Lajme

Njeri i afërt me kryeministrin, president i një klubi futbolli dhe ish-qeveritar i rangut të dytë. Safet Gjici i cili ka mbajtur detyrën e prefektit të  Qarkut të Kukësit akuzohet se ka përfituar fonde publike në shumën e 25.2 milionë dollarëve përmes kompanive që ka transferuar tek të tretët.

Partia Demokratike pretendon se përmes dy shoqërive të ruajtjes fizike,  EUROGJICI SECURITY dhe TONI SECURITY, Gjici  ka përfituar 315 tendera, me vlerë 25.2 mln  nga të cilat 171 pa garë

Punonjësit e policisë që do t’i nënshtrohen Vetting-ut mund të deklarojnë deri në 1.5 milionë lekë  të ardhura të përfituara jashtë skemës së kontrollit tatimor.

Ky është një nga “lëshimet” ne ligjin që synon të pastrojë radhët e policisë nga efektivet e korruptuar.Të gjithë efektivet që kanë të ardhura të përfituara nga puna në të zezë apo nga aktivitete që nuk i justifikojnë dot ligjërisht, do t’u duhet të bejne një deklarim mbi burimin e kesaj shume, por nuk jane te detyruar ta dokumentojne, raporton Tv Klan.

Dy ish-zyrtarët e LSI-së, Andi Toma, dhe Dashamir Xhika akuzohen për shpërdorim detyre në rastin e rrugës Elbasan-Gjinar.

I pari drejtor i Përgjithshëm i Autoritetit Rrugor Shqiptar në periudhën Tetor 2013 – Shtator 2017 dhe i dyti Drejtor i Përgjithshëm i Autoritetit Rrugor Shqiptar në periudhën 2008 –2013 janë pjesë e 11 të pandehurve që janë çuar për gjykim pas përfundimit të hetimeve.

Autoriteti i Komunikimeve Elektronike dhe Postare urdhëron kompanutë celulare që duke  filluar  nga data 1 qershor  2018 të  rikthejnë vlefshmërinë  e paketave  standarte me  parapagim  nga  28  ditë  në  mujore (30 ditore).

Albtelecom,  Telekom  Albania dhe  Vodafone  Albania në shkelje të hapur të kontratës me abonentët në mars të vitit 2016 bënë ndryshimin e kohëzgjatjes së ofertave për shërbimet mobile për përdoruesit me parapagim nga 30 ditë në 28 ditë.

Dy kompani të huaja ofrohen për ta vënë në punë TEC-n e Vlorës, i cili megjithëse u ndërtua në 2012, nuk ka punuar asnjë ditë, për shkak të mosfunksionimit të një pajisjeje. Zëvendësministri i Energjetikës Enis Aliko tha për TemA TV se po bëhet studimi i fizibilitetit dhe shumë shpejt do të shpallet oferta. Ndërkaq, TEC-i është objekt i gjyqeve shumëvjeçare të KESH-it me palën italiane për dorëzimin e parave të lëna garanci.

Po ushtojnë tamburët e suksesit të merituar të Majlinda Bregut që u zgjodh sekretare e Përgjithshme e Këshillit Rajonal të Bashkëpunimit. Ministri i Jashtëm Ditmir Bushati lëshoi sot një deklaratë urimi duke kujtuar ndoshta me këtë rast se zonja Bregu që po mbulohet nga disa media me dafinat e një suksesi që nuk është personal, e ka detyrën një dhuratë nga qeveria shqiptare. Zëri i Amerikës e konfirmon indirekt këtë, kur interpreton se caktimi i Bregut në detyrën në fjalë, ka ardhur si kompromis me Podgoricën zyrtare.

Ish-kryeredaktori i Breitbart, media e së djathtës ekstreme në SHBA, Milo Yiannopoulos, është detyruar të dalë nga një lokal në Mangatan, pasi një grup klientësh nisën të thërrasin: Plehrë naziste, dil jashtë. Ata u identifikuan si anëtarë të Partisë Demokratike Socialiste të SHBA dhe kanë detyruar Yiannopoulos të largohet. Ai konsiderohet si një zë provokator dhe radikal. 

Presidenti i Këshillit të Europës, Donald Tusk ka nisur turin ballkanik një javor që do të shërbejë për përgatitjen e samitit të Sofjes më 17 maj. Në fjalën e mbajtur pas takimit me kryeministrin Edi Rama, Tusk ka shprehur mbështetjen e plotë personal për aspiratën e Shqipërisë, por nuk ka munguar të kujtojë se hapja e negociatave është një process i vështirë dhe me pengesa.

E paragjykuar nga tërheqja  seksuale gjatë  viteve të adoleshencës për mikun e saj më të mirë, një grua kthehet në komunitetin ku ajo u rrit.

Kthimi i saj do të nxisë një histori dashurie mes  vajzave të dy judenjve ortodoksë, - njëra prej tyre e bija e rabinit të Nju Jorkut. Një sprovë  për të eksploruar kufijtë e besimit dhe seksualitetit.

Filmi «Mosbindja» me Drejtor,  Sebastian Lelio bazohet në romanin e Naomit Alderman, ndërsa në rolet kryesore janë Rachel ëeisz dhe Rachel McAdams.

Çështja e hetimit për mashtrim të administratorit dhe menaxherit të kompanisë “Gulf” merr përmasat e një skandali që ka të bëjë me veprimet e institucioneve shtetërore. Së pari ngjarja nisi me heshtjen e përfaqësuesve të Policisë së Shtetit dhe Ministrisë së Brendshme për faktin nëse Irakli Svanidze dhe Albano Aliko ishin vënë apo jo në kërkim. Njoftimin për këtë çështje Policia e Shtetit e dha zyrtarisht vetëm në datën 21 prill, pra një ditë pas kallëzimeve për mashtrim dhe pasi klientë të ndryshëm po përballeshin me mungesë shërbimi për tollonat e shpërndarë nga kompania.