Lajme

Rezistenca ndaj antibiotikëve e baktereve që janë shkaktare infeksionesh në trupin e njeriut, ka detyruar mjekët të flasin për një epokë post-antibiotike, apo për një Apokalips të Antibiotikëve, sipas fjalëve të Sally Davies, përgjegjësja më e lartë britanike për mjekësëin.

Situata është bërë shqetësuese edhe më shumë pas një rasti në SHBA, pak muaj më parë, kur një grua e moshuar vdiq si pasojë e një infeksioni të marrë gjatë hospitalizimit në Indi, e që nuk u përmirësua as pas përdorimit të colistinit, “antibiotiku I fundit”.

Një seri çështjesh me natyrë ekonomike dhe gjeopolitik pritet të diskutohen në takimin që  kryeministri  grek Alexis Tsipras do të ketë me me Presidentin amerikan, Donald Trump në 17 tetor në Shtëpinë e Bardhë.

Rusia e Turqia kordinojnë lëvizjet për të forcuar lidhjet me Serbinë. Shefi i Kremlinit, Vladimir Putin raportohet se pati një bisedë telefonike me presidentin e Serbisë, Aleksandar Vuçiç, ku ka vlerësuar se Serbia nuk është në një situata të thjeshtë.

Qeveria spanjolle nuk  përjashton mundësinë e përdorimit të kompetencave që i jep  Kushtetuta për të pezulluar autonominë e Katalonisë. Në një intervistë për  gazetën El Pais, kryeministri konservator Mariano Rahoi tha se  qeveria spanjolle ka mjetet e duhura ligjore dhe për të parandaluar  skëputjen e rajonit autonom nga Spanja.

I pyetur nëse ai është i gatshëm të aktivizojë nenin 155 të Kushtetutës, i cili lejon atë të rrëzojë qeverinë rajonale dhe të thërrasë zgjedhje të reja atje, Rajoy ka thënë: "Unë nuk përjashtoj absolutisht asgjë nëse ligjshme"

I përfolur si njeriu që gëzon mbështetjen e grupeve kriminale në Elbasan, kryetari i bashkisë së këtij qyteti Qazim Sejdini i është përgjigjur shkurt dhe pa komente interesit të gazetarëve për lakimin e emrit të tij sidomos pas ngjarjes së 18 Shtatorit në Elbasan ku makina e zv/drejtorit të policisë Gjergj Oshafi u godit nga një mjet ku dyshohet se ishte dhëndri i Sejdinit.

Jo pa qëllim kryeministri Rama prezantoi në Asamblenë Kombëtare të Partisë Socialiste zv/ministrat e rinj, ose ajo që mund të quhet “garda” e dytë e pushtetit.  Bëhet fjalë për 33 emra që i bashkohen qeverisjes së Partisë Socialiste në nivel zv/ministrash.

Shumica janë emra të panjohur ose të paafirmuar më parë si figura politike të kësja partie, çka nënkupton edhe hyrjen e PS në një fazë rotacioni. Nga zv/ministrat e vjetër, Rama ka mbajtur në detyrë vetëm Petro Koçin te Ministria e Mbrojtjes i cili do të jetë i vetëm si zëvendës i Olta Xhaçkës.

Top-Channel  raportonte sot për projektligjin për ndryshimin e taksës së banesës, që ka kohë që përflitet se do të diskutohet. Sipas këtij televizioni, qeveria ka menduar që të ndryshojë formulën e përllogaritjes së taksës duke hequr kriterin e sipërfaqes për të vendosur taksë mbi në çmim reference që caktohet nga qeveria. TCh shton se ndonëse bëhet ky ndryshim, taksa për banesën e parë nuk do të rritet. Rritje do të pësojë  taksa për banesat e dyta apo të treat, pra për atë kategori që ka më shumë se një apartament në pronësi.

Kreu i Komitetit Hebreo - Amerikan, David Harris, ka komentuar përmes një interviste për gazetën greke “Kathimerini” projektet gjeopolitike që lobi që ai përfaqëson, synon në Mesdheun Lindor. Në qendër të interesave është padyshim siguria dhe mirëqenia e Izraelit, që prej 30 vjetësh është në një bashkëpunim strategjik me Qipron dhe Greqinë. 

“Takimet e rregullta të tre liderëve ilustron partneritetin dhe miqëisnë e afërt, pa harruar se është përherë e më e qartë se lidhjet janë institucionalizuar si shtylla të interesit kombëtar të të tre shteteve”, tha Harris. 

Gramoz Ruçi ka dhënë dorëheqje nga funksionet në Partinë Socialiste. Ai e ka njoftuar vendimin gjatë punimeve të Asamblesë së kësaj force e cila zhvillon sot mbledhjen e saj të radhës. Ruçi deklaroi se largimi bëhet për shkak të detyrës si Kryetar Kuvendi, e cila kërkon angazhim të plotë. Ruçi ka mbajtur deri më sot detyrën e sekretarit të Përgjithshëm, prej nga ku duhet thënë se ka mbajtur kontrollin e një partie jo të lehtë për t’u menaxhuar.