Lajme

Kryeministri Edi Rama pritet të jetë në Maqedoni në datat 16-17 tetor ku është I ftuar të marrë pjesë në një samit me 100 bizneset kryesore të Europës Juglidnore. Samiti që zhvillohet në Shkup do të asistohet edhe nga Komisionerja e BE-së për Transportin, Violeta Buc, e cila do të japë të dhëna për projektin Edison që financohet nga unioni. Ky projekt synon që të nxisë përdorimin e makinave elektrike në rajonin tonë duke krijuar infrastrukturën përkatëse rrugore dhe një rrjet komunikimi me shumë rëndësi për thellimin e komunikimit.

"Klan Plus" raporton sot për prag zhdukjen e plazhit të Semanit si pasojë e erozionit nga deti. Në 3 dekada, objekte që kanë qenë 200 m larg vijës së ujit, tani gjenden në ujë. Të prekur kryesisht nga ky përparim i detit janë kryesisht zonat ranore të Adriatikut dhe për këtë përgjegjësi ka edhe njeriu.

Kryeministri Edi Rama po i jep një kuptim devizës së “timonierit” që hodhi në fushatë elektorale. Ky kuptim shkon kaq qeverisja personale e urdhërave dhe direktivave, duke u vënë në rezonancë me perceptimin e përgjithshëm se përgjegjësitë janë kolektive.

Pas hipotekave dhe spitaleve rajonale, drejtuesit e të cilëve u shkarkuan me rekomandimin e dorëheqjes, pas akuzave gjithfarëshe për korrupsion, radha u ka ardhur drejtuesve të Agjencisë Kombëtare të Ushqimit.

NATO pritet të krijojë së shpejti një forcë shumëkombëshe në Detin e Zi, që synon të mbajë nën vëzhgim dhe të balancojë rritjen e prezencës ruse në këtë rajon. Nisma vjen si kundërpërgjigje pas kapjes së Krimesë nga Rusia në vitin 2014 që I siguroi Kremlinit dalje natyrale dhe pa pengesa në pikat kryesore të Detit të Zi.

Agjencia “Reuters” shkruan se si fillim do të jetë një forcë e vogël, në të cilën do të përfaqësohen 10 shtete, mes të cilave Italia, Kanadaja dhe Rumania, të cilat do t’I bashkohen me rreth 900 trupa amerikane që janë tanimë në zonë.

Në intervistën për gazetën austriake “Standard” kryeministrit Rama është pyetur për atë çfarë përfaqëson zgjedhja e Gramoz Ruçit në krye të kuvendit, duke qenë se ka shërbyer si ministër i Brendshëm. Përgjigjia e kryeministrit, e cila është zbardhur nga “Panorama” ka qenë jo pak e sikletshme, për sa kohë që pyetja vjen nga media të huaja.

Kryetari i ri i Kuvendit, Gramoz Ruçi ka qenë ministër i Brendshëm në vitin 1991, kur katër persona u vranë në demonstratën e Shkodrës. A keni kryer hetime brenda Partisë Socialiste për këtë kohë?

Po kthehet në modë celebrimi i dasmave mes seks oral.  Pas një çifti britanik që postoi i pari këtë mënyrë të re të kuroriëzimit në martesë, edhe një çift hollandez ka shpërndarë këtë moment në rrjetet sociale me miqtë. Nusja me fustan dhe dhëndri me kostum, por kjo nuk pengoi aspak realizimin e dëshirës së çiftit.  "Ne kishim rënë dakord për të përpara se të martoheshim që do ta bënim” rrëfen nusja 34-vjeçare.

Hije dyshimi sërish mbi policinë për një ngjarje që lidhet me bashkinë e Elbasanit. Policia e këtij qyteti akuzohet se ka mbajtur të fshehur një aksident në aksin rrugor Librazhd – Elbasan, që dyshohet se është shkaktuar nga kryetari i saj. Ajo reagoi 3 orë më vonë për ngjarjen pasi ish-kryeministri Berisha postoi një denoncim se makina e kryetarit të Bashkisë, Qazim Sejdini aksidentoi një 32 vjeçar në Labinot Fushë.

Në postimin e Berishës shkruhej se bëhen përpjekje për të mbyllur me para aksidentin:

Para disa ditësh qeveria shqiptare përmes ministrit të Jashtëm, Ditmir Bushati, pezantoi projektligjin “Për mbrojtjen e pakicave kombëtare në Republikën e Shqipërisë”, i cili “rregullon ushtrimin e të drejtave të personave që u përkasin pakicave kombëtare në Republikën e Shqipërisë, në përputhje me parimet e parashikuara në Kushtetutën e Republikës së Shqipërisë, Konventën Kuadër të Këshillit të Evropës për Mbrojtjen e Pakicave Kombëtare…dhe marrëveshjet ndërkombëtare në fushën e të drejtave të njeriut ku Republika e Shqipërisë është palë”.

Ministri i Brendshëm  Fatmir Xhafaj ka anulluar tenderin e uniformave të policsë që kapte shifrën e 9.5 milionë eurove. Gazeta “Shqiptarja.com” publikon urdhërin e Xhafës, në të cilin argumentohet se ofertat e paraqitura nuk përputhen me kriteret e kërkuara në dokumentacionin e tenderit. Kjo është një goditje për ish-ministrin e Brendshëm, Sajmir Tahiri, që e prezantoi personalisht projektin për uniforma të reja.