Në Vëmendje

Drejtori i Ballkanit Perëndimor i ka kthyer përgjigje letrës së një grupi deputetësh të Partisë Demokratike për çështjen e Teatrit, ku konfirmohet se Brukseli po shqyrton nëse ligji “Fusha” për shembjen e Teatrit dhe ngritjen e Kullave është në përputhje me Marrëveshjen e Stabilizim Asociimit dhe rregullat e Bashkimit Europian në fushën e ligjit për konkurencën dhe prokurimet publike.

Të gjithë e mbajnë mend kapardisjen e kryeministrit për prishjen e ndërtimeve në Himarë dhe përgjigjen flakë për flakë të ministrisë së Jashtme ndaj Greqisë për mosndërhyrje në punët e brendshme.

Të njëjtën praktikë që ndoqi me dekriminalizimin, PD duket se po e zbaton edhe me Vetting-un dhe trupën e përgjedhur për të verifikuar gjyqtarët dhe prokurorët e sistemit. Opozita po publikon prova dhe fakte që deligjitimojnë procesin e trumbetuar deri më tani si pastrim i Pallatit të Drejtësisë. Njerëzit e përzgjedhur në Komisionin e Pavarur të Kualifikimit rezultojnë me probleme, të paktën sipas denoncimeve të PD.

Një tjetër kryebashkiak i Queensland në Australi u arrestua si pjesë e një hetimi për donacionet politike nga zhvilluesit e pronës. Kryebashkiaku i Logan, Luke Smith akuzohet se gënjeu Komisionin e Krimit dhe Korrupsionit (KKK) në një seancë lidhur me hetimin e donacioneve.

Smith është akuzuar për korrupsion zyrtar dhe dëshmi të rreme. KKK thotë se 48-vjeçari gënjeu për Operacionin Belcarra, i cili po hetonte nëse Smith kishte ndikuar në vendimet e zhvillimit të pronave nga të cilat përfitonin donatorët e fushatës.

Pas reagimit të kryetarit të Bashkisë Erion Veliaj që e krahasoi presidentin Ilir Meta  me paraardhësin në këtë detyrë Bujar Nishani për shkak të mosdekretimit të ligjit për Teatrin, Presidenca është kundërpërgjigjur me një deklaratë të zëdhënësit ku thuhet se ata që akuzojnë duhet të shohin argumentet e dekretit dhe mos të udhëhiqen nga reagime sipërfaqësore dhe emocionale.

Reagimi

Shoqata e Bashkive të Shqipërisë i ka drejtuar një letër presidentit të vendit, Ilir Meta, ku i kërkon që të kthejë edhe një herë në Kuvend ligjin për Teatrit që i hap rrugën shembjes së godinës.

Në këtë shkresë zyrtare ndër të tjera shkruhet se “Shoqata e Bashkive eshte e shqetesuar per nderhyrjen e pushtetit qendor ne kornpetencat e qeverisjes vendore. Qeveria, me fuqine dhe mekanizmat e saj, po krijon precedente te rrezikshem, duke nderhyre, imponuar per interesa te saj ne vendimarrjen e qeverisjes vendore, keshillave bashkiak dhe komunitetit”.

Ish kreu i Autoritetit Rrugor Shqiptar, Dashamir Xhika është liruar nga paraburgimi. Ai do të presë në shtëpi hetimet që do të zhvillohen ndaj tij për tenderin e rrugës Tiranë-Elbasan.

Gjykata e Krimeve të Rënda ka vendosur ndryshimin e masës së sigurisë për ish-drejtorin e LSI-së nga arrest me burg në arrest shtëpie.

Xhika u vu në pranga me disa zyrtarë të tjerë në fillim të shkurtit, për rrugën Tiranë- Elbasan. Ndaj tij rëndon akuza e shmangies së Bordit, si dhe përftimi i 35 milionë dollarëve pa një studim.

Komisioni i Pavarur i kualifikimit ka shkarkuar sot nga detyra prokuroren Rovena Gashi për mosjustifikim të pasurise dhe deklarim te rreme.

Gashi nuk ishte prezent ne salle gjate leximit te vendimit. Edhe në seancën dëgjimore të pak ditëve me parë ajo nuk u paraqit, por i parashtroi pretendimet e saj me anë të një letre, në të cilën shprehej se këto seanca janë kthyer në një arenë diskretitimi publik të njerëzve të drejtësisë, me qëllim eleminimin e pushtetit gjyqësor

Erion Veliaj nuk njeh më kufij të premtimeve që bën lart e poshtë dhe skenarëve që përvetëson në funksion të propagandës se ai është lokomotiva e ndryshimeve në Tiranë dhe jo vetëm. 

Pa asnjë skrupull aktualizon lajme të muajve apo viteve të shkuara, për t'i qarkulluar në opinion si investime që burojnë nga meritat e tij për të modernizuar shërbimet dhe siguruar investime që në fakt tejkalojnë tagrin  dhe fuqinë e postit që përfaqëson.

Në datën 4 korrik të këtij viti, Këshilli i Ministrave ka vendosur që të kalojë në përgjegjësi administrimi të Bashkisë së Tiranës një sipërfaqe prej 25 004 m2 nga të cilat 2853 m2 i përkasin godinës së Gardës së Republikës. Sipërfaqja është në hyrjen veriore të Parkut të Liqenit, dhe kufizohet me Akademinë e Artve dhe Korupsin Universitar.