Lajme

Diksutimi për zgjedhjet në Rusi, ka provokuar një incident në debatin e organizuar nga Mehdi Hasan, në programin e tij, UpFront në Al Jazeera. Një prej gazetarëve të ftuar në panel, Valdimir Pozner, ka lënë studion për shkak se siç tha ai “nuk dua të përfshihem në një debat ideologjik”. Veprimi i tij erdhi pas diskutimeve në studio të dy të ftuarve të tjerë, gazetares Evgenia Albats dhe aktivistit Vladimir Kara-Murza. Sipas Pozner, njerëzit votojnë për Putin jo sepse janë budallenj dhe mbështetja për presidentin rus duhet parë për atë që është, jo për të përpunuar analiza subjektive.

26 kilometra linerarë material arkivor nga të cilat vetëm 4 km ruhen sipas standardeve. Një kronikë e TemaTv zbulon se 85% e materialit që është fond arkivor nuk administrohet siç duhet. Kjo pranohet edhe nga drejtues të Arkivit, si drejtori I Përgjithshëm Bido që thotë se aktualisht është miratuar projekti për ndërtimin e dy godinave të reja.

Partia Komuniste e Kinës ka propozuar shfuqizimin e një klauzole kushtetuese që kufizon mandatin presidencial në dy mandate. Sipas propozimit të ri, presidenti dhe zv.presidenti mund të shërbejnë deri në pesë mandate, një shenj e qartë kjo e vullnetit për t’u përjetësuar në pushtet.

Lëvizja konfirmon dyshimet se Xi Jinping ka patur synime për ta ushtruar pushtetin aktiv përtej vitit 2023, ndërkohë që në Kongresin e fundit të partisë, ndikimi dhe fuqia e tij u afrimuan me një tejtër forcë.

Mitet rreth seksit janë shumë. Por sa e arsyeshme është që ende të besojmë në to, teksa në 2018 kemi të dhëna shkencore dhe mjekësore në dispozicion? Për këtë arsye, Nina Brochmann dhe Ellen Støkken Dahl, autoret e librit «Mrekullia nga Poshtë», në një fjalim të tyre në TEDx në Oslo u përpoqën të hedhin poshtë me argumente dy mite të mëdha rreth virgjërisë së femrave.

Organizata Botërore e Tregtisë  paralajmëron se tarifat e reja të vendosura nga SHBA dhe reagimi i zemëruar  disa vendeve si Kina shtojnë rrezikun e luftrave tregtare. "Luftërat komerciale mund të shpërthejnë në çdo kohë dhe në mënyra që nuk presim"-tha drejtori i përgjithshëm i OBT-së,  Hobert Azevedu, duke folur për Agjencinë Gjermane në Gjenevë.

"Ajo që nuk duhet është që një anëtar të miratojë masa që një anëtar tjetër mund t’i konsiderojë të njëanshëme dhe kështu të reagojë në mënyrë të paarsyeshme, duke nisur hakmarrjen”- shtoi Azevedo.

Ideja se Neandertalët ishin njerëzit e parë që krjuan art sa vjen dhe përforcohet për të shkuar drejt një teze përfundimtare. Një studim i fundit që ka marrë në shqyrtim edhe zbulimin e shpellave me vizatime në Spajë që mendohet se janë 65 mijë vjet të vjeta, e vendos Nenandertalin në një tjetër perspektivë për shkencën. Jo më inferiorë dhe të pazhvilluar, por humanoidë të sofistikuar që riprodhonin imazhe dhe që kishin një sens artistik të ngjashëm me tonin.

Legjislacioni i ri polak që e shpall si antiligjore fajësimin e shtetit polak për veprimet e kryera në kuadër të Holokaustit ka provokuar debate shumë të mëdha në arenën ndërkombëtare. Bashkimi Europian i ka kërkuar Polonisë që të anullojë ligjin për shkak se ai përmban frymë antisemitiste. Kryeministri polak Mateusz Morawiecki shkoi më tej kur tha se gjatë Holokaustit kishte patur bashkëpunëtorë hebrenj po aq sa edhe polakë, një akuzë që duket se kërkon të rishkruajë një paradigmë morale që rrodhi nga Lufta e Dytë Botërore.

Pantera e Zezë – Black Panther, filmi më i fundit me temë superheronjtë nga Marvel Studios dhe Walt Disney është një sukses i jashtëzakonshëm financiar. Ai u shfaq si premierë më 29 janar dhe deri më tani ka mbledhur 520 milionë dollarë në mbarë botën. Filmi tregon historinë e një prej superheronjve të famshëm të Marvel, që shfaqet në serinë e mëparëshme, Captain America – Civl War(2016), mbretit të mbretërisë misterioze afrikane, Wakanda, T’Challa. Historia është e thjeshtë: në Wakanda, mijëra vjet më parë një metor solli një material unik, vibranium, për të cilin nis lufta e fiseve.

Bernd Fisher, një prej njohësve më të mirë të Ballkanit thotë se propozimi i kryeminstrit Edi Rama për një president të përbashkët Shqipëri-Kosovë më së paku është një hap drejt destabilizimit të rajonit.

Një kërkesë për punë e themeluesit të Apple Steve Jobs është përfshirë në pop artikujt e kulturës që do të dalin në ankand nga 8 deri në 16 mars, së bashku me dy sende të tjera personale të tij: Një Mac OS X i nënshkruar nga ai në vitin 2001, me një  vlerë  25.000 $, dhe një copë gazetë e vitit 2008, me një foto të Jobs të titulluar "iPhone i ri, më i shpejtë do të shitet për 199 $" me vlerë 15,000 euro.