Lajme

Masivitetin e ditëve të dhjetorit nuk po e shohim në protestat e studentëve të fillim-Janarit, por sistemi Universitar vijon të jetë në kolaps edhe pas aplogjisë së kryeministit që u shoqërua me shkarkimin e 8 ministrave. 

Protesta e studentëve megjithatë ka dy zhvillime të rëndësishme, bojkotin e auditoreve dhe zhvendosjen e protestës para ambasadës amerikane, e cila nuk është prononcuar deri më tani për çështjen e studentëve, ndryshe nga Bashkimi Europian që sugjeroi dialog mes qeverisë dhe studentëve. 

Shqipëria hyn këtë vit në një etapë të rëndësishme për integrimin europian. Në qershor të këtij viti është premtuar çelja e negociatave për anëtarësim nëse vendi do të plotësojë disa kushte dhe do të sigurojë besimin e vendeve anëtare. Në këtë kuadër, sot Kryetari i Kuvendit, Gramoz Ruçi, u ka drejtuar një letër Presidentit të Dhomës së Deputetëve të Rumanisë, Nicolae Liviu Dragnea dhe Presidentit të Senatit të këtij vendi, Calin Popescu Tariceanu përmes së cilës kërkon mbështetjen e këtij vendi që merr presidencën e Këshillit të Bashkimit Europian.

Qeveria franceze parashikon sanksione më të ashpra kundër demostruesve që përdorin dhunë, duke paralajmëruar ndryshime ligjore në legjislacionin ekzistues.

Në këtë mënyrë Macron i përgjigjet radikalizimit të lëvizjes që kanë nisur prej javësh "jelekët e verdhë". "Ne duhet të mbrojë të drejtën për të protestuar në Francë dhe për të ndëshkuar ata që shkelin ligjin"deklaroi kreu i qeverisë franceze Edouard Philippe në një intervistë për rrjetin televiziv TF1.

Mos hiqni dorë!

Alltun Çela, i cili nga viti 2008 drejton Gjykatën e Sarandës u shkarkua sot nga detyra pasi u gjet me pasuri të pajustifikuar nga Komisioni i Vettingu-t.

ILDKPKI paraqiti  një raport pozitiv mbi pasurinë e gjyqtarit Çela, por ky konstatim u përmbys nga hetimi i thelluar i KPK-së, i cili ka konstatuar probleme të shumta me deklarimet e tij periodike dhe atë veting.

Pas më shumë se gjashtë vjetësh në udhëheqjen e Bankës Botërore, kreu i saj Jim Kim Kim njoftoi dorëheqjen e tij. Vakancën në krye të këtij institucioni të rëndësishëm financiar do ta plotësojë një kandidat i ri që do të propozohet nga presidenti amerikan Donald Trump.

Largimi përfundimtar i Jim Kim nga drejtimi i Bankës Botërore do të jetë  më 1 shkurt. Mandati i 59-vjeçarit skadonte në mes të vitit 2022 dhe arsyet që e detyruan të jepnin dorëheqjen nuk janë bërë të njohura.

“Isaku, djali me cen”(Isacco. Il figlio imperfetto). Kështu titullohet libri i një prifti, studies italian, Gianni Marmorini, i cili është sjellë në vëmendje nga gazeta e lidhur me Kishën Katolike, “Avvenire”.

Autori propozon diçka ndryshe për rrëfimin e njohur biblik të Isakut, djalit të patrariakut të njerëzimit, Abrahamit, të cilit iu kërkua nga Zoti që ta sakrifikonte të birin. Sipas tij, nisur nga analiza gjuhësore, nuk përjashtohet krejt e kundërta: që Isaku të ishte një fëmijë me probleme mendore apo nervore, një autik apo një daun dhe për pasojë nuk pranohej nga i ati.

Aleksandër Vuçic, president i Republikës së Serbisë, është dekoruar me Urdhërin e Aleksandër Nevskyt, akorduar nga homoogu i tij rus, Vladimir Putin. Në njoftimin për shtyp thuhet se Vuçiç nderohet me çmimin më të lartë rus për kontributin e dhënë në forcimin e marrëdhënieve serbo-ruse dhe është personaliteti i parë në 100 vjet që e merr atë. Para tij, nga Serbia dekoratën e ka marrë mbreti Milan Obrenoviç, mbreti jugosllav Aleksandër Karagjorgjeviç, ndërsa i fundit ka qenë ish-kryeministri Nikolla Pashiç. Figura të njohura të nacionalizmit serb.

Përfaqësuesja e Partisë Demokratike, Ina Zupa. Ka deklaruar sot se shtëpia e Surrelit ku banon kryeministri Edi Rama kushton rreth 400 milionë lekë të vjetra. Ndryshe nga sa ka deklaruar Rama, sipas të cilit ai shtëpinë e ka bërë me ca lekë për të cilat nuk ndonjë shpjegim përfundimtar, Zhupa i referohet deklaratës së pasurisë së bashkëshortes së Ramës, Linda Rama.

Edi Rama e nisi karrierën me 10 milionë lekë dhe sot, vetëm vlera e shtëpisë superluksoze në Surrel është deklaruar 400 milionë lekë.

Gazeta “Panorama” shkruan sot për mbledhjen më 10 janar të Asamblesë së Akademisë së Shkencave ku sipas saj do të ngrihet komisioni që do të administrojë procesin zgjedhor dhe do caktojë datën e zgjedhjeve. Por ky process duket se i paraprin ligjit të ri që ende nuk është miratuar.