Lajme

Vendet anëtare të BE-së ranë dakord mbi sanksionet që Brukseli duhet t’i vendosë Turqisë për shpimet ilegale që Ankaraja vazhdon të bëjë në Zonën Ekonomike Ekskluzive të Qipros.

Pas konsultimeve me Përfaqësuesin e Lartë të BE-së, Federica Mogherini dhe Presidencën e Këshillit Europian, delegacioni qipriot ia doli të ndryshojë tekstin, duke përforcuar formulimin me një shtesë të masave të synuara. Ndër të tjera, teksti thotë se BE do të ngrijë takimet e nivelit të lartë me Turqinë dhe do të ndërpresë fondet e para-anëtarësimit të vendit.

Pas largimit të Enton Duros nga detyra e Drejtorit të Përgjithshëm të Tatimeve, me shumë gjasë do të jetë një zyrtare femër që do ta zëvendësojë. Burime nga kabineti i Kryeministrit Edi Rama, bëjnë me dije për ResPublica se një ndër emrat e lakuar dhe të mundshëm për të marrë drejtimin e DPT-së, është Alketa Knuti. Knuti ka qenë dikur drejtoreshë Kontrolli në DPT, por u largua nga kjo detyrë nga ish-drejtoresha e Përgjithshme, Brisedia Shehaj.

Dy komikët rusë që vunë në lojë kryeministrin e Maqedonisë së Veriut kanë publikuar sot edhe biesdën telefonike të bërë me kryeministrin e Kosovës. Njëri prej tyre i është prezantuar zotit Haradinaj si ish  ish-presidenti i Ukrainës, Petro Poroshenko, duke i thënë se pas zgjedhjeve presidenciale në Ukrainë do ta njihte pavarësinë e Republikës së Kosovës në shkëmbim të mbështetjes së Haradinajt.

Mëngjesin e kësaj të premteje mbërriti në Ankara, ngarkesa e parë me pjesët përbërëse të sistemit të mbrojtjes raketore S-400 nga Rusia.

Kontrata e nënshkruar në shtator 2017 mes presidentit Erdogan dhe homologut Putin arrin vlerën e 2.5 miliardë dollarëve. Përdorimi i këtij sistemi nga pala turke ka vënë në alarm aleatët e NATO-s.

Ministri i jashtëm turk Mevlut Çavushollu garantoi aleatët gjatë një konference për shtyp se sistemi do të veprojë në mënyrë të pavarur nga Moska dhe do të komandohet vetëm nga Turqia.

Ashtu siç ishte paralajmëruar Komisioni Qendror i Zgjedhjeve përfundoi rinumërimin e kutive për 11 qendra zgjedhore në Lezhë, bazuar në kërkesën e Partisë Konservatore Albania, të ish-deputetit Eduard Ndocaj, i njohur ndyshe si kaubojsi, i cili garoi përballë Pjerin Ndreut.

Në përfundim numri i votave doli i njëjtë me ato që të shkruara në procesverbal nga numëruesit e 30 qershorit, ku sipas verifikimit i vetmi gabim i evidentuar ishin 4 vota të hedhura në kutinë e gabuar. Nga ana tjetër kutitë e materialeve Zgjedhore nuk u hapën p[ër të verifikuar numrin e zgjedhësve.

Presidenti i Republikës, Ilir Meta ka refuzuar sot dekretimin e Skënder Gjinushin në detyrën e kryetarit të Akademisë së Shkencave. Në faqen e Presidencës është publikuar dekreti i refuzimi bashkë me arsyetimin përkatës juridiko-kushtetues që nis me një parashtim të prcedurës së njoftimit nga Akademia për zgjedhjen e Gjinushit si kryetar dhe përshkrimin e saj.

Dridhjet e Angela Merkel kanë gjetur një zgjidhje. Gjatë takimit të Merkel me kryeministren daneze, Mette Frederiksen, protokolli ka menduar të zhvillojë ceremoninë ulur. 

Një projektligj i qeverisë, që parashikon detyrimet për krijimin dhe mbajtjen e menaxhimin e rezervave të sigurisë për naftën bruto dhe nënproduktet e saj, për të siguruar një nivel të lartë të sigurisë së furnizimit me naftë bruto në vend, ka ngjallur reagimin e aktorëve të tregut.

Departamenti Amerikan i Shtetit  nuk është kursyer fare në ekspozenë që i ka bërë klimës së Investimeve në Shqipëri për Vitin 2019. Raporti i publikuar ngre si shqetësime kryesore korrupsionin, mungesën e transparencës në tendera, zbatimin e dobët të kontratave dhe shumë probleme të tjera që lidhen me hartimin e ligjeve dhe çështjet e pronësisë