Lajme

Ndonëse Rusia ka dënuar tërheqjen e  Uashingtonit nga marrëveshja bërthamore e Iranit, Moska mbetet më pak e ekspozuar se Europa ndaj pasojave ekonomike që mund të sjellin sanksionet amerikane.

"Marrëveshja e vitit 2015 dhe heqja e sanksioneve shënoi kthimin e biznesit evropian në Iran, por pas sanksioneve të reja amerikane nuk ka gjasa që kompanitë europiane të vazhdojnë të bëjnë biznes në këtë vend, duke i dhënë hapësirë biznesit rus. ​​Rusia tani mund të ecë përpara me shpejtësi të plotë "- thotë Vladimir Sotnikov, analist i shkencave politike.

Kompromisi për çështjen e Kosovës do të kalojë në referendum në Serbi. Këtë ka lënë të kuptohet presidenti i këtij vendi, Aleksander Vuçiç gjatë një konference për shtyp me kreun e parlamentit gjerman për Çështjet e Europës, Gunther Krichbaum. 

Qytetarët e Serbisë do të kenë mundësinë të shprehen për atë që ne mendojmë se është një zgjidhje racionale dhe me kompromis

Qeveria e Edi Ramës premtoi legalizim falas. Dhe në fakt procesin po e ndjek si të tillë. Vetëm se eliminimi i kostove rrezikon vlefshmërinë juridike të të ashtuquajturave tapi për ata që legalizojnë pronën e tyre.

Në nivelet më të larta të katërvjeçarit arriti çmimi i naftës, duke tejkaluar 75 dollarë për fuçi, ndërsa konsumi botëror pritet të tejkalojë 100 milionë fuçi në ditë në muajt e ardhshëm. Por çfarë saktësisht shkakton këtë rritje në çmimet e naftës? Është një kombinim faktorësh sipas analistëve të Cnn Money që ka çuar në stratosferë çmimin e arit të zi, ku një ndikim të madh ka marrëdhëniet e SHBA-ve me vendet e Lindjes së Mesme por edhe qëndrimi i Rusisë. Cnn ka ilustruar dhe me një video dinamikën e çmimet të naftës. 

Bashkia e Tiranës ka nisur të marrë nën kontroll administrimin e pallateve, banorët e të cilëve nuk kanë arritur të zgjedhin asambletë dhe administratorin. Një rast i tillë është njoftuar në njësinë numër 5 në Tiranë, kur përmes një njoftimi zyrtar, kryebashkiaku Erjon Veliaj, bën me dije se procedurën për kontraktimin e një shoqërie administrimi do ta bëjë Bashkia dhe deri në atë moment, ai personalisht do të jetë administrator. Në shkresën përkatëse, Veliaj referon ligjin duke deklaruar kështu hyrjen në të drejtën e komunitetit që ka dështuar të përmbushë një detyrim ligjor,

Ish-drejtori i Përgjithshëm të Burgjeve Artur Zoto, u shpall fajtor për akuzën e “korrupsionit pasiv të zyrtarëve të lartë”  në fund të një procesi gjyqësor që zgjati një vit.
Gjykata e dënoi me 5 vite burg.
Zoto u arrestua në shkurt të vitit 2017, pas dëshmisë së dhënë nga zëvendësi i tij, Iljaz Labi që pranonte veprimet korruptive me tenderat e ushqimit në Drejtorinë e Përgjithshme të Burgjeve dhe implikonte ish-shefin e tij.

Çështja e Fatmir Xhafës vijon të pompohet fort nga PD që ka avancuar së fundmi në akuza penale për ministrin e Brendshëm dhe denoncim te partnerët ndërkombëtarë. Sali Berisha ka folur për burg, kur ai vetë është përballë një presioni penal që mund të projektohet nga ekstradimi në Shqipëri i Izet Haxhisë. 
Në një intervistë për Tv Klan ai ka kërkuar dorëheqjen e Xhafajt, duke ndjekur strategjinë e shantazhit. 

Ky grafit i përdorur në rrugët e Italisë pëcjelle klimën politike në Italinë fqinje. Bloomberg shkruan se me marrëveshjen mes lëvizjes Pesë Yje dhe Legës së Matteo Salvinit, vendi ra në duart e populizmit. 
Sipas medias në fjalë, pas Brexit dhe Trump, ky është rasti i tretë në Perëndim që populizmi dhe forcat antiestablishment marrin kontrollin. 

Grafiti në fjalë është një ide shumë interesante për të përcjellë edhe në Shqipëri puthjen Rama – Basha në maj të vitit të kaluar. Ndoshta i vetmi ndryshim është se këta të dy nuk i bashkon populizmi.  

Politika e Jashtme amerikane bëhet edhe më e paparashikueshme sesa karakteri i presidentit Trump. Disa ditë pasi ky i fundit njoftoi daljen e njëanshme nga Marrëveshja Bërthamore me Iranin, zyrtarë të Departamentit të Shtetit kërkojnë që inspektimet ndaj Teheranit zyrtar të vazhdojnë. Madje vetë Trump e ka kërkuar një gjë të tillë dhe ai citohet të jetë shprehur në një takim në Indiana këtë të enjte që kaloi:

Revista e njohur gjermane “Spiegel” i ka kushtuar një editorial të gjatë marrëdhënies së Gjermanisë me Rusinë, e cila është cilësuar si special për një kohë të gjatë. Historia e afërt dhe realitetit gjeopolitik që vazhdon që prej unifikimit gjerman, i kanë hapur rrugën idesë se mes të dyja vendeve nuk duhet të ketë më përplasje, të cilat provokuan shumëçka në Luftën e Dytë Botërore.