëra publike nga Autoriteti Statistikor Helen, konfirmojnë një rënie të popullsisë prej 3.1% në krahasim me 10 vite më parë.

Aktualisht, Greqia ka një popullsi prej 10 482 487 banorësh.

Grupi hungarez 4iG ka shkarkuar drejtorin Ekzekutiv të One Albania, Emil Georgakiev. Vendimi vjen vetëm pak ditë pas kolapsit disaorësh që pësoi shërbimi i telefonisë celulare, i cili u pasua nga probleme të herëpashershme.

Pas largimit të Georgiev, vendin e tij do ta zërë Brano Djurovic, i cili aktualisht mban postin e drejtorit tregtar në One Mali i Zi.

Në një kronikë të përcjellë nga MCN Tv evidentohet një gjendje e mjerueshme në Kishën e Shelcanit. E shekullit të 17-të, kisha është e dekoruar më afreske dhe është shpallur monument kulture. Prifti thotë se “çfarë bie jashtë, hyn brenda” dhe se me mundimet e veta ka bërë ca punë. 

E njëjta gjendje është edhe në ishullin e Maligradit në Prespë, me kishëzën tejet interesante aty. Myk, kalbëzim, një depo e shenjtëruar nga vjetërsia dhe pelegrinazhi në shekuj. 

Në një shkrim në Corriere della Sera, përveç atij që është publikuar për Edi Ramën e që flet për fasadat e Tiranës së vitit 2000, Danilo Taino sjell në vëmendje një vëzhgim të bërë prej studiuesit të pabarazive Blanko Milanoviç, sipas të cilit ecuria e tanishme e lëvizjeve migratore shtron çështjen e zhdukjes së disa kombeve dhe shteteve siç i njohim sot.