Lajme

Sekretari i Përgjithshëm I NATO-s, Jens Stoltenberg është vënë në vështirësi përgjigjeje gjatë një interviste për revistën “Foreign Policy”. Pas një deklarimi të tij se NATO është aleancë 29 demokracive, ai është pyetur nëse Turqia është një demokraci. Stoltenberg ka preferuar të mos e përkufizojë Turqinë si demokraci, por si një aleate të çmuar, duke justifikuar sjelljen e saj me të ashtuquajturën “shqetësime të sigurisë”.

Nëse hapja e negociatave nuk ndodh në Qershor, atëherë kjo çështje mund të shtyhet për në fund të vitit. Kështu deklaroi kryeministri Rama në intevistën e dhënë për Mustafa Nanon në Abc News.

“Unë kam shumë besim se nëse nuk ndodh ndonjë gjë, po themi që sot, ne nuk e dimë, diçka e paparashikueshme, negociatat do të hapen. Çështja është nëse ne do të arrijmë t’i bindim vendet anëtare dhe nëse vendet anëtare do të kenë disponimin e plotë për t’i hapur negociatat në Qershor apo nëse kjo mund të shtyhet për në fund të vitit”- u shpreh kryeministri, Edi Rama.

Opozita akuzon se shkurtimi i listave të përfituesve të ndihmës ekonomike bëhet mbi baza selektive. Por zëvendësministrja e Shëndetësisë dhe Çështjeve Sociale, Bardhylka Kospiri thotë se një gjë e tillë nuk mund të ndodhë. Në një intervistë për TemA TV ajo shpjegon se skema identifikon më të varfrit dhe nuk caktohet nga një person si më parë, por nga sistemi online.

Rregullime të Marrëveshjes mbi zonat detare të vitit 2009, të cilat do të plotësojnë disa nga kërkesat e Tiranës janë duke u përshtatur nga Athina ajo si pjesë e dialogut që filloi nëntorin e kaluar në Kretë mes të ministrave të jashtëm dhe Nikos Kotzias dhe Ditmir Bushati. Kështu shkruan gazeta greke “To Vima” teksa i referohet dritëhijeve që po shoqërojnë këtë proces.  Kjo pikë, së bashku me heqjen e ligjit të  luftës janë dy shtyllat kryesore të marrëveshjes paketë që dy qeveritë synojnë të nënshkruajnë në pranverë.

Organiza Joqeveitare britanike Oxfam i kërkoi falje popullit haitian për skandalin seksual që përfshiu të punësuarit e saj, duke shprehur "turpin" dhe dorëzuar hetimin e brendshëm autoriteteve të Port-au-Prince.

Drejtori i përgjithshëm i Oxfam Mark Gkolntringk pritet të shpjegojë skandalin para një komisioni parlamentar të martën në Londër ashtu si një oficer i një tjetër organizate humanitare i  përfshirë gjithashtu në skandalin e Save the Children.

Loja politike me presidentin që vonon/refuzon autorizimin për nisjen e negociatave me Greqisë për kufirin detar nuk ka asjë shans të funksionojë. Kjo sepse kreu i shtetit nuk ka asnjë tagër të dalë mbi ligjin. Së fundmi një tjetër “teori” po zbulohet për t’i dhënë zë idesë se negociatat janë në shkelje të vendimit të Gjykatës Kushtetuese.

E mbani mend atë gruan nga Kuçova që u thoshte Nanos dhe Metës se “nuk duam as ujë as bukë, vetëm ju mos u zini?” Nuk është e vetmja. Mentaliteti “7 ballë tërmeti, nuk lëviz uniteti”, duket se në forma të vetat është i pranishëm kudo. Ja një rast nga Saranda. Në një intervistë për “Saranda Televizion”, Sheme Lulo i pyetur se sa orë në ditë furnizohet qyteti me ujë, përgjigjet “8 orë”. I pyetur nëse ky furnizim është i mjaftueshëm, Lulo nxjerr xhevahirin nga goja:

Më poshtë njoftimi i plotë i Presidencës mbi çështjen në fjalë: 

Në funksion të transparencës me opinionin publik, Presidenti i Republikës së Shqipërisë, Sh.T.Z. Ilir Meta vlerëson të bëjë publik qëndrimin e tij lidhur me “Kërkesën për autorizim negociatash me palën greke” dërguar Ministrisë së Evropës dhe Punëve të Jashtme, ditën e premte, datë 16 shkurt 2018, dhe po në funksion të transparencës Presidenti i Republikës së Shqipërisë Sh.T.Z. Ilir Meta do të mbajë një konferencë shtypi në Institucionin e Presidencës sot, me datën 20 shkurt 2018, në orën 13:00.

Në kulmin e debatit mbi marrëveshjen me Greqinë për ndarjen e Zonave Ekskluzive Ekonomike dhe përkatësinë e blloqeve detare në Jon, kreu i Agjencisë Kombëtare të Burimeve Natyrore, Ardian Bylyku lë të kuptohet se Shqipëria nuk ka pretendime për bllokun 1 dhe 2. Në një intervistë për televizionin Klan ai sqaron se blloku Joni 5 së bashku me rezervat natyrore, janë pasuri e territorit shqiptar, të cilat nuk do të ndryshojnë, njësoj si ajo e rezervave që ka Greqia në zonën 1 dhe 2.

Revista gjermane “Der Spiegel” botoi një artikull mbi fushat e gazit me titull "Gjuetia për thesarin e Mesdheut". Sipas saj, Mesdheu ka rezerva të mëdha gazi dhe shumë vende duan ta shfrtyëzojnë këtë pasuri.  Ajo çka vihet re ëshë një përshkallëzim i konfliktit mes Izraelit dhe Libanit dhe Turqisë e Qipros.