Lajme

Kryeministri Edi Rama ka nisur të përdorë fjalë importi për të sugjestionuar opozitën dhe protestat e saj. Nëse një ditë më parë, ai soli një thënie të ish-kryeministrit britanik, Churchill për të përcjellë mesazhin se sfidat e pas 30 qershorit janë shumë të mëdha dhe se për to nevojitet dialog, për protestën e nesërme, z. Rama ka zgjedhur Martin Luther King.

Përtej aspektit moral, limiti i protestave të dhunshme qëndron në faktin se ato s’të çojnë në fitore dhe këtë e dinë edhe ata që i bëjnë.

Presidenti turk, Recep Tayip Erdogan njoftohet se do të marrë pjesë në samitin dyditor të Procesit të Bashkëpunimit të Vendeve të Europës Juglindore që mbahet në Sarajevë në datat 8-9 korrik të këtij viti. Sipas drejtorit të Komunikimit të presidentit turk, Fahrettin Altun ky samit është e vetmja platformë që përfshin të gjitha vendet e Ballkanit.

Takimi do të përqendrohet në hapat që duhen ndërmarrë për të përmirësuar bashkëpunimin në Ballkan, veçanërisht në fushën e ekonomisë, tregëtisë, transportit, infrastrukturës dhe investimeve

Lauren Luli është që nga sot myftiu I ri i Tiranës. Prezantimi është bërë nga kreu i Komunitetit Mysliman të Shqipërië, Bujar Spahiu gjatë një takimi në selinë e komunitetit me imamët e xhamive të Tiranës.

Myftiu i ri i Tiranës, z. Lauren Luli është teolog. Ai ka kryer studimet e larta në Fakultetin e Shkencave Islame në Bursa të Turqisë dhe më pas masterin shkencor në Shkencat e Hadithit në KU Bedër, Tiranë. Ai ka ushtruar detyrën e tij si imam dhe myfti si dhe prej dy vitesh mbante postin e nënkryetarit të KMSH-së.

Eva Mozes Kor, një prej të mbijetuarave më të njohura të kampit të Aushvicit vdiq në Poloni gjatë vizitës në vendin e martirizimit të mijëra hebrejve.

E lindur në Eva Kore, e cila krijoi Muzeun e Qirinjve në  Indiana të SHBA duke i përkushtuar tërë jetën e saj informimit të njerëve lidhur me Holokaustin ndërroi jetë në moshën 85 vjeç.

Ambasadori rus në Tiranë Aleksandër Karpushin është intervistuar nga Reporti Tv që e ka pyetur mbi zhvillimet politike në Shqipëri. Diplomati rus ngriti dyshime se vendi ynë nuk ka një politikë të jashtme të pavarur.

Polonisë i nevojitet rikthimi i gjithë të rinjve që kanë ikur në vendet e Bashkimit Evropian për të ndihmuar në zhvillimin e ekonomisë kombëtare.

Për këtë arsye qeveria polake është duke shqyrtuar heqjen e tatimin mbi të ardhurat për qytetarët nën moshën 26 vjeç. Kryeministri i Polonisë, Mateusz Morawiecki tha për Financial Times se "kjo masë ka për qëllim të përmirësojë mundësitë për të rinjtë polakë, në mënyrë që ato të përputhen me kushtet e ofruara në Perëndim".

Autoritetet turke raportojnë se kanë sekuestruar 18.1 gram Californium radioaktiv, material që përdoret në prodhimin e armëve bërthamore dhe në reaktorë bërthamorë. Vlera e materialit të kapur shkon në 72 milionë dollarë dhe ajo u kap nga policia kriminale dhe antitrafik në një makinë në rajonin Detit të Zi.

Mediat raportojnë se sasia e kapur i është dërguar për analiza të mëtejshme Autoritetit Turk për Energjinë Atomike.

Juncker tha se rotacioni në krye të Komisionit Europian nuk pati shumë transparencë. Nuk është e qartë se çfarë donte të thoshte zyrtari në fjalë që e plotësoi mandatin me mikroskandale dhe skena komike të një pijedashësi që është ngopur duke qenë në krye. Por fjala është për caktimin në vend të tij të ministres gjermane të Mbrojtjes, Ursula von der Leyen. Një njeri I gjermanëve në krye të KE-së. Kështu është ideja e parë. Një njeri i Merkel që sot ka timonin e Europës, ekzekutivit të saj.

Vizita e presidentit rus, Vladimir Putin në Itali, është shoqëruar me optimizëm nga politika e vendit fqinj që përherë ka mbajtur një linjë komunikimi të veçantë me Moskën. kryeministri Italian, Giuseppe Conte është shprehur në një intervistë për gazetën “La Stampa” se Rusia mund të luajë një rol në menaxhimin dhe zgjidhjen e krizave rajonale si ato në Venezuelë, Siri apo Libi. Conte ka nënëvizuar se për situatën në Libi është mirë që violin e parë për armëpushimin të jetë OKB-ja, një qasje që shkon në logjikën e tij për një dialog përfshirës mes Rusisë dhe SHBA-së.

Karikatura si nëndegë e artit viziv njihet ndryshe si portreti i ekzagjeruar. Vetë fjala ka kuptimin e paraqitjes groteske ose qesharake nëpërmjet ekzagjerimit të një tipari karakteristik, ndërsa ruhet ngjashmëria e përgjithshme.

Si një zhanër që njohu zhvillim në shekujt e 16 dhe 17, karikatura u përdor nga satiristët e kohës për të vënë në lojë figura publike dhe politikanë. Megjithatë, disa e lidhin origjinën e karikaturës me Leonardo Da Vincin dhe vizatimet e tij në vitet e fundit të shekullit XV.