Lajme

Do ketë veting edhe në Partinë Socialiste. Këtë ka thënë pak a shumë sot kryeministri Edi Rama në mbledhjen e Asamblesë së saj. Z. Rama është njeri që i pëlqen frazat goditëse, sepse e koncepton politikën si art ekzibicionist. Dhe fjala e tij në Asamble ishte pak a shumë moment ekzibicionizmi për të larguar vëmendjen nga dushi gjerman që po I sjell kokën vërdallë. 

Që nga koha kur ka nisur të qeverisë z. Rama është “kapur” mat, apo ka lënë ta kapin me ankesa për “drejtorë që na nxjerrin bojën” apo për ministra turkoshakë. 

Zgarbi ka dhënë një tjetër provë të delirit kur ka njoftuar i zhveshur, nga shtëpia e vet largimin nga Siçilia për shkak të vendimit për ndërtimin e 13 impianteve të reja të energjisë me erë.

Ministrat nuk do t’i kalojnë të qeta pushimet e kësaj vere. Kryeministri Rama paralajmëroi rikompozim të kabinetit në shtator, pas një vlerësimi që do bëhet për punën e tyre. Paralajmërin kreu i qeverisë e bëri nga punimet e asamblesë socialiste.

“Ndryshime në qeveri në shtator nëse duhet bërë, do të shohim cilët ministra, ministre, cilët nuk janë në lartësinë e kësaj nevoje, jo thjesht të tregojnë shifra e statistika, por të kenë vendin e tyre në mendjen dhe zemrat e atyre që na kanë dhënë besim”- deklaroi Rama.

Duket se raportimet e mediave të ndryshme amerikane se shefja e re e CIA-s, Gina Haspel, ka drejtuar dhe mbikëqyrur seanca torture, janë verifikuar në rrugë dokumentare. National Security Archive në Universitetin “GeorgeTown”ka publikuar atë që e quan dosja e torturës së Gina Haspel, e cila përmban nëntë dokumente të cilat konfirmojnë se Haspel ka qenë në krye të operacioneve ku aplikohej tortura kur drejtone stacionin e CIA-s në Tajlandë.

Një shfaqje miqësore pavarësisht mosdakordësisë për çështjet tregtare dhe marrëveshjen bërthamore me Iranin,  e cilësuan mediat ndërkombëtare takimin e Donald Trump dhe kancelares Merkel në Shtëpinë e Bardhë.

Presidenti amerikan përgëzoi kancelaren për fitoren në zgjedhje, duke lënë të kuptohet se keqkuptimet janë tejkaluar. "Ne kemi pasur një marrëdhënie vërtetë të mrekullueshme që nga fillimi, por disa nuk e kuptojnë"- tha presidenti amerikan duke e quajtur Kancelaren nje "grua shumë të madhe."

Gjykata e Shkallës së Parë në Shkodër vendosi sekuestron preventive për mbi rreth 25 000 m2 tokë pyll, në Razëm të Malësisë së Madhe. Hetimi i krimit financiar në Prokurorinë e rrethit zbuloi se kjo sipërfaqe ndodhet ende e regjistruar në favor të përfituesve të vendimit të Kthimit dhe Kompesimit të Pronave.

Sipas Prokurorisë 53 906 m2 tokë e llojit pyll në Razëm, është kthyer me dokumenta  të falsifikuara. Ajo që bie në sy është procedimin penal është regjistruar në mars 2016, por  është pranuar nga Gjykata e Rrethit Gjyqësor Shkodër vetëm në 25 prill 2018.

Kompania “Gulf”  ka hyrë në tregun shqiptar me ambicie për të tregtuar karburant me cilësi. Në atë kohë, kur priste shiritin e inaugurimit të “Gulf”, ministri Gjiknuri thoshte se ajo ishte kompani serioze, ndërsa tani, që doli se ka mashtruar publikun, ministri i Energjisë ia faturon përgjegjësinë Tatimeve. Pasi ka nisur hetimet prokuroria, sot ka folur për herë të parë edhe opozita.

Ndryshimet e shpallura nga Facebook të mërkurën sipas analistëve janë më shumë  rezultat i presionit nga Rregullorja e re Europiane për mbrojtjen e të dhënave në rrjetet sociale dhe jo se papritmas Facebook vendosi të kujdeset për privatësinë e përdoruesve të saj.

Në mënyrë të veçantë, përdoruesve u kërkohet tani të zgjedhin mënyrën me të cilën Facebook mund të përdorë dhe shfrytëzojë të dhënat e tyre. Nga tani e tutje përdoruesit duhet të japin pëlqimin për përdorimin e të dhënave nga burimet e jashtme apo kompanitë e reklamave.

Ministri i jashtëm shqiptar Ditmir Bushati është përballur me një mori pyetjesh lidhur me ndikimin e Turqisë në Shqipëri dhe financimet që vijnë përmes burimeve të kontrolluara drejtëpërdrejtë në Ankaraja.

Dojce Welle raporton për një debat të ashpër në Universitetin e Columbias për Shqipërinë, ku ministri Bushati është kundërshtuar ashpër nga profesor David L. Phillips, i cili ka qenë me delegacionin e parë amerikan të nivelit të lartë që vizitoi vendin pas hapjes, së bashku me James Baker.

Qeveria dhe qerrja mediatike që i shkon nga pas kanë nisur një përpjekje të mjeruar për të korrigjuar imazhin që la pas vizita e Edi Ramës në Gjermani. Përqendrimi: çështja Tahiri. Kjo vëmendje ndaj një kërkese gjermane për ish-ministrin e Brendshëm është kompromentuese, pasi provon një gjendje stresi, sikurse mëton të skualifikojë një aspekt që është shumë kushtëzues. 

Për ta minuar argumentin, kryeministri Rama hodhi si pa dashje idenë se në një vend si Gjermania nuk mund të kërkohet arrestimi i dikujt. Dhe te fjala ARRESTIM po mbahet isoja e medias.