Lajme

Hapja e ambasadës së Shqipërisë në Iran do të jetë një hap i rëndësishëm për zgjerimin e shkëmbimeve tregtare mes dy vendeve. Kështu ka deklaruar kryetari i Unionit të Dhomave të Tregëtisë së Iranit, Gholam Hossein Shafei në një takim të përbashkët me dhomat e tregtisë në Shqipëri.

Buzëqeshja e kryeministrit Rama në fotografinë protokollare me kancelaren Merkel nuk pasqyron frymën e takimit që  u zhvillua në Berlin. Skepticizmi i Gjermanisë i shprehur edhe në deklaratat e kryetarit të Komitetit për Çështjet e Brendshme në Bundestag, Gynter Krishbaum rezultoi i qënësishmëm. Nga burime mësohet se kancelarja Merkel ka folur për parakushte para se Gjermania të japë votën pro hapjes së negociatave.

Të gjitha bashkitë që  nuk paguajnë detyrimet e prapambetura do t'u priten fondet që buxheti i shtetit jep në formën e transfertës së pakushtëzuar.

Paralajmërimi është konkretizuar edhe me një udhëzim të ministrit të Financave, ku urdhërohet bllokimi i transaksioneve financiare të njësive vendore nëse nuk shlyejnë detyrimet. 

Udhëzimi po ashtu sanksionon që edhe në rastet kur ndërmarjet në pronësi të bashkive nuk shlyejnë borxhet ndaj palëve të treta, dhe evidentohet se përgjegjëse për këtë shkak është njësia vendore, sërish bllokon transaksionet.

Presidenti francez, Emmanuel Macron është pritur në mënyrë të pazakontë në SHBA. Pas takimit me presidentin Donald Trump, Macron ka folur para Kongresit amerikan. Macron I është referuar historisë së përbashkët, ai e ka quajtur Kongresin tempull të demokracisë, duke shkuar më tej në bazën e përbashkët të historikut të të dyja vendeve. Vizita e Macron paraprin atë të kancelares gjeërmane Angela Merkel, por po shikohet qysh tani si një ofensivë që përcakton lidershipin e Europës.

Kryebashkiakja e Madridit Cristina Cifuentes jep dorëheqjen pasi shfaqet në një video duke vjedhur në supermarket, disa javë pas akuzave për diplomë masteri të falsifikuar. Dyshohet se ajo mori pa paguar dy kremra anti-rrudhë që kushtonin 40 euro, raporton BBC.
Cifuentes, 53 vjeçe, dorëzoi diplomën e masterit të saj javën e kaluar, kur u konstatua se dy firma në dokument ishin të falsifikuara. Dorëheqja e saj është një goditje për kryeministrin Mariano Rajoy, partia e të cilit është përballur së fundmi me skandale korrupsioni.

Kjo është një intervistë e Liri Belishovës dhënë për Robert Elsie në vitin 2011. Mund të konsiderohet si një lloj dëshmie dhe refleksioni mbi fillimet e lëvizjes komuniste në Shqipëri dhe atë që ndodhi pas Luftës. Aty Belishova flet për drejtuesit e regjimit, përfshirë Enver Hoxhën, Mehmet Shehun dhe Nako Spirun.

Liria e shtypit u përkeqësua vitin e kaluar në të gjithë botën, ndërsa klima e urrejtjes ndaj gazetarëve, e cila është kultivuar kryesisht në Evropë dhe SHBA kërcënon demokracitë perëndimore.Kështu thotë raporti vjetor i organizatës joqeveritare, Reporterët pa Kufij (RSF), ku liria e shtypit, siç përshkruhet në raport është e zymtë.

Presidenti serb Aleksandër Vuçiç ka luajtur sërish me mesazhet ndaj Europës duke shfrytëzuar një takim të tijin me kryeministrin e Belgjikës, Charles Michel. Ky i fundit ka qenë në Beograd pas vizitës që zhvilloi në Tiranë, e ku në një konferencë për shtyp me homologun shqiptar, Edi Rama, la të kuptohej se vendimi për hapjen e negociatave është ende në process shqyrtimi. Nga ana e tij, Vuçiç ka hedhur tezën se “Michel ka sjellë disa propozime të reja” të cilat siç tha ai do të bëhen publike kur të integrohen si pjesë e politikave të BE-së.

Zbulimi në Iran i një trupi të mumifikuar afër ish-mauzoleumit mbretëror ka ngritur dyshimet për gjetjen e kadavrës së ish-Shahut Reza Pahlavi, themelues i dinastisë Pahlavi. Mediat citojnë Hassan Khalilabadi, kryetar i Këshillit të Qytetit në Teheran i cili ka ngritur hipotezën se mund të jetë fjala për trupin e Shahut të dikurshëm të Iranit. Trupi u zbulua gjatë punimeve për ndërtimin e një faltoreje Shiite në Teheran.

Reza Pahlavi vdiq në ekzil dhe djali i tij, Mohammad Reza Shah erdhi në pushtet deri në vitin 1979.

Samiti i katër vendeve Bullgarisë, Serbisë dhe Greqisë dhe Rumanisë dha mesazhin se vendet e Ballkanit duhet të përcaktojnë zhvillimet në rajon bazuar në prioritetet e tyre dhe jo nga synimet apo agjendat e të tretëve. Cipas shprehu mbështetjen për perspektivën evropiane të Ballkanit, duke theksuar nevojën për të ndërtuar një vizion evropian "gjithmonë me kriteret e përcaktuara nga Bashkimi Evropian", për reformat dhe fqinjësinë e mirë.