Lajme

Banka e Shqipërisë ka miratuar së fundmi Rregulloren e re “Për Trajtimin jashtëgjyqësor nga bankat, të kredimarrësve në vështirësi financiare”. Në përcaktimet e këtij vendim shkruhet se vendimi në fjalë i shtrin efektet deri në datën 31 dhjetor 2020 dhe si qëllim të vetin rregullorja shpall 

reduktimin  e kredive me probleme dhe mbajtja nën kontroll e cilësisë së portofolit  të kredisë, duke nxitur trajtimin e kredimarrësve në vështirësi financiare, nëpërmjet një bashkëpunimi të strukturuar dhe eficient ndërmjet bankave

Kryeministri Edi Rama mendon se në përballjen për Teatrin Kombëtar ka kundër një pakicë të zhurmshme. 

Minoranca e zhurmshme dhe e verbër teatralo -politike, nuk përfaqëson asfare opinionin e shumicës së komunitetit të artistëve të skenës, për projektin e Teatrit Kombëtar!

shkruan ndër të tjera z. Rama sot në Facebook. 

Presidenti i Republikës, Ilir Meta, ka zbardhur dje, në një intervistë me gazetaren Sonila Meço për emisionin "Tempora", se cili mendon ai se është avantazhi kryesor që ka në politikë. Teksa ka pranuar gabimet dhe mangësitë që ia zënë shpesh në gojë, zoti Meta tha:

Avantazhi im është se kam lindur në Skrapar

Aty për aty gazetarja ka replikuar duke thënë se është nga Përmeti dhe se edhe Përmeti nuk është keq si avantazh.

Pas një dite të gjatë tensionesh dhe përplasjes policia u tërhoq nga rrethimi i godinës së Teatrit Kombëtar.Kaq mjaftoi që qytetarë dhe artistë në mbështetje të kauzës për Teatrin të vërshojnë në sheshin para ndërtesës.

Me heret gjatë mbrëmjes pati momente tensioni. Uniformat blu  zgjeruan perimetrin e rrethimit, duke mos lejuar kalimin e asnjë personi në sheshin përballë godinës.  Në mbështetje të policisë erdhën edhe Forcat e Ndërhyrjes së Shpejtë, të cilat ndërhynë në momentin që qytetarët çanë kordonin nga krahu i pedonales rreth ores 19 e 30 te pasdites.

Politika në Shqipëri ka prodhuar shumë personazhe që për hir të rrethanave kanë zënë vend në atë që quhet bursa e pushtetit. Situata paradoksale me zgjedhjet e 30 qershorit, ku njëra palë po bëhet gati të hyjë në zyrat e bashkive, ndërsa pala tjetër nuk pranon të lëshojë karriget e kthen Shqipërinë në amatorizmin që e ka shoqëruar që nga koha kur vendosi të krijojë shtetin e mosvarur.

Rutger Hauer, aktori hollandez, i mirënjohur për rolin e tij në filmin “Blade Runner” ka ndërruar jetë në moshën 75 vjeçare.

Hauer ka ndërruar jetë në shtëpinë e tij në Hollandë, pas një sëmundjeje të shkurtër. Regjizori Gulliermo del Toro e vlerësoi Hauer si një aktor i thellë, me lojë intensive dhe origjinale që u dha bukuri filmave ku mori pjesë.

Presidenti Ilir Meta ka dorëzuar në Gjykatën Kushtetuese kërkesën për të shpallur antikushtetues ligjin për prishjen e Teatrit Kombëtar. Përplasja tashmë ka marrë edhe formë ligjore, pasi Presidenti jo pa qëllim ka përmendur edhe drejtësinë ndërkombëtare si një shkallë të adresimit të konfliktit.

Mediat serbe shkruajnë sot se kryeministri i dorëhequr i Kosovës, Ramush Haradinaj, mund të akuzohet për lidhje me trafikun e organeve që është përfolur se është kryer në të ashtuquajturën “Shtëpia e Verdhë”.

Lajmin e ka qarkulluar edhe agjencia shtetërore Tanjug, që i referohet gazetës “Blic” e cila vetë referon “burime ndërkombëtare”.

Mediat turke shkruajnë se kryeministri i ri britanik, Boris Johnson, është turk me origjinë. Otoman më saktë. Me një pamje që të krijon përshtypjen e një njeriu 100% sakson, origjina turke e Johnson, i shtohet elementëve të tjerë të karakterit të tij që provokojnë debate.

Kryeministri Edi Rama ka reaguar sot për situatën e krijuar te teatri Kombëtar, duke deklaruar se plani për shembjen e godinës ekzistuese nuk negociohet.

Asnjë minorancë nuk mund të marrë peng asgjë e askënd në këtë vend. Megjithë respektin për një minorancë aktorësh teatri dhe politikanësh që s’kanë hyrë kurrë në teatër, po janë mësuar të bëjnë teatër me çdo gjë, Teatri i ri Kombëtar do të ndërtohet si plan e përgjegjësi qeverisëse.