Lajme

Pas një rënie të ndjeshme në vivtet e fundit, sektori i ndërtimit ka nisur të fuqizohet sërisht. Të dhënat e INSTAT raportojnë për rritje të lejeve të ndërtimit për 6 mujorin e parë 2017 me afro 82 %, krahasuar me vitin e kaluar. Vendin kryesor e zë Tiranë, e cila ka trefishuar numrin e lejeve të ndërtimit  në këtë 6 mujor.    

TemaTv

"Paramount Pictures" dhe regjisori Martin Scorsese kanë nisur xhirimet për filmin mbi jetën e presidentit të 26 amerikan Theodore Roosevelt. Në rolin kryesor do të jetë  aktori Leonardo Di Caprio. Skenari mban firmën e Scott Blum dhe është përshtatur për  filmin autobiografik që do të mbajë titullin “Roosevelt”.

Ish-presidenti amerikan ka pasur një karrierë shumëdimensionale që filloi nga radhët e marinës amerikane. Rritja e tij në politikë nisi me zgjedhjen si Guvernator i New York-ut dhe më pas si president  pas vrasjes së William McKinley.

Gazeta “Mapo” raporton për botimin nga shtëpia botuese “UET” dhe i ashtuquajturi “Instituti Pashko”, të dy librave me autor Ludwig von Mises: “Politikat ekonomike” dhe “Mentaliteti anti-kapitalist”.

Përtej promovimit të zhurmshëm që është metoda dhe parimi në kësi rastesh, tërheq vëmendjen fakti se librat janë pajisur me një pasthënie nga biznesmeni Samir Mane. Citohet Mane në pasthëniet e veta:

Një avion rus përfundoi në pyll kur pilotët e tij u përpoqën të ndërprisnin ngritjen për shkak të indikacioneve të rreme në shpejtësinë e avionit. Rezultati ishte që avioni i TU-22M3 pësoi dëme serioze në krahët e saj, ndërsa fatmirësisht pilotët nuk u dëmtuan. Aksidenti ndodhi në bazën ushtarake të Saikovës si gjatë stërvitjes “Zapad 2017”

Dy ditë pas referendumit për pavarësi të organizuar nga autoritetet kurde në veri të Irakut, parlamenti irakian miratoi një rezolutë që i bën thirrje kryeministrit Haider al-Abadanit për të dërguar trupa në qytetin e kontestuar të Kirkukut dhe të mbajë në mbikqyrje puset e naftës.

Kirkuk i përkiste territorit të qeverisjes lokale kurde, por u qeveris nga Bagdadi deri në verën e vitit 2014, kur ra në duart e shtetit islamik. Luftëtarët kurdë (Peshmerga) e çliruan atë, duke i penguar xhihadistët që të kapnin puset e naftës.

Policia përfshihet në një tjetër skandal pas ngjarjes së Elbasanit, ku nguroi të arrestojë dhëndrin e kryebashkiakut Qazim Sejdni për sulmin ndaj makinës së zv/drejtorit Gjergj Oshafi. Ish- shefi i Krimeve të Rënda në Tiranë dhe i njësisë Operacionale të Policisë së Tiranës Dritan Xhindoli, u vetëdorëzua në policinë e Durrësit, pasi ishte në kërkim ndërkombëtar.

Agjencia hapsinore NASA dhe kompania Lockheed Martin kanë investuar deri tani rreth 390 milionë dollarë në një projekt për ndërtimin e një avioni komercial që mund të transferojë pasagjerë nga Nju Jorku në Londër për vetëm tre orë! Aktualisht po kryhen prova me Concord-in  e ri në miniaturë, ndërsa fluturimet e para pilot të avionit të quajtur QueSST mund të bëhen në vitin 2021. QueSST është më pak i zhurmshëm se Concorde, një nga arsyet kryesore që avioni u hoq nga qarkullimi.

Një në çdo 10 nxënës në Itali është i huaj. Ka klasa në shkolla ku prezenca e të huajve shkon deri në 50% apo e kalon këtë shifër. Gazeta “Repubblica” e cila trajton çështjen e nxehtë të jus soli, nocioni që njeh qytetarinë duke marrë për kriter vendlindjen, sjell disa foto nën titullin: “Nga Torino në Palermo. Në shkolla jus soli është realitet” për të kujtuar se realiteti është i tillë që kërkon normim ligjor.

Ndërron jetë në moshën 91 vjeçare themeluesi i  Playboy, Hugh Heffner, njeriu që qëndroi pas revistës më të famshme erotike, shoqëruese për burrat e shumë brezave. Ai u lind më 9 prill 1926 në Çikago dhe u bë miliarder pasi vuri në jetë idenë e krijimit të Playboy në vitin 1953.

Milionerët vijojnë të shtohen në një botë përherë e më dinamike dhe të ndërlidhur ekonomikisht. Një raport i firmës këshilluese “Capegemini” sjell disa të dhëna mbi pasurimin e individëve apo kompanive në pjesë të ndryshme të botës për vitin 2016 dhe për përqendrimin e pasurisë në shifra absolute.